Tips for Beach Trip : బీచ్​ ట్రిప్​కి వెళ్లాలనుకుంటున్నారా? అయితే ఇవి మీతో కచ్చితంగా తీసుకువెళ్లండి.. ఎందుకంటే

Beach Essentials : చాలామందికి బీచ్​లంటే ఇష్టముంటుంది. అయితే మీరు కూడా అలా బీచ్​ ట్రిప్​కి వెళ్లాలనుకుంటే మీతో పాటు ఈ వస్తువులు కూడా తీసుకెళ్లండి. ఎందుకో ఇప్పుడు చూసేద్దాం. 

బీచ్ ట్రిప్​కి తీసుకువెళ్లాల్సిన వస్తువులు ఇవే (Images Source : Envato)

Source : envato

Beach Trip Essentials : సన్​ సెట్ అయినా.. సన్ రైజ్​ అయినా.. బీచ్​ దగ్గరుంటే ఈ రెండూ సమయాలు స్వర్గమనే చెప్పొచ్చు. అందుకేనేమో చాలామంది బీచ్​కు వెళ్లేందుకు ఇష్టపడుతూ ఉంటారు. చలికాలమైనా, వేసవికాలమైన బీచ్​లనేవి ఎప్పుడూ బోర్ కొట్టవు. సీజన్​తో సంబంధం లేకుండా బీచ్​కి వెళ్లేవారు కూడా ఉన్నారు. అయితే మీరు బీచ్​కి వెళ్లేప్పుడు కొన్ని జాగ్రత్తలు ఫాలో అవ్వకపోతే.. మీరు ఇబ్బంది పడాల్సి వస్తుంది. అందుకే నెక్స్ట్​ టైమ్​ బీచ్​కి వెళ్లేప్పుడు కచ్చితంగా కొన్ని వస్తువులు తీసుకువెళ్లండి. అవేంటంటే.. 

డ్రై టవల్

కచ్చితంగా బీచ్​కి వెళ్లేప్పుడు తీసుకువెళ్లాల్సిన వాటిలో డ్రై టవల్ ఒకటి. మీరు నీటిలో తడిచిన వెంటనే బాడీని తుడుచుకునేందుకు ఇవి హెల్ప్ చేస్తాయి. లేదంటే ఉప్పు నీరు శరీరంపై డర్ట్ పేరుకుపోయేలా చేస్తుంది. పైగా నార్మల్ టవల్​లాగా కాకుండా చాలా త్వరగా డ్రై అయిపోతుంది కాబట్టి.. మీరు ఇబ్బంది పడాల్సిన అవసరం ఉండదు. టవల్​కి బదులుగా వీటిని ఉపయోగిస్తే చాలా బెస్ట్ ఆప్షన్. 

వెనిగర్, దూది

బీచ్​కి వెళ్లేప్పుడు వెనిగర్ చిన్న బాటిల్, దూది తీసుకువెళ్తే మంచిది. ఎందుకంటే.. బీచ్​లలో కొందరు జెల్లి ఫిష్ స్టింగ్స్​తో ఇబ్బంది పడుతుంటారు. ఆ సమయంలో దానిపై వెనిగర్ పోస్తే నొప్పి తగ్గుతుంది. అలాగే బ్యాండేజ్​లు, వైప్స్, పెయిన్ రిలీవర్స్ కూడా మీ లగేజ్​లో ఉండేలా చూసుకోండి.

సన్​స్క్రీన్

బీచ్​లకు వెళ్లినప్పుడు కచ్చితంగా తీసుకువెళ్లాల్సిన వాటిలో సన్​స్క్రీన్ ముందు ఉంటుంది. ఎందుకంటే వాటర్​లో తడవడం, ఉప్పు, ఇసుక వల్ల చర్మం త్వరగా డార్క్ అయిపోతుంది. పైగా హ్యూమిడిటీ ఎక్కువగా ఉంటుంది. దీనివల్ల స్కిన్​ టోన్ మారిపోతుంది. డ్రైగా అయిపోతుంది. కాబట్టి చర్మాన్ని రక్షించుకోవడానికి సన్​స్క్రీన్​ కచ్చితంగా ఉపయోగించాలి. రెగ్యూలర్​గా ముఖానికే ఉపయోగించినా.. బీచ్​లకు వెళ్లేప్పుడు శరీరం మొత్తానికి సన్​ స్క్రీన్ అప్లై చేసుకుంటే మంచిది. SPF 50 ఉండే సన్​ స్క్రీన్​లు ఎంచుకోవడం మంచిది. 

వాటర్ ప్రూఫ్ ఫోన్ పౌచ్

బీచ్​కి వెళ్లినప్పుడు ఫోటోలు దిగకుండా ఉండలేము. కానీ నీటిలో ఫోన్స్ తడిచిపోతే.. అదొక ఇబ్బంది పడాల్సి వస్తుంది. కాబట్టి బీచ్​ ట్రిప్​కి వెళ్లేప్పుడు వాటర్​ ప్రూఫ్ ఫోన్​ పౌచ్​లు ఉపయోగిస్తే మంచిది. వాటర్ గేమ్స్ ఆడేప్పుడు కూడా ఇది మీకు హెల్ప్ ఫుల్​గా ఉంటుంది.

స్నార్​కెలింగ్ గేర్

మీరు సముద్రంలో డైవ్ చేయాలనుకుంటే కచ్చితంగా Snorkeling Gear ఉండేలా ప్లాన్ చేసుకోండి. ఇది మీకు తక్కువ కాస్ట్​లో కూడా అందుబాటులో ఉంటుంది. ఇవి మీరు స్విమ్ చేస్తున్నప్పుడు ఇబ్బంగి లేకుండా చేస్తాయి. 

వీటంన్నిటినీ కచ్చితంగా మీ బీచ్​ ట్రిప్​లో ఉండేలా చూసుకోండి. వీటివల్ల మీరు ఇబ్బంది పడాల్సిన అవసరం రాదు. అలాగే బీచ్​ నుంచి రూమ్​కి వెళ్లిన తర్వాత కచ్చితంగా స్నానం చేస్తే మంచిది. అలాగే స్విమ్ చేసేప్పుడు నీటిని ఎట్టిపరిస్థితుల్లోనూ మింగకూడదు. ఇవన్నీ మీ బీచ్​ ట్రిప్​ని బాగా ఎంజాయ్ చేయడంలో హెల్ప్ చేస్తాయి.