Chanakya niti in telugu: నమ్మక ద్రోహానికి గురయ్యారా? చాణక్యుడు చెప్పిన ఈ ట్రిక్స్ పాటించండి

చాణక్య నీతిలోని ప్రతి సూచ‌న‌లు మానవ జీవితాన్ని, సమాజాన్ని సానుకూల మార్గంలో మార్చడానికి ప్రయత్నిస్తాయి. నమ్మక ద్రోహానికి గురైతే ఏం చేయాలో చాణక్య నీతిలో స్పష్టంగా సూచించాడు.

Representational Image/Pixabay

Chanakya niti:  ఆచార్య చాణక్యుడు మంచి రాజకీయవేత్త మాత్రమే కాదు.. దౌత్యం, ఆర్థిక శాస్త్రంలో కూడా నిపుణుడు. సామాన్యుడైన చంద్రగుప్త మౌర్యుడు చాణక్యుడి సూత్రాలను అనుసరించి చక్రవర్తిగా పరిపాలించాడు. చాణక్యుడి విధానాలు నేటి ఆధునిక ప్ర‌పంచానికీ ఆనుస‌ర‌ణీయంగా పరిగణ‌న‌లో ఉన్నాయి. మనం విశ్వసించే వారు మనల్ని మోసం చేస్తారని లేదా మనకు నమ్మక ద్రోహం చేస్తారని మనలో చాలామంది విని ఉంటారు. లేదంటే స్వయంగా అనుభవించి ఉంటారు. అలాంటి సమయాల్లో చాణక్యుడు ఈ విషయాలను గుర్తుంచుకోవాలని చెప్పాడు.

1. నిధుల సముచిత వినియోగం
చాణక్య నీతి ప్రకారం, డబ్బు సంపాదించడంతోపాటు, దానిని సరైన విధంగా ఖర్చు చేయడం కూడా మీ పురోగతికి కీలకం. అనువుకాని స్థలంలో డబ్బు పెట్టుబడి పెట్టడం వినాశనానికి దారి తీస్తుంది. అదే సమయంలో, సంప‌ద‌ సరైన ఉపయోగం మీ అదృష్టాన్ని ప్రకాశవంతం చేస్తుంది. ఇది మీకు జీవితంలో మరింత విజయాన్ని అందిస్తుంది.

2. తప్పుల నుంచి నేర్చుకోండి
ఒక వ్యక్తి తన తప్పుల నుంచే కాకుండా ఇతరుల తప్పుల నుంచి కూడా నేర్చుకోవాలని చాణక్యుడు తెలిపాడు. ఇలా చేయడం వల్ల మీరు తప్పు చేసే అవకాశాలను తగ్గించుకోవచ్చు. ఇది సమాజంలో మీ గౌరవాన్ని పెంచుతుంది. మీరు విజయం సాధించడంలో సహాయపడుతుంది.

3. అబద్ధాలతో విజయం సాధించవద్దు
అబద్ధాలు చెప్పి సాధించిన విజయం ఎంతో కాలం నిలవదని చాణక్యుడు తెలిపాడు. అబద్ధాల ద్వారా సాధించిన విజయం శాశ్వతం కాదు. అది ఈ రోజు సంతోషాన్ని ఇచ్చినా రేపు ఆ వ్యక్తిని నాశనం చేస్తుంది. మరోవైపు, సత్య మార్గాన్ని ఎంచుకునే వ్యక్తి అత్యంత క్లిష్ట పరిస్థితుల్లో కూడా సులభంగా పరిష్కారాన్ని కనుగొంటాడు. అతనితో ఉన్న స్నేహితుడు మోసం చేసినా, అతను త్వరగా కోలుకుంటాడు.

4. ఎవరినీ విస్మరించవద్దు                                                                                                              
ఒక వ్యక్తి జ్ఞానం పొందినప్పుడు లేదా బలంగా మారినప్పుడు, అతను తన ముందు ఉన్న వ్యక్తిని బలహీనుడిగా పరిగణించడం ప్రారంభిస్తాడు. చాణక్య నీతి ప్రకారం, ఒక వ్యక్తి మరొక వ్యక్తిని బలహీనుడిగా పరిగణించకూడదు. మీరు బలహీనంగా భావించే వ్యక్తి తన బలాన్ని మీకు వెల్లడించకపోవచ్చు. మీ నిర్లక్ష్యమే ఏదో ఒకరోజు అతని కార‌ణంగా మీ వినాశనానికి దారితీయవచ్చు.

మన దగ్గరివారు మనకు ద్రోహం చేసినప్పుడు లేదా మన ఆత్మ విశ్వాసాన్ని దెబ్బ‌తీసేలా అవమానించినప్పుడు మీరు చాలా బాధ‌కు గుర‌వ‌డం సర్వసాధారణం. కానీ, దాని గురించి చింతిస్తూ లేదా చెడుగానో, మంచిగానో ఆలోచిస్తూ సమయాన్ని వృథా చేయకుండా, చాణక్యుడు చెప్పిన ఈ నాలుగు సూత్రాల‌ను అనుసరించండి.