Meghasandesam Serial Today December 24th: ‘మేఘసందేశం’ సీరియల్: అపూర్వకు నిజం చెప్పిన నక్షత్ర – చెర్రిని తిట్టిన ప్రసాద్
Meghasandesam Today Episode: గగన్ బావను నేను ప్రేమిస్తున్నాను అందుకే పార్టీకి పిలిచాను అంటుంది నక్షత్ర. దీంతో ఇవాళ్టీ ఏపిసోడ్ చాలా ఆసక్తిగా జరిగింది.
Meghasandesam Serial Today Episode: వాడి మనసులో నువ్వు ఉన్నావు కానీ నీ మనసులో వాడు ఉన్నాడా అని ప్రసాద్ అడగ్గానే ఉన్నాడని చెప్తుంది భూమి. దీంతో కలలో అయినా వాడకి ఐలవ్యూ చెప్పావా అని అడుగుతాడు. దీంతో లేదని చెప్తుంది భూమి. భూమి మాటలు విన్న చెర్రి సంతోషంగా బిందు దగ్గరకు వెళ్లి ఎగిరి గంతేస్తాడు. నాపై లవ్ ఉందని నాన్నతో చెప్తుంటే విన్నాను అంటాడు. దీంతో నీ ఎదురుగా సిగ్గుపడుతూ నిన్ను ప్రేమిస్తున్నాను అని చెప్పాలి కానీ నాన్నతో ఎందుకు చెప్తుంది. కాస్త కన్ఫం చేసుకోరా అంటుంది. దీంతో చెర్రి కోపంగా బిందును తిట్టి వెళ్లిపోతాడు. గగన్ బర్తుడే పార్టీకి వెళుతూ భూమి కోసం గిఫ్ట్ కొంటాడు. మరోవైపు చెర్రి సంతోషంగా ప్రసాద్ దగ్గరకు వచ్చి హగ్ చేసుకుంటాడు.
ప్రసాద్: ఏంట్రా ఈ ఆనందం ఏంటి..?
చెర్రి: తెలిసిపోయింది కదూ..
ప్రసాద్: ఏం తెలిసిపోయిందిరా…?
చెర్రి: భలే దాస్తున్నావు నాన్నా.. తనే కాదు నువ్వు కూడా నాతో ఆడుకుంటున్నావు అని తెలుస్తుంది. నాతో ఆడుకుంటున్నావే..
ప్రసాద్: రేయ్ చెప్పాల్సింది ఏంటో సూటిగా చెప్పరా..?
చెర్రి: తను సిగ్గు పడుతూ చెప్తే విన్నావు మళ్లీ నన్ను సూటిగా అడుగుతున్నావు. ఇది నీకు సూటు కాదులే నాన్నా..
ప్రసాద్: రేయ్ ఫోన్ అయిన మాట్లాడు.. లేదా విషయం అయినా చెప్పు .
చెర్రి: ఇలాంటి రొమాంటిక్ మూడ్ లో నేను ఏ డిస్టబెన్స్ పట్టించుకోను
ప్రసాద్: రేయ్ నేను మీ నాన్ననురా..? ఏం మాట్లాడుతున్నావు. రొమాంటిక్ మూడ్ అంటావేంటిరా..?
చెర్రి: పెడార్థాలు తీయకు నాన్నా.. ఇందాక నీ మాటలు నేను విన్నాను. ఆ మాటల ప్రకారం నేను వెళ్లాల్సిన మూడ్ లోకి వెళ్లాను.
ప్రసాద్: ఓరే మేధావి నువ్వు చెప్పాలనుకున్నది ఒక్కముక్కలో చెప్పరా..?
చెర్రి: భూమి నువ్వు మాట్లాడుకోవడం నేను విన్నాను. నీ కొడుకును తను ప్రేమిస్తుందన్న మాట నా చెవిన పడిపోయింది.
ప్రసాద్: రేయ్ మేము మాట్లాడుకునే సీక్రెట్స్ నువ్వు వినకూడదు కదరా..?
చెర్రి: అబ్బా నీ కొడుకు గురించి చెప్తుంటే.. నీ కొడుకు వినకూడదా…? భలే గమ్మత్తుగా మాట్లాడుతున్నావు నాన్నా..
అని చెర్రి చెప్పగానే ప్రసాద్ ఎవ్వరికీ చెప్పకు అంటాడు. భూమి లాంటి అమ్మాయి కోడలుగా రావడమంటే చాలా అదృష్టం అంటాడు ప్రసాద్. కానీ పరిస్థితులు అన్ని సెట్ అయ్యే వరకు ఈ విషయం గగన్కు తెలియకూడదు అనగానే సరే చెప్పను అంటాడు చెర్రి. మరోవైపు గగన్, భూమి కోసం లాండ్ ఫోన్కు కాల్ చేస్తాడు. బిందు లిఫ్ట్ చేసి భూమి ఉందని పిలుస్తాను ఉండండి అని భూమి కోసం బయటకు వెళ్లగానే అపూర్వ చూసి గగన్ను తిడుతుంది. ఎక్కడున్నా నిన్ను ఈరోజు వెతికి వెతికి చంపుతాను అంటుంది. సాయంత్రం నక్షత్ర బర్తుడే పార్టీకి వస్తున్నాను అప్పుడు ఏం చేస్తావో చేసుకో అంటాడు. నిన్ను ఎవడు పిలిచాడు అని అపూర్వ అడగ్గానే నీ కూతురు నక్షత్ర పిలిచింది అని చెప్పగానే అపూర్వ షాక్ అవుతుంది. ఫోన్ రిసీవర్ పెట్టబోతుంటే భూమి వచ్చి రిసీవర్ తీసుకుంటుంది.
భూమి: ఇంత ఎదిగారు ఇతరుల ఫోన్ మాట్లాడకూడదు అన్న ఇంగిత జ్ఞానం లేదా నీకు
అపూర్వ: ఓసేయ్ నాకు ఇప్పుడు వస్తున్న కోపానికి నిన్ను ఇక్కడే తొక్కేయాలని ఉంది. నీ సంగతి తర్వాత చూస్తాను.
అంటూ అపూర్వ వెళ్లిపోతుంది.
గగన్: హలో భూమి నేను గగన్ను..
భూమి: అయ్యో ఎందుకు ఫోన్ చేశారు. నిప్పులు తొక్కిన కోతిలా చిందులు వేస్తూ వెళ్లింది.
గగన్: నీకు గిఫ్ట్ కొందామని ఫోన్ చేశాను.
అని గగన్ చెప్పగానే నిన్ను రావొద్దన్నాను అయినా ఎందుకు వస్తున్నారు అంటూ తిడుతుంది. గగన్ మాత్రం నేను వస్తున్నాను అని ఫోన్ కట్ చేస్తాడు. మరోవైపు అపూర్వ కోపంగా నక్షత్ర దగ్గరకు వెళ్లి గగన్ను ఎందుకు పార్టీకి పిలిచావు అని అడుగుతుంది. గగన్ బావను నేను ప్రేమిస్తున్నాను.. అందుకే పార్టీకి పిలిచాను అంటుంది. దీంతో అపూర్వ షాక్ అవుతుంది. ఇంతటితో ఇవాళ్టీ ఎపిసోడ్ అయిపోతుంది.
ALSO READ: మీరు కోటీశ్వరులు అయ్యే ముందు ఇలాంటి కలలే వస్తాయట!
టాప్ హెడ్ లైన్స్
ట్రెండింగ్ వార్తలు
