Uorfi Javed: రెస్టారెంట్ లోకి అనుమతించని సిబ్బంది, నేనెవరో తెలుసా అంటూ ఉర్ఫీ జావేద్ రచ్చ

బిగ్ బాస్ బ్యూటీ ఉర్ఫీ జావేద్ కు చేదు అనుభవం ఎదురయ్యింది. ముంబైలోని ఓ రెస్టారెంట్ నిర్వాహకులు ఆమెను లోపలికి అనుమతించలేదు. దీంతో ఆమె తీవ్ర పదజాలంతో సిబ్బందిపై విరుచుకుపడ్డారు.

Photo@Uorfi/Instagram

ఉర్ఫీ జావేద్ గురించి ప్రత్యేకంగా పరిచయం అవసరం లేదు. తన విచిత్ర వస్త్రధారణతో ఎప్పుడూ వార్తల్లో నిలుస్తుంది. ఆమె వేసుకునే వింత వింత డ్రెస్సులు చూసి, బాబోయ్ ఇవేం డ్రెస్సులు అనుకుంటారు. తాజాగా ఈ అమ్ముడుకి ముంబైలో చేదు అనుభవం ఎదురయ్యింది. సరికొత్త విచిత్ర వేషధారణలో ఓ రెస్టారెంట్ కు వెళ్లింది. అయితే, ఆమెను అక్కడి సిబ్బంది లోపలికి అనుమతించలేదు. రెస్టారెంట్ లో రిజర్వేషన్స్ లేవని, రిజర్వేషన్ చేసుకున్న వాళ్లనే అనుమతిస్తున్నట్లు వెల్లడించారు.

రెస్టారెంట్ సిబ్బందిపై ఉర్ఫీ ఆగ్రహం

రెస్టారెంట్ సిబ్బంది తనను లోపలికి రానివ్వకపోవడంపై ఉర్ఫీ జావేద్ నిప్పులు చెరిగింది. రెస్టారెంట్ మేనేజర్‌తో తీవ్ర వాగ్వాదానికి దిగింది. సంయమనం కోల్పోయి ప్రవర్తించింది.  తాను వేసుకు డ్రెస్ కారణంగానే తనను రెస్టారెంట్ లోపలికి అనుకుమంతించడం లేదంటూ ఆగ్రహం వ్యక్తం చేసింది. ఈమేరకు తన సోషల్ మీడియాలో ఓ వీడియో షేర్ చేసింది.

సోషల్ మీడియాలో షేర్ చేసిన వీడియోలో ఏముందంటే?

ప్రస్తుతం రెస్టారెంట్ వివాదానికి సంబంధించిన వీడియో నెట్టింట్లో వైరల్ అవుతోంది. తన కారు ఓ రెస్టారెంట్ ముందు దిగిన ఉర్ఫీ, వాయిలెట్ కలర్ డ్రెస్ లో నడుచుకుంటూ రెస్టారెంట్ లోపలికి వెళ్లింది. మేనేజర్ రిజర్వేషన్లు లేవని ఆమెకు చెప్పారు. దీంతో కోపంతో ఊగిపోయిన ఉర్ఫీ, నా పేరు ఏంటో తెలుసా? ఉర్ఫీ జావెద్ మండిపడింది. ఇది రిజర్వేషన్లకు సంబంధించిన విషయం కాదు, నా బట్టలకు సంబంధించిన విషయం అంటూ మండిపడింది. ఇదే విషయాన్ని సోషల్ మీడియాలో ప్రస్తావించింది. “ఇది నిజంగా 21వ శతాబ్దపు ముంబాయేనా? ఈరోజు ఒక రెస్టారెంట్‌లోకి నన్ను అనుమతించలేదు. మీరు నా ఫ్యాషన్ సెలెక్షన్ తో ఏకీభవించకుంటే ఫర్వాలేదు. కానీ, కుంటిసాకులు చెప్పకండి” అని తన ఇన్‌స్టా స్టోరీలో రాసుకొచ్చింది. అయితే, దీన్ని జొమాటో ఫుడ్ యాప్‌కు ట్యాగ్ చేయడంతో అసలు సంగతి తెలిసింది. జొమాటోను ప్రమోట్ చేయడం కోసమే.. ఈ అమ్మడు ఇంత హంగామా చేసింది.

 

 

 

 

 

View this post on Instagram

 

 

 

 

 

 

 

 

 

 

 

A post shared by Viral Bhayani (@viralbhayani)

ఎవరీ ఉర్ఫీ జావేద్?

ఓటీటీ బిగ్ బాస్ షో ద్వారా బాగా పాపులర్ అయ్యింది ఉర్ఫీ జావేద్. హౌస్ నుంచి బయటకు వచ్చిన తర్వాత పలు వివాదాలతో బాగా ఫేమస్ అయ్యింది. ముఖ్యంగా ఆమె వేసుకునే డ్రెస్సులు.. ఉఫ్.. ఉర్ఫీ.. ఇవేం డ్రెస్సులు అనిపించేలా ఉంటాయి. ఆమె వెరైటీ దుస్తుల వల్లే నిత్యం సోషల్ మీడియాలో హల్ చల్ చేస్తోంది. ఉర్ఫీ పలు టీవీ షోలలో నటించింది. ‘బడే భయ్యా కి దుల్హనియా’లో అవనీ పాత్రను పోషించి బాగా పేరు సంపాదించింది. ALT బాలాజీలో ప్రసారమైన ‘మేరీ దుర్గా’లో ఆర్తిగా, ‘బేపన్నా’లో బెల్లాగా,  ‘పంచ్ బీట్’ సీజన్ 2లో మీరాగా కనిపించింది. 2016 నుండి 2017 వరకు, ఉర్ఫీ స్టార్ ప్లస్ ‘చంద్ర నందిని’లో ఛాయా పాత్రను పోషించింది. 2018లో SAB TV  ‘సాత్ ఫేరో కి హెరా ఫెరీ’లో కామినీ జోషి పాత్రను పోషించింది. 2020లో ఉర్ఫీ జావేద్ ‘యే రిష్తా క్యా కెహ్లతా హై’లో శివాని భాటియాగా చేసింది. ఆ తర్వాత ‘కసౌతి జిందగీ కే’లో తనీషా చక్రవర్తి పాత్ర పోషించింది. సీరియల్స్ కంటే ఉర్ఫీ జావేద్‌ వెరైటీ డ్రెస్సులతోనే బాగా పాపులర్ అయ్యింది.