(Source: ECI/ABP News/ABP Majha)
APDME: ఏపీ వైద్య కళాశాలల్లో 488 అసిస్టెంట్ ప్రొఫెసర్ పోస్టులు, ఈ అర్హతలుండాలి
AP DME Recruitment: ఏపీలోని వైద్యకళాశాలల్లో అసిస్టెంట్ ప్రొఫెసర్ పోస్టుల భర్తీకి దరఖాస్తులు కోరుతున్నారు. ఆగస్టు 23న దరఖాస్తు ప్రక్రియ ప్రారంభంకాగా.. సెప్టెంబరు 9 వరకు దరఖాస్తులు స్వీకరించనున్నారు.
AP Medical Services Recruitment Board Assistant Professor Recruitment 2024: ఆంధ్రప్రదేశ్ రాష్ట్ర డైరెక్టరేట్ ఆఫ్ మెడికల్ ఎడ్యుకేషన్ (డీఎంఈ), రాష్ట్రంలోని గవర్నమెంట్ మెడికల్ కాలేజీలు, బోధనాసుపత్రుల్లో 488 అసిస్టెంట్ ప్రొఫెసర్ ఖాళీల భర్తీకి నోటిఫికేషన్ విడుదల చేసింది. రెగ్యులర్ ప్రాతిపదికన డైరెక్ట్/ లేటరల్ ఎంట్రీ విధానంలో ఈ పోస్టులను భర్తీచేయనున్నారు. సంబంధిత విభాగంలో మెడికల్ పీజీ డిగ్రీ ఉత్తీర్ణులైనవారు దరఖాస్తుకు అర్హులు. ఈ పోస్టుల భర్తీకి సంబంధించిన ఆన్‌లైన్ దరఖాస్తు ప్రక్రియ ఆగస్టు 23న ప్రారంభంకాగా.. సెప్టెంబర్‌ 9 వరకు దరఖాస్తులు స్వీకరించనున్నారు. అభ్యర్థులు దరఖాస్తు ఫీజుగా రూ.1000 చెల్లించాలి. బీసీ, ఎస్సీ, ఈడబ్ల్యూఎస్, ఎస్టీ, పీహెచ్ అభ్యర్థులు రూ.500 చెల్లిస్తే సరిపోతుంది. విద్యార్హత మెరిట్, పని అనుభవం, రూల్ ఆఫ్ రిజర్వేషన్ ఆధారంగా ఉద్యోగ ఎంపికలు చేపడతారు.
వివరాలు..
* అసిస్టెంట్ ప్రొఫెసర్ పోస్టులు
మొత్తం ఖాళీల సంఖ్య: 488
1) అసిస్టెంట్ ప్రొఫెసర్- బ్రాడ్ స్పెషాలిటీస్ (క్లినికల్/ నాన్ క్లినికల్)
అర్హత: సంబంధిత విభాగంలో పీజీ డిగ్రీ (ఎండీ, ఎంఎస్‌, డీఎన్‌బీ, డీఎం) ఉత్తీర్ణులై ఉండాలి.
2) అసిస్టెంట్ ప్రొఫెసర్- సూపర్ స్పెషాలిటీస్
అర్హత: సంబంధిత విభాగంలో పీజీ డిగ్రీ (డీఎన్‌బీ, డీఎం, ఎంసీహెచ్‌) ఉత్తీర్ణులై ఉండాలి.
విభాగాలవారీగా ఖాళీలు: అనస్థీషియా-33, డెర్మటాలజీ-04, ఎమర్జెన్సీ మెడిసిన్-15, ఈఎన్‌టీ-08, జనరల్ మెడిసిన్-34, జనరల్ సర్జరీ-25, హాస్పిటల్ అడ్మినిస్ట్రేషన్-09, న్యూక్లియర్ మెడిసిన్-06, ఓబీజీ-23, ఆర్థోపెడిక్స్-19, పీడియాట్రిక్స్-11, సైకియాట్రీ-03, రేడియాలజీ-32, రేడియోథెరపీ-02, టీబీ & సీడీ-02, ట్రాన్స్‌ఫ్యూజన్ మెడిసిన్-05, ఫోరెన్సిక్ మెడిసిన్-10, మైక్రోబయాలజీ-35, పాథాలజీ-18, ఫార్మాకాలజీ-24, ఎస్‌పీఎం-11, సీటీ సర్జరీ-11, కార్డియాలజీ-17, ఎండోక్రైనాలజీ-04, మెడికల్ గ్యాస్ట్రోఎంటరాలజీ-06, మెడికల్ అంకాలజీ-16, నియోనటాలజీ-05, నెఫ్రాలజీ-18, న్యూరో సర్జరీ-14, న్యూరాలజీ-12, పీడియాట్రిక్ సర్జరీ-06, ప్లాస్టిక్ సర్జరీ-05, సర్జికల్ అంకాలజీ-10, యూరాలజీ-12, ఆప్తాల్మాలజీ-14, రేడియేషన్ ఆంకాలజీ-08, వ్యాస్కూలర్ సర్జరీ-01.
ALSO READ: ఏపీ వైద్యారోగ్యశాఖలో 997 సీనియర్ రెసిడెంట్, సూపర్ స్పెషాలిటీ పోస్టులు
వయోపరిమితి: ఓసీలకు 42 సంవత్సరాలు. ఈడబ్ల్యూఎస్/ ఎస్సీ/ ఎస్టీ/ బీసీ అభ్యర్థులకు 47 ఏళ్లు మించకూడదు. దివ్యాంగులకు 52 సంవత్సరాలు, ఎక్స్-సర్వీస్‌మెన్ అభ్యర్థులకు 50 సంవత్సరాలకు మించకూడదు.
దరఖాస్తు ఫీజు: రూ.1000. బీసీ, ఎస్సీ, ఈడబ్ల్యూఎస్, ఎస్టీ, పీహెచ్ అభ్యర్థులు రూ.500 చెల్లిస్తే సరిపోతుంది.
దరఖాస్తు విధానం: ఆన్‌లైన్ ద్వారా.
ఎంపిక విధానం: విద్యార్హతలో సాధించిన మార్కులు, పని అనుభవం, రూల్ ఆఫ్ రిజర్వేషన్ తదితరాల ఆధారంగా ఎంపిక చేస్తారు.
జీతం: సెవెన్త్ యూజీసీ పేస్కేల్ ప్రకారం జీతభత్యాలు ఉంటాయి. దీనికి అదనంగా సూపర్ స్పెషాలిటీ అలవెన్స్ కింద రూ.30,000 చెల్లిస్తారు.
దరఖాస్తు సమయంలో అప్‌లోడ్ చేయాల్సిన సర్టిఫికేట్లు..
➥ పాస్‌పోర్ట్ సైజు ఫొటో
➥ పదోతరగతి మార్కుల మెమో
➥ 4 నుంచి 10వ తరగతుల వరకు స్టడీ సర్టిఫికేట్లు
➥ ఇంటర్ సర్టిఫికేట్
➥ ఎంబీబీఎస్ డిగ్రీ సర్టిఫికేట్
➥ పీజీ డిగ్రీ సర్టిఫికేట్/సూపర్ స్పెషాలిటీ డిగ్రీ సర్టిఫికేట్
➥ పీజీ డిగ్రీ మార్కుల మెమో/సూపర్ స్పెషాలిటీ డిగ్రీ సర్టిఫికేట్
➥ సీనియర్ రెసిడెన్సీ కంప్లీషన్ సర్టిఫికేట్
➥ ఏపీ మెడికల్ కౌన్సిల్ రిజిస్ట్రేషన్ సర్టిఫికేట్
➥ ఇతర అవసరమైన సర్టిఫికేట్లు
ముఖ్యమైన తేదీలు..
➥ ఆన్‌లైన్ దరఖాస్తు ప్రక్రియ ప్రారంభం: 23.08.2024.
➥ ఆన్‌లైన్ దరఖాస్తుకు చివరితేది: 09.09.2024.
టాప్ హెడ్ లైన్స్
ట్రెండింగ్ వార్తలు
