Gond Katira : వేసవిలో గోంఢ్ కటిరా వల్ల కలిగే లాభాలు ఇవే.. ఎవరు తీసుకోవాలి? ఎలా తీసుకోకూడదు?
Tragacanth gum :వేసవిలో శరీరాన్ని చల్లగా ఉంచుకునేందుకు చాలామంది గోంఢ్ కటిరా తీసుకుంటారు. అయితే దీనిని ఎలా తీసుకుంటే మంచిదో చూసేద్దాం.
Gond Katira in Summer : వేసవిలో శరీరాన్ని చల్లగా ఉంచుకోవడం చాలా ముఖ్యం. ఈ సమయంలో శరీరాన్ని సహజంగా చల్లగా ఉంచుకునేందుకు వివిధ కూలింగ్ ఫుడ్స్ తీసుకుంటాము. అలా శరీరంలోని వేడిని తగ్గించి.. చల్లదనాన్ని అందించే పదార్థాల్లో గోంఢ్ కటిరా ఒకటి. అందుకే వేసవి వచ్చిందంటే చాలు వీటిని ఆన్లైన్, ఆఫ్లైన్లలో కూడా అమ్ముతారు. చూసేందుకు స్పటికం ముక్కల్లా ఉండే కటిరా.. నీటిలో నానబెట్టినప్పుడు జెల్లీలా మారుతుంది. ఈ జెల్లీని తీసుకోవడం వల్ల శరీరం చల్లగా మారుతుంది. వేసవిలో ఈ గోంఢ్ కటిరా ఇచ్చే ప్రయోజనాలు ఏంటో.. ఎలా తీసుకుంటే మంచిదో చూసేద్దాం.
గోంఢ్ కటిరా వల్ల కలిగే లాభాలు
గోంఢ్ కటిరా శరీరాన్ని సహజంగా చల్లగా చేస్తుంది. వేసవిలో వచ్చే బాడీ హీట్ తగ్గించి.. హీట్ స్ట్రోక్ సమస్యల నుంచి రక్షిస్తుంది. అలాగే శరీరంలో నీటి స్థాయిని నిలబెడుతుంది. దీనివల్ల డీహైడ్రేషన్ దూరమై.. అలసట, దాహం తగ్గుతుంది. గ్యాస్, అజీర్ణం సమస్యలను తగ్గించి గట్ హెల్త్ను మెరుగుపరుస్తుంది. బాడీకి ఇన్స్టంట్ ఎనర్జీ ఇస్తుంది. వేసవిలో వేడివల్ల వచ్చే నీరసం తగ్గిస్తుంది. చర్మాన్ని కూల్గా ఉంచి.. చర్మ సమస్యలు తగ్గించడంలో సహాయపడుతుంది. హార్మోనల్ బ్యాలెన్స్ మెరుగుపడటానికి, శరీర వేడి తగ్గించడంలో సహాయపడుతుంది.
గోంఢ్ కటిరా ఎలా తీసుకోవాలంటే..
ఒక టీస్పూన్ గోంఢ్ కటిరాను రాత్రంతా నీటిలో నానబెట్టాలి. ఉదయం అది జెల్లా మారుతుంది. దీన్ని పాలు, శర్బత్ లేదా నీటిలో కలిపి తీసుకోవచ్చు. రోజుకు 1 టీస్పూన్ తీసుకుంటే చాలు అని చెప్తారు.
తీసుకోవాల్సిన జాగ్రత్తలు
గోంఢ్ కటిరా ఎక్కువ మోతాదులో తీసుకుంటే జీర్ణ సమస్యలు రావచ్చు. చిన్న పిల్లలకు ఇవ్వడానికి ముందు డాక్టర్ను అడిగి వారి సూచనలు తీసుకోవాలి. గర్భిణీలు, ఆరోగ్య సమస్యలున్నవారు వైద్యుల సలహా తీసుకున్న తర్వాతే దీనిని తమ రొటీన్లో చేర్చుకోవాలి. అలాగే కచ్చితంగా నానబెట్టిన దానినే తీసుకోవాలి.
గమనిక : ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.
టాప్ హెడ్ లైన్స్
ట్రెండింగ్ వార్తలు
