Bigg Boss Telugu 6: ఇండియా, పాకిస్థాన్ మ్యాచ్ - బిగ్ బాస్ ఈవెంట్ పై ఎఫెక్ట్ చూపిస్తుందా?

ఏషియా కప్ 2022 సూపర్ 4 దశలో నేడు ఇండియా-పాక్ తలపడనున్నాయి. దుబాయ్ వేదికగా రాత్రి 7:30 గంటలకు ఈ హైఓల్టేజీ మ్యాచ్ మొదలుకానుంది.

ఇండియా, పాకిస్థాన్ మ్యాచ్ - బిగ్ బాస్ ఈవెంట్ పై ఎఫెక్ట్ చూపిస్తుందా?

బిగ్ బాస్ సీజన్ 6 రియాలిటీ షో మరికొద్ది నిమిషాల్లో మొదలుకానుంది. ఆదివారం(సెప్టెంబర్ 4) నాడు సాయంత్రం 6 నుంచి స్టార్ మాలో ఈ షో ప్రసారం కానుంది. గత సీజన్ల మాదిరి ఈసారి కూడా నాగార్జున ఈ షోని హోస్ట్ చేయబోతున్నారు. ఎంతో గ్రాండ్ గా ఈ సీజన్ ను మొదలుపెడుతున్నారు. అయితే మొదటిరోజే ఈ షోకి భారీ దెబ్బ పడే ఛాన్స్ ఉందని అంటున్నారు. ఈ బిగ్గెస్ట్ రియాలిటీ షోని గ్రాండ్ గా లాంచ్ చేసి మంచి టీఆర్ఫీ రేటింగ్ ను సాధించాలని భావించారు బిగ్ బాస్ నిర్వాహకులు. కానీ ఇప్పుడు ఆ ఆశలపై ఎఫెక్ట్ పడేలా ఉంది. 

 

ఈ షో మొదలయ్యే సమయంలోనే ఇండియా-పాకిస్థాన్ మధ్య క్రికెట్ మ్యాచ్ జరగనుంది. ఏషియా కప్ 2022 సూపర్ 4 దశలో నేడు ఇండియా-పాక్ తలపడనున్నాయి. దుబాయ్ వేదికగా రాత్రి 7:30 గంటలకు ఈ హైఓల్టేజీ మ్యాచ్ మొదలుకానుంది. ఈ మ్యాచ్ ఎఫెక్ట్ కచ్చితంగా బిగ్ బాస్ షోపై పడుతుంది. ఇండియా-పాకిస్థాన్ మ్యాచ్ కాబట్టి క్రికెట్ అభిమానులతో పాటు సాధారణ ప్రేక్షకులు కూడా ఈ మ్యాచ్ చూసే ఛాన్స్ ఉంది.

 

బిగ్ బాస్ షోని ఇష్టపడే యూత్ లో చాలా మంది క్రికెట్ ఫ్యాన్స్ కూడా ఉన్నారు. వారంతా కూడా క్రికెట్ మ్యాచ్ చూసే అవకాశాలే ఎక్కువగా ఉన్నాయని సినీ విశ్లేషకులు చెబుతున్నారు. మరి ఈ గండాన్ని దాటుకొని బిగ్ బాస్ భారీ టీఆర్ఫీని సాధిస్తుందో లేదో చూడాలి. 

ఈసారి బిగ్ బాస్ షోలో మొత్తం 18 మంది కంటెస్టెంట్స్ కనిపించనున్నారు. ఇప్పటివరకు బయటకొచ్చిన వివరాల ప్రకారం కంటెస్టెంట్స్ లిస్ట్ ఇదే..

1. బాలాదిత్య (హీరో)
2. అభినయ శ్రీ (నటి)
3. రోహిత్, మెరీనా (రియల్ కపుల్)
4. రేవంత్ (సింగర్)
5. నేహా (యాంకర్)
6. చలాకీ చంటి (కమెడియన్)
7. సుదీప (నటి, నువ్వు నాకు నచ్చావ్ ఫేమ్)
8. శ్రీ సత్య (సీరియల్ నటి)
9. ఇనయా సుల్తానా (నటి)
10. శ్రీహాన్ (యూట్యూబర్)
11. ఆరోహి రావ్
12. వాసంతి
13. అర్జున్
14. ఆర్జే సూర్య
15. కీర్తి భట్ (కార్తీకదీపం హీరోయిన్)
16. రాజశేఖర్
17. గీతూ (యూట్యూబర్)
18. ఫైమా (కమెడియన్)
19. తన్మయ్ (జబర్దస్త్ లేడి గెటప్)
20. ఆది రెడ్డి (యూట్యూబర్)

ఈ లిస్ట్ లో 20 మంది ఉన్నారు. వీరిలో 18 మందిని ఫైనల్ చేసి హౌస్ లోకి పంపించనున్నారు. వీరితో పాటు ఓ సర్‌ప్రైజ్‌ కంటెస్టెంట్ ఉన్నట్లు సమాచారం. మొత్తం 18 మంది పోటీదారులు కాబట్టి ఈసారి షో 100 రోజులకు పైగానే ఉండే ఛాన్స్ ఉంది. మధ్యలో డబుల్ ఎలిమినేషన్స్ కూడా ఉంటాయి. ఇక టాస్క్ ల విషయానికొస్తే.. బిగ్ బాస్ హిందీ వెర్షన్ నుంచి కొన్ని టాస్క్ లను సీజన్ 6 కోసం తీసుకోబోతున్నారని సమాచారం. గత సీజన్లలో కూడా టాస్క్ లకు సంబంధించి ఇలానే చేశారు.