Vijay: విజయ్-వంశీ పైడిపల్లి ఫస్ట్ లుక్ రిలీజ్ ఎప్పుడంటే..?

విజయ్ 66 సినిమా ఫస్ట్ లుక్ ని జూన్ 21న విడుదల చేయనున్నారు.

విజయ్-వంశీ పైడిపల్లి ఫస్ట్ లుక్ రిలీజ్ ఎప్పుడంటే..

కోలీవుడ్ స్టార్ హీరో విజయ్ ప్రధాన పాత్రలో తెలుగులో ఓ సినిమా రాబోతుంది. చాలా కాలంగా ఆయన తెలుగులో స్ట్రెయిట్ సినిమా చేస్తారని వార్తలొచ్చాయి. ఫైనల్ గా దిల్ రాజు ఈ ప్రాజెక్ట్ ని సెట్ చేశారు. వంశీ పైడిపల్లి దర్శకత్వంలో ఈ సినిమాను రూపొందిస్తున్నారు. ఇందులో రష్మికను హీరోయిన్ గా తీసుకున్నారు. ఇప్పటికే ఈ సినిమా పూజా కార్యక్రమాలను నిర్వహించారు. ప్రస్తుతం ఈ సినిమా షూటింగ్ దశలో ఉంది. ఇటీవల ఈ సినిమా స్పాట్ నుంచి కొన్ని ఫొటోలు లీక్ అయ్యాయి. అవి సోషల్ మీడియాలో బాగా వైరల్ అయ్యాయి.  

ఇదిలా ఉండగా.. ఈ సినిమా ఫస్ట్ లుక్ ని జూన్ 21న విడుదల చేయనున్నారు. ఈ విషయాన్ని చిత్రబృందం వెల్లడించింది. జూన్ 22న విజయ్ పుట్టినరోజు కావడంతో ఒకరోజు ముందుగా ఫస్ట్ లుక్ ని రిలీజ్ చేస్తున్నారు. అందుతున్న సమాచారం ప్రకారం.. ఈ సినిమాకి 'వారసుడు' అనే టైటిల్ ను పరిశీలిస్తున్నట్లు సమాచారం. మరి ఇదే టైటిల్ ను అనౌన్స్ చేస్తారో లేదో చూడాలి!

ఇక ఈ సినిమాలో చాలా మంది పేరున్న నటీనటులను తీసుకున్నట్లు తెలుస్తోంది. కోలీవుడ్ నుంచి ప్రభు, శరత్ కుమార్ లాంటి సీనియర్ ఆర్టిస్ట్ లను రంగంలోకి దించారు. అలానే జయసుధ, ప్రకాష్ రాజ్ లను ఎంపిక చేసుకున్నట్లు కొన్ని రోజుల క్రితం అనౌన్స్ చేశారు. వీరితో పాటు శ్రీకాంత్, సంగీత లాంటి నటులు కూడా ఈ సినిమాలో కనిపించనున్నారు. 

కోలీవుడ్ టాలెంటెడ్ కమెడియన్ యోగిబాబుని తీసుకున్నట్లు మొన్నామధ్య ప్రకటించారు. ఈ సినిమాలో విజయ్ పాత్ర చాలా డిఫరెంట్ గా ఉంటుందని చెబుతున్నారు. దళపతి 66వ చిత్రంగా రాబోతోన్న ఈ ప్రాజెక్ట్‌ను తమిళ, తెలుగు భాషల్లో తెరకెక్కిస్తున్నారు. ఈ ఏడాది 'బీస్ట్' సినిమాతో ప్రేక్షకుల ముందుకు వచ్చిన విజయ్ ఆశించిన స్థాయిలో సక్సెస్ అందుకోలేకపోయారు. మరి ఈ సినిమాతోనైనా సక్సెస్ అందుకుంటారేమో చూడాలి!

 

 

 

 

 

View this post on Instagram

 

 

 

 

 

 

 

 

 

 

 

A post shared by Sri Venkateswara Creations (@srivenkateswaracreations)