Eyeliner Side Effects : కళ్లకు రోజూ కాటుక, లైనర్ అప్లై చేస్తున్నారా? అయితే జాగ్రత్త, ఎందుకంటే
Kajal Daily Use Risks : ఐలైనర్, కాటుక మహిళల సౌందర్య సాధనాల్లో ఒకటి. అందం కోసం చాలామంది వీటిని వినియోగిస్తారు. కానీ ఇది ఆరోగ్యానికి హాని కలిగించవచ్చట. అది ఎలాగో ఇప్పుడు చూసేద్దాం.
Eye Infection from Makeup : మహిళల మేకప్ కిట్లలో అత్యంత ముఖ్యమైన కిట్లు ఏవి అని అడిగితే ఐలైనర్, కాటుక కచ్చితంగా ఉంటుంది. మేకప్ వేసుకోని వాళ్లు కూడా వీటిని వినియోగిస్తారు. ఇవి కళ్లకు అందాన్నివ్వడమే కాకుండా ముఖానికి మెరుపును కూడా ఇస్తాయి. అందుకే వీటిని చిన్నపిల్లల నుంచి మహిళలవరకు అందరూ వీటిని రోజూ ఉపయోగిస్తారు. కానీ మీకు తెలుసా? ఐలైనర్, కాటుక రోజూ ఉపయోగించడం ప్రమాదకరమని అంటున్నారు. వీటిని రోజూ వినియోగించడం వల్ల కలిగే నష్టాలు ఏంటో ఇప్పుడు తెలుసుకుందాం.
ఎంత ప్రమాదకరం?
ఇన్స్టాగ్రామ్లో చర్మవ్యాధి నిపుణుడు డాక్టర్ ఆరుషి సూరి.. తన పేజ్లో ఓ వీడియో షేర్ చేశారు. కళ్లకు రోజూ కాటుక, ఐలైనర్ పెట్టడం వల్ల కలిగే నష్టాలను వివరించారు. మీరు రోజూ మేకప్ వేసుకోకపోయినా దీన్ని రోజూ ఉపయోగిస్తే.. అది ప్రమాదకరమని తన వీడియోలో చెప్పారు. కాటుక, ఐలైనర్ నేరుగా కళ్లతో సంబంధం కలిగి ఉంటాయి. వాటిని సరిగ్గా శుభ్రం చేయకపోయినా లేదా గడువు ముగిసిన ఉత్పత్తులను ఉపయోగిస్తే.. కళ్లల్లో బ్యాక్టీరియా, ఫంగల్ ఇన్ఫెక్షన్లు వస్తాయి. దీనివల్ల కళ్లు ఎర్రబడటం, దురద, నీరు కారడం వంటి సమస్యలు పెరుగుతాయి.
అంతేకాకుండా కాటుక, ఐలైనర్లో ఉండే రసాయనాలు కొన్నిసార్లు కళ్ళకు చాలా హానికరంగా ఉంటాయి. రోజూ వాడటం వల్ల కళ్లల్లో అలెర్జీలు, మంట, వాపు వంటి సమస్యలు వస్తాయి. మీరు దీన్ని రోజూ ఉపయోగిస్తే.. అది నెమ్మదిగా కంటి ఉపరితలం, కనురెప్పల వెంట్రుకలలో పేరుకుపోతుంది. దీని కారణంగా మీ కార్నియా దెబ్బతినే అవకాశం ఉంది. కను రెప్పలు రాలిపోవచ్చు. కొన్ని వైద్య నివేదికల ప్రకారం.. కంటికి ఎక్కువ కాలంపాటు సౌందర్య సాధనాలను ఉపయోగించడం వల్ల దృష్టిపై ప్రభావం చూపుతుందని తెలిపింది. ముఖ్యంగా కాటుక లేదా ఐలైనర్ను సరిగ్గా శుభ్రం చేయకపోతే, రాత్రిపూట కళ్లల్లో ఉండిపోతాయని ఇది మంచిది కాదని తెలిపింది.
తీసుకోవాల్సిన జాగ్రత్తలు
మీరు ఐలైనర్ లేదా కాటుకను ఉపయోగిస్తున్నట్లయితే.. మీకు ఏదైనా సమస్య ఉన్నప్పుడు ఐలైనర్ను ఉపయోగించడం మానేయాలి. లిక్విడ్ ఐలైనర్ను ఉపయోగించవచ్చు. ఇది చాలా మంచిది. అదనంగా ఐలైనర్ను నీటితో తొలగించడానికి బదులుగా నూనెతో తొలగించే పద్ధతిని ఎంచుకుంటే మంచిది. అలాగే ఏదైనా అలెర్జీ వచ్చినప్పుడు వైద్యుల సలహా తీసుకోకుండా వాటిని అప్లై చేయకూడదు. అలాగే వీటిని అప్లై చేసేముందు.. వాటిపై లాస్ట్ డేట్ ఎప్పుడు ఉందో చెక్ చేసుకోవడం మరచిపోవద్దు. అలాగే డైలీ అప్లై చేయకున్నా అప్పుడప్పుడు కళ్లును అలా వదిలేస్తూ ఉండాలి.
టాప్ హెడ్ లైన్స్
ట్రెండింగ్ వార్తలు
