Ennenno Janmalabandham August 4th: 'ఎన్నెన్నో జన్మల బంధం' సీరియల్: ఊహించని ట్విస్ట్, మాళవిక హత్య- యశోధర్ అరెస్ట్

మాళవిక హత్యకి గురి కావడంతో సీరియల్ ఇంట్రెస్టింగ్ గా సాగుతోంది. ఈరోజు ఎపిసోడ్లో ఏం జరిగిందంటే..

Image Credit: Disney Plus Hotstar/ Star Maa

యష్, వేద హ్యాపీగా రొమాంటిక్ మూమెంట్ షేర్ చేసుకుంటారు. వేద తనకి తల్లిని అయ్యే ఛాన్స్ పెరిగిందని చెప్తుంది. మరి తనకి ఎందుకు చెప్పలేదని అడుగుతాడు.

వేద: చెప్పాలని అనుకున్నా, కానీ చెప్పకూడదని అనుకున్నా. ఖుషి, ఆదిత్య మనకి ఇద్దరు పిల్లలు ఉన్నారు కదా

యష్: ఖుషి నా అదృష్టం. తన వల్ల వచ్చిన వరం నువ్వు. ఈ వరం ఒక అపురూపం మాకోక బుజ్జాయిని ఇవ్వాలి

వేద: అంతా బాగానే ఉంది కానీ ఏదో భయంగా ఉంది. మన సంతోషానికి ఏదో ఒక అలజడి ఎదురవుతుంది. మనం దూరం అయిపోతామేమోననే ఆందోళన

యష్: అది గతం జ్ఞాపకాలు జీవితాలు కావు. స్మాల్ ఎక్స్ పీరియన్స్ మాత్రమే. ఒక బ్యాడ్ తొలగిపోయింది. నీ రాక నా జీవితానికి ఒక వెలుగు. ఇక కన్నీళ్ళు ఉండకూడదు. మనది ఎన్నెన్నో జన్మలబంధం

ఇక తెల్లారి షష్టి పూర్తి వేడుక బాగా జరిగిందని సులోచన మాలిని వాళ్ళని మెచ్చుకుంటుంది. ఇద్దరూ చాలా అందంగా ఉన్నారని పొగుడుతుంది. యష్ నిద్రలేచి ఫంక్షన్ బాగా జరిగిందని అదంతా నీ వల్లేనని వేదని మెచ్చుకుంటాడు. కానీ వేద మాత్రం మీ వల్లే సక్సెస్ అయ్యిందని హగ్ చేసుకుని థాంక్స్ చెప్తుంది. కాసేపు పెళ్ళాం మీద కవిత్వం చెప్తాడు. చిత్ర షాపింగ్ కి వెళ్దామని వసంత్ ని అడిగితే ఆఫీసులో మీటింగ్ ఉందని ప్రేమగా చెప్తాడు. దీంతో చిత్ర బుంగమూతి పెడుతుంది. ఉద్యోగం చేసిన దానివి కదా పరిస్థితి అర్థం చేసుకోమని అంటాడు. షాపింగ్ కి వెళ్ళడానికి ముందు కారు డ్రైవింగ్ నేర్చుకోమని చెప్తాడు. సరే అయితే సలహా ఇచ్చిన వాళ్ళే డ్రైవింగ్ నేర్పించాలని అంటుంది. దీంతో వసంత్ సరే అంటాడు.

ఇంట్లో అందరూ ఎవరి పనుల్లో వాళ్ళు ఉండగా యష్ ఇంటికి పోలీసులు వస్తారు. మాళవిక చనిపోయిందని పోలీసులు చెప్పేసరికి ఇంట్లో వాళ్ళు షాక్ అవుతారు. చంపేశారు ఇది హత్య అని పోలీస్ ఇన్ స్పెక్టర్ అంటాడు.

మాలిని: అది చనిపోయే రకం కాదు చంపే రకం నిన్న ఫంక్షన్ లో కూడా నన్ను చంపాలని చూసింది. పొరపాటున మీరు వేరే ఇంటికి వెళ్లబోయి మా ఇంటికి వచ్చారు

పోలీస్: పొరపాటు కదా కరెక్ట్ ఇంటికే వచ్చాం

యష్: చంపేశారా? ఎవరు

పోలీస్: క్రైమ్ జరిగిన చోట ఆధారాలని బట్టి చంపింది యశోధర్ అని కన్ఫామ్ అయ్యింది

వేద: రాత్రి నుంచి ఆయన ఇంట్లోనే ఉన్నారు బయటకి వెళ్లలేదు. మీరు ఏదో పొరపాటు పడుతున్నారు మళ్ళీ చెక్ చేసుకోండి

పోలీస్: క్రైమ్ జరిగిన చోట దొరికిన ఆధారాలు యష్ చేసినట్టు తేలింది

దీంతో యష్ ని పోలీసులు అరెస్ట్ చేసుకుని తీసుకెళ్తారు. వేద పోలీస్ కారు వెనుకే పరిగెడుతూ వెళ్తుంది. కారుకి అడ్డం పడి ఆపుతుంది. తను కూడా స్టేషన్ కి వస్తానని తనని కూడా తీసుకెళ్లమని బతిమలాడుతుంది. కానీ వేదని పోలీసులు పక్కకి నెట్టేసి యష్ ని తీసుకుని వెళ్లిపోతారు. తను ఏ తప్పు చేయలేదని వెంటనే ఇంటికి తిరిగి వచ్చేస్తానని ధైర్యం చెప్తాడు. తన భర్త అటువంటి కాదు తను నిర్దోషని ఏడుస్తుంది.