Janaki Kalaganaledu September 30th: జెస్సి బుర్రలో విషం నింపుతున్న మల్లిక- వార్నింగ్ ఇచ్చిన జానకి, అఖిల్ నాటకాలు

జెస్సిని తనవైపుకి తిప్పుకోవాలని మల్లిక కుట్రలు వేస్తుంది. అది గమనించిన జానకి మల్లికని తిడుతుంది. ఈరోజు ఎపిసోడ్లో ఏం జరిగిందంటే..

image credit: Disney Plus Hotstar/ Star Maa

జానకి కాలు నొప్పి అనడంతో రామా తనని ఎత్తుకుని తీసుకెళ్తాడు. మెట్ల మీద కూర్చోబెట్టి కాలు చూస్తుంటే బెణికింది అని నాటకం ఆడినట్టు చెప్పడంతో ఇద్దరు నవ్వుకుంటారు. పరీక్షలు పెట్టుకుని చదువుకోకుండా వంట చేస్తున్నారు ఏంటి అని రామా వచ్చి అడుగుతాడు. ఇంటి పని కూడా చెయ్యాలి కదా అని జానకి అంటుంది. అయినా కూడా రేపు ముఖ్యమైన పరీక్ష కదా వీటి కోసం దాన్ని అశ్రద్ధ చేస్తే ఎలాగా అని రామా అంటుంటే అటు జ్ఞానంబ ఇటు జెస్సి వింటారు. పని పూర్తి అయిన తర్వాత చదువుకుంటానులే అని జానకి అంటుంది. రేపు ముఖ్యమైన పరీక్ష పెట్టుకుని మరి ఈ పనులన్నీ చెయ్యాలసిన అవసరం ఏంటి అని జ్ఞానంబ జెస్సిని చూసి ఇంట్లో చాలా మంది ఉన్నారు వాళ్ళు చూసుకుంటారు నువ్వు వెళ్ళి చదువుకో అని చెప్తుంది.

వెన్నెల కాలేజీకి వెళ్ళింది చికితకి ఒంట్లో బాగోలేదు అందుకే రెస్ట్ తీసుకోమన్నా అని జానకి చెప్తుంది. అందుకని నువ్వు సమయం వృధా చేసుకుంటావా ఇప్పటికే కొన్ని కారణాల వల్ల నీ చదువుకి ఆటంకం ఏర్పడింది ఇప్పుడు నీ ఆశయం మీద దృష్టి పెట్టు అని గోవిందరాజులు కూడా చెప్తాడు. అయిన ఇంట్లో పనులు పంచుకోవడానికి వెన్నెల, చికిత మాత్రమే కాదు ఇంకొంతమంది కూడా ఉన్నారు వాళ్ళు కూడా చెయ్యొచ్చు అని జ్ఞానంబ అంటుంది. జెస్సికి ఈ ఇంట్లో ఏవి ఎక్కడ ఉన్నాయో తెలియదు కదా అత్తయ్యగారు అని జానకి అంటుంది. ఇలా వెనకేసుకొస్తే అలాగే వెనకబడతారు. ఇలాంతప్పుడు పనికి పూనుకుంటేనే అన్నీ వల్లే తెలుసుకుంటారని జ్ఞానంబ అంటుంది. వెళ్ళి పరీక్ష కోసం చదువుకో చేసే వాళ్ళు చేస్తారని చెప్తుంది. దీంతో రామా జానకిని తీసుకుని వెళ్ళిపోతాడు.

జెస్సితో నా ప్రేమ పెళ్లి నన్ను ఒంటరి వాడిని చేసేశాయ్ ఎలాగైనా అమ్మకి మస్కా కొట్టి దగ్గర అవ్వాలి అలాగే ఇంతకముందులాగా ఇంట్లో వాళ్ళు కూడా నన్ను ప్రేమగా చూసుకునేలా చెయ్యాలని అఖిల్ అనుకుంటూ ఉండగా రామా వస్తాడు. నా ప్లాన్ వర్కౌట్ అవ్వాలంటే అమాయకపు అన్నయ్యని వాడుకోవాలని అనుకుంటాడు. రామా వచ్చి ఏమైంది ఒంటరిగా ఇక్కడ కూర్చుని కన్నీళ్ళు పెట్టుకుంటున్నావ్ అని అడుగుతాడు. మీరందరూ నన్ను ఒంటరి వాడిని చేసేశారు కదా అని అఖిల్ అంటాడు. నీకు మేము ఉన్నాం కదా అని రామా చెప్తాడు. వాళ్ళు అఖిల్ తో మాట్లాడుతుంటే జ్ఞానంబ వచ్చి వాళ్ళని పంపించేస్తుంది.

జ్ఞానంబకి జెస్సి దగ్గర కాకుండా చూడాలి అని మల్లిక ప్లాన్ వేస్తుంది. జెస్సి ఒంటరిగా కూర్చుని ఉంటే మల్లిక వచ్చి తనతో మాట్లాడుతుంది. నీ బాధ నాకు తెలుసు జెస్సి అఖిల్ ని ప్రేమించిన పాపానికి అఖిల్ తో సహా అందరూ నిన్ను దూరం పెడుతున్నారు. నీ బాధ నాకు చెప్పు నేను దూరం చేస్తాను. జానకి నీకు అండగా ఉందని అనుకుంటున్నావేమో తనది స్వార్థం అత్తయ్యగారి ముందు పేరు కొట్టేయడానికి నిన్ను వెనకేసుకొస్తున్నట్టు నాటకం ఆడుతుంది. నా మాట విను నేను చెప్పినట్టు చెయ్యి. జానకిని నమ్ముకుంటే నువ్వు అత్తయ్యగారికి దూరం అవుతావు. జానకిని పట్టించుకోకుండా అత్తయ్యగారికి సేవలు చెయ్యి అప్పుడు నిన్ను చెరదీస్తారు అని ఎక్కిస్తు ఉంటే అదంతా జానకి వింటుంది. నువ్వు ఈ ఇంటి కోడలివి మల్లిక సమస్య వస్తే పరిష్కరించాలి కానీ లేనిపోనివి నూరి పోసి సమస్య పెద్దది చెయ్యకూడదు. జెస్సి మన తోటికోడలు, అత్తయ్యగారికి దగ్గర కావడానికి సహాయం చెయ్యి అంతే కానీ దూరం చేసే పనులు చేయకు. నువ్వు ఇలాగే ఉంటే నేను పెద్ద కోడలిగా వేరే విధంగా రియాక్ట్ అవుతాను అని జానకి సీరియస్ గా చెప్తుంది.