Naga Chaitanya: చైతు కోసం 'నాగేశ్వరరావు' టైటిల్?

దర్శకుడు పరశురామ్ తన తదుపరి సినిమా నాగచైతన్యతో చేయబోతున్నారు.

చైతు కోసం 'నాగేశ్వరరావు' టైటిల్?

టాలీవుడ్ లో యంగ్ హీరోలతో సినిమాలు తీసి హిట్స్ కొట్టిన దర్శకుడు పరశురామ్ ఇటీవల సూపర్ స్టార్ మహేష్ బాబుతో 'సర్కారు వారి పాట' సినిమాను తెరకెక్కించారు. మే 12న ప్రేక్షకుల ముందుకు వచ్చిన ఈ సినిమా హిట్ టాక్ తో దూసుకుపోతుంది. ఇప్పటివరకు ప్రపంచవ్యాప్తంగా రూ.200 కోట్ల గ్రాస్ ను రాబట్టినట్లుగా చిత్ర నిర్మాతలు ప్రకటించారు. ఈ సినిమా సక్సెస్ తో మరింత జోష్ మీదున్నారు పరశురామ్. 

తన తదుపరి సినిమా నాగచైతన్యతో చేయబోతున్నారు. 14 రీల్స్ బ్యానర్ పై ఈ సినిమాను నిర్మించనున్నారు. నిజానికి 'సర్కారు వారి పాట' సినిమా కంటే ముందుగానే ఈ సినిమా తీయాలని ప్లాన్ చేసుకున్నారు కానీ మహేష్ బాబుకి పరశురామ్ చెప్పిన కథ నచ్చడంతో ముందుగా 'సర్కారు వారి పాట'ను పట్టాలెక్కించారు. ఇప్పుడు చైతు సినిమా పనిలో పడ్డారు పరశురామ్. 

ఈ సినిమాకి 'నాగేశ్వరరావు' అనే టైటిల్ ను ఖరారు చేశారు. ఇదివరకు అనుకున్న టైటిల్ కూడా ఇదేనట. ఇప్పుడు దీన్నే ఫైనల్ చేశారు. ఇందులో చైతు మిడిల్ క్లాస్ ఎంప్లాయ్ గా కనిపించబోతున్నారు. మిడిల్ క్లాస్ నేపథ్యంలో ఈ సినిమా స్క్రిప్ట్ ను రెడీ చేసుకున్నారు. అవుట్ అండ్ అవుట్ ఎంటర్టైనర్ గా ఈ సినిమాను తెరకెక్కించబోతున్న. పరశురామ్ సినిమాల్లో హీరోయిన్ పాత్రలు కీలకంగా ఉంటాయి. ఇందులో కూడా హీరోయిన్ కి ప్రాధాన్యం ఉన్నట్లు తెలుస్తోంది. 

ఇదిలా ఉండగా.. ప్రస్తుతం చైతు నటించిన 'థాంక్యూ' సినిమాను విడుదల చేయడానికి ప్లాన్ చేస్తున్నారు. వచ్చే నెలలో సినిమా రిలీజ్ కానుంది. రేపు ఈ సినిమా టీజర్ ను విడుదల చేయనున్నారు. విక్రమ్ కుమార్ డైరెక్ట్ చేసిన ఈ సినిమాపై ప్రేక్షకుల్లో భారీ అంచనాలు నెలకొన్నాయి. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Sri Venkateswara Creations (@srivenkateswaracreations)