Easter 2025 : ఈస్టర్ గురించిన ఇంట్రెస్టింగ్ విషయాలివే, ఈస్టర్ ఎగ్ స్పెషల్ ఇదే.. ఏ దేశాల్లో ఎలా జరుపుకుంటారంటే
Easter Sunday : క్రిస్మస్ తర్వాత క్రైస్తవులు పెద్ద సంఖ్యలో జరుపుకునే సెలబ్రేషన్ ఈస్టర్. మరి దీని గురించిన ఇంట్రెస్టింగ్ విషయాలు ఏంటో ఇప్పుడు చూసేద్దాం.
Easter Celebrations 2025 : క్రైస్తవ మతంలో ఈస్టర్ అనేది అత్యంత ముఖ్యమైన పండుగ. గుడ్ ఫ్రైడే రోజు చనిపోయిన ఏసు క్రీస్తు పునరుత్థానాన్ని ఇది సూచిస్తుంది. పాపులను రక్షించుటకు గుడ్ ఫ్రైడే (శుక్రవారం) రోజు శిలువపై మరణించిన జీసస్ ఆదివారం రోజున తిరిగి లేచినట్లు బైబిల్లో ఉంది. దానిని క్రైస్తవులు ఈస్టర్గా జరుపుకుంటున్నారు. ఈ పండుగ ప్రతి ఏడాది వస్తుంది. ఈ సంవత్సరం ఏప్రిల్ 20వ తేదీన వచ్చింది. ప్రతి సంవత్సరం ఈ తేదీ మారుతూ ఉంటుంది. ఈ స్పెషల్ డే గురించిన కొన్ని ఇంట్రెస్టింగ్ ఫ్యాక్ట్స్ ఇప్పుడు చూసేద్దాం.
ఈస్టర్ గురించిన ఇంట్రెస్టింగ్ విషయాలు
ఈస్టర్ లెంట్ డేస్లో చివరి రోజును సూచిస్తుంది. ఇప్పటివరకు జరిగిన శ్రమ దినాలకు ఈ స్పెషల్ డే చెక్ పెడుతుంది. ఏసు తిరిగిలేచాడనే సంతోషంతో ప్రజలు సంబరాలు చేసుకుంటారు. కొత్త దుస్తులు ధరించి.. చర్చిలకు వెళ్తారు. పాటలు, ప్రార్థనలతో జీసస్ను స్తుత్తించి.. నచ్చిన విందు ఆరగిస్తారు. శ్రమలకాలల్లో ఉపవాసమున్నవారు.. నాన్ వెజ్ తినని వారు ఈస్టర్ రోజు నచ్చిన భోజనం తీసుకుంటారు.
ఈస్టర్ అనే పదం ఈస్త్రే (Eostre) అనే పదం నుంచి వచ్చింది. అలాగే మూన్ క్యాలెంటర్ ప్రకారం.. ఈస్టర్ తేదీని గుర్తిస్తారు. దీని ప్రకారం చూసుకుంటే.. ఈస్టర్ అనేది మార్చి 22 నుంచి ఏప్రిల్ 25 మధ్య తేదీల్లో ఎప్పుడైనా జరగవచ్చు. అందుకే ప్రతి సంవత్సరం దీని తేది మారుతుంది.
ఈస్టర్కి, ఎగ్కి రిలేషన్ ఇదే..
ఈస్టర్ సమయంలో ఎగ్స్కి రంగులు పూసి ప్రాముఖ్యతలు ఇస్తారు. ఎందుకంటే లెంట్ డేస్లో 40 రోజులు ఉపవాసముంటారు. ఆ సమయంలో ఎగ్స్ తినరు. కాబట్టి ఈస్టర్ రోజు ఎగ్స్ తినడం ప్రత్యేకంగా మారింది. అలాగే జర్మన్ ప్రజలు ఈస్టర్ గురించి ఓ కథ చెప్తారు. దాని ప్రకారం.. ఓస్టర్హెస్ (Osterhase) అనే ఓ కోడి రంగురంగుల గుడ్లు పెట్టేదట. దానిని ఈస్టర్ బన్నీ అని ముద్దుగా పిలుచుకునేవారు.
చాక్లెట్ ఎగ్స్..
ఫ్రాన్స్, జర్మనీ దేశాలు 19వ శతాబ్ధంలో ఈస్టర్ ఎగ్స్ని చాక్లెట్స్తో చేయడం ప్రారంభించాయి. ప్రపంచవ్యాప్తంగా ఈస్టర్ సమయంలో ఈ చాక్లెట్ ఎగ్ కల్చర్ బాగా ఫేమస్ అయింది. ఇటలీలో 2011లో చాక్లెట్తో 34 అడుగుల అతిపెద్ద ఈస్టర్ ఎగ్ని రెడీ చేశారు. దాని బరువు 7200 కిలోల కంటే ఎక్కువ.
ఎగ్ రోలింగ్ ఈవెంట్..
అమెరికాలో 1878లో అప్పటి అధ్యక్షుడు రదర్ఫోర్డ్ హేస్ ఈస్టర్ ఎగ్ రోలింగ్ ఈవెంట్ని ప్రారంభించాడు. అది ఇప్పటికీ కొనసాగుతుంది.
ఏ దేశాల్లో ఎలా జరుపుకుంటారంటే..
ఇండియాలో ఈస్టర్ సంబరాలను చర్చిల్లో జరుపుకుంటారు. కొత్త బట్టలు వేసుకుని.. చర్చికి వెళ్తారు. ప్రార్థనలు చేస్తూ, పాటలు పాడుకుంటూ, సువార్త వింటారు. నచ్చిన భోజనం చేసుకుని.. సంతోషంగా ఫ్రెండ్స్, ఫ్యామిలతో గడుపుతారు. అయితే వివిధ దేశాల్లో ఈస్టర్ని ప్రత్యేకంగా జరుపుకుంటారు.
అమెరికాలో చాక్లెట్ ఎగ్స్, ఈస్టర్ బన్నీ తీసుకుంటారు. వైట్ హౌస్లో ఈస్టర్ ఎగ్ రోల్ చేస్తారు. ఫ్రాన్స్లో అయితే ఈస్టర్ ఎగ్స్ గిఫ్ట్స్గా ఇచ్చుకుంటారు. ఇటలీలో ఈస్టర్ను పస్క్వా (Pasqua) అంటారు. మతపరమైన ఉత్సవాలు, ఊరేగింపులు చేస్తారు. ప్రత్యేక ప్రార్థనలు చేస్తారు. కోలంబా అనే స్వీట్ బ్రెడ్ను ఈస్టర్ రోజు ఎక్కువగా తీసుకుంటారు. రోమ్లోని వాటికన్ సిటీలో పోప్ ప్రసంగం పెద్ద ఈవెంట్గా జరుగుతుంది.
స్పెయిన్లో ఊరేగింపులు చేస్తూ.. వేడుకలు జరుపుకుంటారు. ఇంగ్లాండ్లో చాక్లెట్ ఎగ్స్, ఈస్టర్ హంట్స్, హాట్ క్రాస్ బన్స్ కచ్చితంగా ఉంటాయి. పిల్లలతో ఎగ్ రోలింగ్ గేమ్స్ ఆడిస్తారు. ఆస్ట్రేలియాలో ఈస్టర్ సమయంలో చాక్లెట్ బిల్బీలు ఎక్కువగా తీసుకుంటారు. పిల్లలతో ఈస్టర్ ఎగ్ హంట్స్ గేమ్ ఆడిస్తారు.
టాప్ హెడ్ లైన్స్
ట్రెండింగ్ వార్తలు
