Ultra-Processed Foods : చిప్స్ ఎక్కువగా తింటూ కూల్ డ్రింక్స్ తాగేస్తున్నారా? ఇవి పిల్లలకే కాదు, పెద్దలకు కూడా సిగరెట్ తాగినంత ప్రమాదం

Chips and Soft Drinks : చాలామంది చిప్స్, కూల్ డ్రింక్స్ ఎక్కువగా తీసుకుంటారు. వీటిని రెగ్యులర్​గా తీసుకుంటే ఆరోగ్యానికి ప్రమాదమంటోన్నాయి పరిశోధనలు. ఎందుకో ఇప్పుడు తెలుసుకుందాం.

అల్ట్రా-ప్రాసెస్డ్ ఫుడ్ వ్యసనమా? ఆరోగ్యానికి ఇదే పెద్ద హెచ్చరిక

Source : Freepik

Ultra-Processed Foods as Addictive as Tobacco : చిప్స్, శీతల పానీయాలు తీసుకోవడమంటే.. పొగాకు తీసుకున్నంత ప్రమాదకరమని పరిశోధనలు వెల్లడిస్తున్నాయి. అందుకే జంక్​ ఫుడ్​ జోలికి వెళ్లకూడదని చెప్తున్నారు. ఈ రోజుల్లో జీవనశైలి పూర్తిగా మారిపోవడం వల్ల ఎక్కువమంది జంక్ ఫుడ్​ తీసుకుంటారు. అల్ట్రా-ప్రాసెస్డ్ ఫుడ్ రుచిగా, ఎక్కువ అందుబాటులో ఉండడం కూడా దీనికి కారణమవుతుంది. అయితే ఇవి క్రేవింగ్స్ తీర్చడం ఎలా ఉన్నా.. ఆరోగ్యానికి మాత్రం తీవ్ర నష్టం కలిగిస్తాయట. 

ఆ ఫుడ్స్ సిగరెట్​తో సమానం

చిప్స్, సాఫ్ట్ డ్రింక్స్​ ఎక్కువగా తీసుకోవడం లేదా వ్యసనంగా మారితే అవి పొగాకు అంత ప్రమాదకరమవుతాయని అమెరికాలో నిర్వహించిన తాజా అధ్యయనం ఆందోళన వ్యక్తం చేసింది. కూల్ డ్రింక్స్, చిప్స్, కుకీలు నేటి దైనందిన జీవితంలో భాగమయ్యాయి. అల్ట్రా ప్రాసెస్డ్ ఫుడ్స్.. తాజా పండ్లు, కూరగాయల కంటే.. సిగరెట్, పొగాకు పరిశ్రమలతో ఎక్కువగా సారూప్యత కలిగి ఉన్నాయని పరిశోధకులు గుర్తించారు. వీటిని వీలైనంత ఎక్కువగా తినే విధంగా రూపొందించారని పేర్కొన్నారు.

అమెరికా పరిశోధనలో షాకింగ్ విషయాలు

హార్వర్డ్ విశ్వవిద్యాలయం, మిచిగాన్ విశ్వవిద్యాలయం, డ్యూక్ విశ్వవిద్యాలయ పరిశోధకులు సంయుక్తంగా నిర్వహించిన ఈ అధ్యయనం గురించి.. హెల్త్ పాలసీ జర్నల్ మిల్‌బ్యాంక్ క్వార్టర్లీలో ప్రచురించారు. నివేదిక ప్రకారం.. కూల్ డ్రింక్స్, పిజ్జాలు, ప్యాక్ చేసిన మిల్లెట్స్ వంటి అల్ట్రా-ప్రాసెస్డ్ ఫుడ్స్ ఉత్పత్తి చేసే కంపెనీలు ఒకప్పుడు పొగాకు పరిశ్రమకు మూలాలను గుర్తించిన ఇంజనీరింగ్ వ్యూహాలను ఉపయోగిస్తాయి. అందుకే ఇవి వినియోగదారులను మరింత ఎక్కువ తినేలా చేస్తాయి.

వీటిలో ఏమి కలుపుతారంటే..

ఈ ఫుడ్స్​, డ్రింక్స్​లో ఎక్కువ మొత్తంలో చక్కెర, ఉప్పు, ఫ్యాట్స్ కలుపుతారు. ఇవి మెదడు రివార్డ్ సిస్టమ్‌ను సక్రియం చేస్తాయని పరిశోధకులు చెప్తున్నారు. ఇవి కేవలం ఆహారంగానే కాకుండా.. ఉద్దేశపూర్వకంగా రూపొందించిన, అధిక రుచి కలిగిన ఉత్పత్తులుగా గుర్తించారు. ఈ నేపథ్యంలో ఆరోగ్య ప్రమాదాల దృష్ట్యా.. నిపుణులు పొగాకుకు సంబంధించిన కఠినమైన నిబంధనలను వీటికి కూడా సిఫార్సు చేస్తున్నారు. స్పష్టమైన హెచ్చరిక లేబుల్స్ ఇవ్వాలని.. అధిక పన్నులు విధించాలని.. పాఠశాలలు, ఆసుపత్రులలో అమ్మకాల నిషేధించాలని వారు తెలిపారు. పిల్లలను లక్ష్యంగా ప్రకటనలు చేయకూడదని తెలిపారు. 

ఈ అధ్యయనానికి ముందు.. ది లాన్సెట్‌లో ప్రచురించిన యునిసెఫ్ నివేదిక ప్రకారం.. సర్వే చేసిన 11 దేశాలలో.. 5 సంవత్సరాల కంటే తక్కువ వయస్సు ఉన్న పిల్లలలో 10 నుంచి 35 శాతం మంది క్రమం తప్పకుండా స్వీట్, కూల్ డ్రింక్స్ తాగుతున్నారు. దాదాపు 60 శాతం మంది యువకులు రోజూ కనీసం ఒక అల్ట్రా-ప్రాసెస్డ్ ఫుడ్ తిన్నట్లు అంగీకరించారు. సంపన్న దేశాలలో ఈ ఉత్పత్తులు రోజువారీ కేలరీలలో సగానికి పైగా ఉంటున్నట్లు గుర్తించారు. తక్కువ ఆదాయ దేశాలలో కూడా వినియోగం వేగంగా పెరుగుతోందని తెలిపారు.

అల్ట్రా-ప్రాసెస్డ్ ఆహారాలను నిజంగా పొగాకుతో సమానం చేయవచ్చా అని శాస్త్రవేత్తలు చర్చించడం కొనసాగిస్తున్నప్పటికీ.. పిల్లలు, కౌమారదశలో ఉన్నవారి ఆహారంలో వాటి పెరుగుతున్న వాటా ఆధునిక ఆహార పరిశ్రమ పాత్రను మరియు దాని నియంత్రణను పునఃపరిశీలించాల్సిన అవసరం గురించి ప్రశ్నను లేవనెత్తింది. 

గమనిక : ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.

మరిన్ని చదవండి

ఈ కూరగాయలు ఫ్రిజ్‌లో పెడితే ప్రమాదమా? టమాటాలే కాదు.. వాటిని కూడా పెట్టకూడదట

హెల్త్ ఇన్సూరెన్స్ తీసుకునేప్పుడు ఆ తప్పులు చేయకండి.. లేదంటే క్లెయిమ్ కాదు, జాగ్రత్త