Post Office Schemes : పోస్ట్ ఆఫీస్లో సేవింగ్స్ చేయడానికి ఈ 3 పథకాలు బెస్ట్.. FD కంటే ఎక్కువ వడ్డీ పొందవచ్చు
Post Office Investments : పోస్టాఫీసు పథకాలు ఇప్పుడు బ్యాంకు FD ల కంటే ఎక్కువ రాబడినిస్తున్నాయి. అయితే ఏ పథక లు పెట్టుబడిదారులకు మంచి ఎంపికలు కానున్నవో చూసేద్దాం.
Safe Investments with High Returns : ఉద్యోగం చేస్తున్నా.. లేదా చిన్న వ్యాపారం చేస్తున్నా.. ప్రతి ఒక్కరి మనస్సులో ఉండే ఒక విషయం ఏమిటంటే సేవింగ్స్. తమ ఆదాయంలో కొంత భాగాన్ని ఆదా చేసి.. సరైన చోట పెట్టుబడి పెట్టాలనే ఆలోచనలో ఉంటారు. ఈ చిన్న పొదుపులు పెద్ద మొత్తాలుగా మారి, కష్టసమయాల్లో ఉపయోగపడాలని చూస్తారు. దీనిలో భాగంగా చాలామంది పెట్టుబడి కోసం బ్యాంక్ FDలపై ఆధారపడుతున్నారు. ఎందుకంటే అక్కడ స్థిరమైన రాబడి లభిస్తుంది. పైగా డబ్బు పోతుందనే భయాలు లాంటివి ఉండవు.
కానీ కొంతకాలంగా బ్యాంకులు FDలపై వడ్డీ రేట్లను తగ్గించాయి. దీని కారణంగా వాటికి ప్రత్యామ్నాయంగా కొన్ని మంచి ఎంపికల కోసం చూస్తున్నారు. అలాంటివారికి పోస్ట్ ఆఫీస్ మంచి ఆప్షన్. ఎందుకంటే ఇక్కడ చిన్న పొదుపు పథకాలు బలమైన ఎంపికగా మారాయి. అనేక పథకాల్లో వడ్డీ 7 శాతం కంటే ఎక్కువ వస్తాయి. ప్రభుత్వ హామీ కారణంగా భద్రత గురించి ఆందోళన అవసరం ఉండదు. అందుకే చాలామంది ఇప్పుడు పోస్ట్ ఆఫీస్ పథకాల్లో పెట్టుబడి పెట్టేందుకు చూస్తున్నారు. మరి పోస్టాఫీస్లలో పెట్టుబడ్డి పెట్టడానికి ఏవి బెస్ట్ స్కీమ్స్, వాటివల్ల వచ్చే లాభాలు ఏంటో చూసేద్దాం.
నేషనల్ సేవింగ్స్ సర్టిఫికెట్
నేషనల్ సేవింగ్స్ సర్టిఫికెట్ (NSC) సురక్షితమైన పెట్టుబడి, స్థిరమైన రాబడిని కోరుకునే వారికి మంచి ఎంపిక. ప్రస్తుతం ఈ పథకంపై సంవత్సరానికి 7.7 శాతం వడ్డీ ఇస్తున్నారు. వడ్డీ ప్రతి సంవత్సరం పెరుగుతుంది. మీరు 10,000 రూపాయలు పెట్టుబడి పెడితే.. 5 సంవత్సరాలలో ఈ మొత్తం దాదాపు 14,490 రూపాయలకు చేరుకుంటుంది. దీనిని కేంద్ర ప్రభుత్వం నిర్వహిస్తుంది. ఈ పథకం సెక్షన్ 80C కింద 1.5 లక్షల రూపాయల వరకు పన్ను మినహాయింపును కూడా అందిస్తుంది. అయితే వడ్డీపై పన్ను నిబంధనలు వర్తిస్తాయి. ఇందులో డబ్బు 5 సంవత్సరాల వరకు లాక్ చేస్తారు. కాబట్టి ఇది సురక్షితమైన, మధ్యస్థ శ్రేణి ఎంపికను కోరుకునే వారికి మంచిది.
సుకన్య సమృద్ధి యోజన
సుకన్య సమృద్ధి యోజన బాలికల కోసం రూపొందించిన అత్యంత ప్రజాదరణ పొందిన ప్రభుత్వ పథకం. ప్రస్తుతం దీనిపై సంవత్సరానికి 8.2 శాతం వడ్డీ లభిస్తుంది. ఇది మార్కెట్లో అందుబాటులో ఉన్న అత్యంత సురక్షితమైన వడ్డీ రేట్లలో ఒకటి. ఇందులో తల్లిదండ్రులు బాలిక పేరుతో ఖాతా తెరిచి 15 సంవత్సరాల వరకు డబ్బును డిపాజిట్ చేయవచ్చు. ఖాతా 21 సంవత్సరాల వరకు లేదా బాలిక వివాహం అయ్యే వరకు యాక్టివ్గా ఉంటుంది.
ఈ పథకం ప్రత్యేకత ఏమిటంటే.. జమ చేసిన మొత్తం, వడ్డీ, మెచ్యూరిటీ మొత్తం పన్ను రహితం. ఇందులో ఎక్కడా మార్కెట్ రిస్క్ లేదు. కాబట్టి ఇది బాలిక విద్య, వివాహం వంటి పెద్ద ఖర్చుల ప్రణాళిక కోసం మంచి ఎంపిక. చిన్న వాయిదాలలో కూడా పెట్టుబడి పెట్టవచ్చు. కాబట్టి మధ్యతరగతి కుటుంబాలు కూడా ఇందులో సులభంగా చేరవచ్చు.
కిసాన్ వికాస్ పత్ర
కిసాన్ వికాస్ పత్ర పోస్ట్ ఆఫీస్ పథకం. ఇక్కడ మీ డబ్బు దాదాపు 115 నెలల్లో అంటే దాదాపు 9 సంవత్సరాల 7 నెలల్లో రెట్టింపు అవుతుంది. ప్రస్తుతం KVPపై సంవత్సరానికి 7.5 శాతం వడ్డీ ఇస్తున్నారు. రాబడి పెరుగుతుంది. ఉదాహరణకు మీరు 10,000 రూపాయలు పెట్టుబడి పెడితే.. సమయం పూర్తయ్యేసరికి ఈ మొత్తం దాదాపు 20,000 రూపాయలకు చేరుకుంటుంది.
ఈ పథకం పూర్తిగా ప్రభుత్వ హామీతో వస్తుంది. కాబట్టి పెట్టుబడిదారులకు డబ్బు మునిగిపోవడం లేదా మార్కెట్ హెచ్చుతగ్గుల గురించి భయం ఉండదు. అయితే మెచ్యూరిటీకి ముందు డబ్బును ఉపసంహరించుకోవడం మంచిది కాదు. కానీ కొన్ని ప్రత్యేక పరిస్థితులలో పాక్షిక ఉపసంహరణ సౌకర్యం అందుబాటులో ఉంది. సురక్షితమైన పెట్టుబడిని కోరుకునే వారికి ఇది మంచి ఎంపిక.
టాప్ హెడ్ లైన్స్
ట్రెండింగ్ వార్తలు
