Holi 2026 : హోలీ ఆడేప్పుడు ఈ తప్పులు చేయకండి.. రంగుల పండక్కి రిస్క్ చేస్తే జైలుకెళ్లిపోతారు, జాగ్రత్త
Holi Celebration in India : పిల్లలనుంచి పెద్దలవరకు ఎక్కువమంది ఇష్టపడే పండుగల్లో హోలీ ఒకటి. అయితే హోలీ ఆడేప్పుడు కొన్ని తప్పులు చేస్తే.. పోలీసులు అరెస్ట్ చేస్తారట. అవేంటంటే..
Holi Celebration Rules : కొన్నిసార్లు తెలియక చేసే తప్పులు కూడా నేరాలుగా మారుతాయి. అందుకే ఏ పని చేసేప్పుడు అయినా జాగ్రత్తగా ఉండాలి. అలాగే హోలీ ఆడే సమయంలో కూడా కొన్ని విషయాల జోలికి వెళ్లకూడదు. ఎందుకంటే హోలీ రోజు సంతోషంలో.. ఏమైనా, చిన్న పొరపాట్లు చేసినా కూడా మీరు జైలుకి వెళ్లాల్సి వస్తుంది. మరి ఇండియాలో హోలీ ఆడేప్పుడు ఎలాంటి జాగ్రత్తలు తీసుకోవాలో ఇప్పుడు చూసేద్దాం.
ఇండియాలో హోలీ అనేది కేవలం పండుగే కాదు. ఇది ఆనందం, సోదరభావం, పరస్పర ప్రేమకు చిహ్నంగా భావిస్తారు. ఫాల్గుణ మాసంలో వచ్చే ఈ పండుగ వసంతకాలం రాకను సూచిస్తుంది. ఈ సమయంలో పిల్లల నుంచి పెద్దల వరకు, యువత అందరూ కలిసి రంగులతో ఆడుకుంటారు. గులాబీ రంగు పూసుకుని.. హగ్ చేసుకుని విషెష్ చెప్పుకుంటారు. ఈ పీక్ మూమెంట్లోనే కొన్నిసార్లు అత్యుత్సాహంతో, సంతోషంతో కొన్ని తప్పులు చేసి.. ఇబ్బందులు పడుతారు. హోలీని సంతోషంగా, సురక్షితంగా జరుపుకోవాలనుకుంటే.. కొన్ని విషయాలను కచ్చితంగా గుర్తించుకోవాలి. మరి ఎలాంటి తప్పులు చేయకూడదో ఇప్పుడు చూసేద్దాం.
సమ్మతి ఉండాల్సిందే..
హోలీ అనేది రంగుల పండుగ. కానీ అందరూ రంగులతో ఆటుకుంటూ.. పండుగను ఆస్వాదించాల్సిన అవసరం లేదు. కాబట్టి ఎవరికైనా బలవంతంగా రంగులు పూయడం తప్పు. కాబట్టి ముందుగా ఎదుటి వ్యక్తి అనుమతి తీసుకోండి. ఎవరైనా నిరాకరిస్తే వారి మాటలను గౌరవించాల్సి ఉంటుంది. లేకుంటే ఇది తప్పుగా పరిగణిస్తారు.
నీటి బుడగలతో
హోలీ సమయంలో నీటి బుడగలు ఒకరిపై ఒకరు విసురుకుంటారు. ఇలా రంగురంగుల బెలూన్లు విసరడం సరదాగా అనిపించవచ్చు. కానీ అవి కంటికి లేదా తలకు గాయాలు అయ్యేలా చేస్తాయి. కొన్నిసార్లు తీవ్రమైన ప్రమాదాలు సంభవించవచ్చు. కాబట్టి బెలూన్లతో హోలీ ఆడటం మానుకోండి.
కెమికల్స్కు దూరం..
చౌకైన, కెమికల్స్తో నిండిన రంగులు చర్మం, కళ్లు, జుట్టుకు హాని కలిగిస్తాయి. కాబట్టి మూలికా లేదా సహజ రంగులను మాత్రమే వాడండి.
అసభ్య ప్రవర్తన
హోలీ పేరుతో కొందరు ఆకతాయిలు మహిళలను వేధించడం లేదా అసభ్యంగా ప్రవర్తిస్తూ ఇష్టం లేకుండా రంగులు పూస్తారు. ఇది ఎప్పుడూ వారి గౌరవం, మర్యాదను దెబ్బతీస్తుంది. ఇలాంటి సందర్భంలో పోలీసులు మిమ్మల్ని అరెస్ట్ చేయవచ్చు.
మత్తు పదార్థాలు
హోలీ సమయంలో మద్యం లేదా ఇతర మాదకద్రవ్యాలను తీసుకోవడం వల్ల తగాదాలు, ప్రమాదాలు జరగవచ్చు. కాబట్టి మత్తు పదార్థాలు లేకుండా హోలీని ఆస్వాదిస్తే మంచిది. మీరు కూడా కంట్రోల్లో ఉంటారు.
బురద లేదా మట్టితో హోలీ
మురుగు నీరు, బురద లేదా ఆవు పేడతో హోలీ ఆడటం తప్పు. ఇది వ్యాధులను వ్యాపింపజేస్తుంది. అలాగే ఇతరులను కూడా బాధపెడుతుంది.
వాటికి రంగులు వద్దు
హోలీ సందర్భంగా జంతువులకు రంగులు వేయడం మంచిది కాదు. రంగులలోని రసాయనాలు వాటి చర్మానికి, కళ్లకు హాని కలిగిస్తాయి. వాటికి పూసిన రంగులను తొలగించగలిగినప్పటికీ.. జంతువులు దీర్ఘకాలికంగా బాధపడవచ్చు.
సంతోషంలో రంగులు చల్లుకుంటూ కలిసి ఎంజాయ్ చేయడం మంచిదే. కానీ వీటిలో ఏ తప్పు చేసినా.. ఎదుటివారు మీపై కేసు పెట్టవచ్చు. పోలీసులు కూడా మిమ్మల్ని అరెస్ట్ చేసి తీసుకెళ్లవచ్చు. కాబట్టి పండుగను ఎంజాయ్ చేయాలనుకుంటే లిమిట్స్లో ఉంటే మంచిదని చెప్తున్నారు నిపుణులు.
Before You Go
Simple Yoga for Body Fat | చెడు కొవ్వును సింపుల్ యోగాసనాలతో దూరం చేయండి
టాప్ హెడ్ లైన్స్
ట్రెండింగ్ వార్తలు
