Ennenno Janmalabandham April 28th: మనసు అడ్డు తెరలు తొలగిపోయాయి, సూపర్ ఎపిసోడ్- ఒక్కటైన యష్, వేద

యష్, వేద ఒకరి మీద ప్రేమ మరొకరు చెప్పుకోవడంతో సీరియల్ ఇంట్రెస్టింగ్ గా సాగుతోంది. ఈరోజు ఎపిసోడ్లో ఎం జరిగిందంటే..

Image Credit: Disney Plus Hotstar/ Star Maa

యష్ శాశ్వతంగా అమెరికా వెళ్తున్నాడని విన్నీ చెప్పేసరికి భర్తని కలిసేందుకు వేద వెళ్తుంది. అటు కారులో వెళ్తూ యష్ వేదతో గడిపిన క్షణాలు తలుచుకుని కన్నీళ్ళు పెట్టుకుంటాడు. తన జ్ఞాపకాలు నన్ను హర్ట్ చేస్తున్నాయి. నాలో ఈ ఫీలింగ్ ఏంటి అసలు. ఇంత పెయిన్ ఏంటి. వేద వదినకి రిటర్న్ గిఫ్ట్ ఇవ్వాలని అన్నావ్. ఇదే తనకి నేను ఇచ్చే రిటర్న్ గిఫ్ట్. నా కోసం అన్నీ నువ్వే త్యాగం చేస్తావా? మా స్వార్థాన్ని ఇగోని వదులుకుంటున్నా. నీ సంతోషం కోసం నా సంతోషాన్ని లైఫ్ నే వదులుకున్నా. నీకు శాశ్వతంగా దూరం అవుతుంది నా బాడీ మాత్రమే నా ప్రాణం, ఫిలింగ్స్, లవ్ నీ చుట్టూనే ఉంటాయని యష్ బాధపడతాడు. కారు సడెన్ గా బ్రేక్ డౌన్ అవడంతో ఆగిపోతుంది. ఫ్లైట్ కి లేట్ అవుతుందని యష్ రోడ్డు మీద కారు ఆపుదామని అనుకుంటాడు. అప్పుడే వేద కారు వస్తుంటే చూసుకోకుండా ఆపుతాడు.

మీ ఫ్లైట్ కి తీయం అవుతుంది కదా రండి నేను డ్రాప్ చేస్తానని వేద యష్ ని తన కారు ఎక్కించుకుంటుంది. నువ్వు రాబట్టి సరిపోయింది. వేరే ఎవరూ కారు ఆపలేదు. నువ్వు రాకపోతే ఫ్లైట్ మిస్ అయ్యేవాడినని అంటాడు. ఫ్లైట్ మిస్ అవకపోతే మీకు లైఫ్ మిస్ అవుతుంది అనుకుంటా అని వేద అడుగుతుంది. ఎయిర్ పోర్ట్ వైపు కాకుండా వేద వేరే ప్లేస్ కి తీసుకుని వెళ్తుంది. ఫ్లైట్ టైమ్ అవుతుందని యష్ టెన్షన్ పడతాడు.

వేద: మీకు నాకు మధ్య చిన్న పని ఉంది అది పూర్తి చేసుకుని వెళ్లిపోదామని విడాకుల పేపర్స్ తీసుకొస్తుంది. అన్నీ కరెక్ట్ గానే ఇచ్చారు కానీ సంతకం మర్చిపోయారు. ఇదిగో సంతకం చేసి ఇవ్వండి

యష్: ఐయామ్ సోరి వేద

వేద: ఎందుకు సంతకం వదిలేసినందుకా లేక నన్ను వదిలించుకున్నందుకా. మీ ఇష్టానికి నాకు శిక్ష వేసేశారు. మీతో విడిపోవడం కంటే మీ చేతులో చనిపోవడమే ఇష్టం. నా ప్రాణాన్ని అయినా వదిలేస్తాను కానీ మీ నుంచి విడిపోయి ఎలా బతుకుతాను అనుకున్నారు మిమ్మల్ని ఎలా వదులుకుంటాను. నేను ఏం తప్పు చేశాను ఎందుకు వదిలేస్తున్నారు

యష్: ఎందుకంటే నేను నీకు కరెక్ట్ కాదు. ఏ రకంగాను కూడా నేను నీకు భర్తగా సరిపోను. నా వల్ల నీకు అంతా చెడు జరిగింది మంచి జరగడం లేదు అందుకే డివోర్స్ ఇవ్వాలని అనుకున్నా దానికి కారణం నువ్వు కాదు నేను. ఇది నీకు వేసే శిక్ష కాదు నాకు నేను వేసుకునే శిక్ష. ఈ నిర్ణయం తీసుకున్నందుకు నేను ఎంతో నలిగిపోయాను, కుమిలిపోయాను. నావల్ల నీకు సంతోషం ఉండదు అన్నీ బాధలు. మంచి లైఫ్ ఉండాలంటే మంచి లైఫ్ పార్టనర్ ఉండాలి. నేను నీకు మంచి లైఫ్ పార్టనర్ కాలేను. నేను లేకపోతేనే నీ లైఫ్ బాగుంటుందని నమ్మాను

వేద: భార్యకి భర్తే జీవితం. అసలు నా సంతోషం మీరే. మీరు లేకుండా నేను లేను అయినా ఈ పేపర్ మన ప్రేమని దూరం చేస్తుందా. యష్ ని హగ్ చేసుకుని ఐలవ్యూ చెప్తుంది. యష్ కూడా ఐలవ్యూ 2 చెప్తాడు. నను వదిలిపెట్టి ఉండగలరా అని యష్ ని కొడుతుంది.