Janaki Kalaganaledu April 27th: నడిరోడ్డు మీద జెస్సి బాబు- జానకి మీద పోలీస్ కేసు పెడతానన్న అఖిల్

మురళి జానకి మీద కోపంతో బాబుని కిడ్నాప్ చేయడంతో సీరియల్ ఇంట్రెస్టింగ్ గా సాగుతోంది. ఈరోజు ఎపిసోడ్లో ఏం జరిగిందంటే..

Image Credit: Disney Plus Hotstar/ Star Maa

రామని విడిచిపెట్టడంపై మధుకర్ సీరియస్ అవుతాడు. వాడు వెళ్ళింది బెయిల్ మీదే కదా ఎక్కడికి పోతాడాని మనోహర్ అంటాడు. వాళ్ళిద్దరూ మాట్లాడుకుంటూ ఉండగా జానకి, రామ స్టేషన్ కి వస్తారు. బాబు కనిపించడం లేదని వెతికేందుకు సహాయం చేయమని అడుగుతుంది. బయట వరండాలో బాబుని పెట్టి అటు వెళ్ళి ఇటు వచ్చేసరికి ఘోరం జరిగిపోయిందని చెప్తుంది. కాలం నీమీద పగ పట్టింది జానకి దెబ్బ మీద దెబ్బ తగులుతుంది కదా అని వెటకారంగా మాట్లాడతాడు. మేము బాధగా ఫిర్యాదు చేయడానికి వస్తే వెటకారంగా మాట్లాడతారెంటని రామ కోపంగా అడుగుతాడు. నేను బెయిల్ ఇస్తే బయట తిరుగుతున్నావ్ పెళ్ళాన్ని చూసి రెచ్చిపోతున్నావా? నీ హీరోయిజం నీ పెళ్ళాం ముందు చూపించు నాముందు కాదు. తిక్క పుడితే ఏదో ఒక కేసు పెట్టి లోపల వేయిస్తానని మనోహర్ బెదిరిస్తాడు. సుగుణని పిలిచి కంప్లైంట్ తీసుకోమని చెప్తాడు.

స్టేషన్ లో ఉన్న స్టాఫ్ ని అయినా తమతో పంపిస్తే కిడ్నాపర్ ని పట్టుకుంటామని జానకి అడుగుతుంది. కానీ మనోహర్ మాత్రం వెటకారంగా సమాధానం చెప్తాడు. కేసు ఫైల్ చేసి పంపించండి తీరికగా వెతుకుతామని అంటాడు. జెస్సి బాబు కోసం ఏడుస్తూ ఉంటుంది. ఇల్లు వదిలి బయటకి రమ్మంటే రాలేదు ఇప్పుడైనా అర్థం అయ్యిందా అని మేరీ తిడుతుంది. ఎన్ని చెప్పినా మా బతుకులు ఇంతే ఏడుస్తూ బతకాలసిందేనని దెప్పి పొడుపు మాటలు మాట్లాడుతుంది. బాబుని నీ చేతికి ఇస్తే జానకికి ఎందుకు ఇచ్చావు తప్పు నీదేనని మల్లిక వెన్నెలని తిడుతుంది. కిడ్నాపర్ బాబుని ఏం చేశాడో ఏంటోనని భయపెట్టేలా మాట్లాడుతుంది. మురళి బిడ్డని ఎత్తుకుని రోడు మీద పరిగెడుతూ ఉంటాడు. బిడ్డని ఒక తోటలో వదిలేసి మురళీ అక్కడి నుంచి పరిపోతాడు. జానకి వాళ్ళు బిడ్డ కోసం రోడ్డు మీద వెతుకుతూ ఉంటారు.

రోడ్డు మీద బిక్షం ఎత్తుకునే ఒక మహిళకు బాబు ఏడుపు వినిపించి అటుగా పరుగులు పెడుతుంది. నేల మీద పెట్టిన బాబుని చూసి ఎత్తుకుంటుంది. నాకు బిడ్డలు లేరు నిన్ను పెంచుకుంటాను దేవుడు ఇచ్చిన బిడ్డ అనుకుంటానని ఒక చోట బాబుని ఎత్తుకుని కూర్చుని ఆడిస్తుంది. అక్కని ప్రతి విషయంలో సపోర్ట్ చేస్తావ్ కదా ఇప్పుడు ఆ అక్క మన బిడ్డని మనకి కాకుండా చేసిందని అఖిల్ జెస్సి మీద సీరియస్ అవుతాడు. జానకి కావాలని ఏమి చేయలేదు కదా అని గోవిందరాజులు సమర్ధిస్తాడు. కాసేపటికి జానకి ఒట్టి చేతులతో ఇంటికి వస్తుంది. కంప్లైంట్ ఇచ్చామని బాబు కనిపించలేదని అనేసరికి అఖిల్ కోపంగా అక్కడ ఉన్న ప్లేట్ నేలకేసి కొడతాడు. నీ పెద్ద కోడలు దేశ సేవ చేయడానికి తప్పితే ఇంట్లో వాళ్ళకి సేవ చేయదని అరుస్తాడు. అఖిల్, విష్ణు వెతుకుదామని వెళ్తుంటే జ్ఞానంబ వాళ్ళు కూడా వెళ్దామని అంటారు.

నా బాబు కనిపించకపోవడానికి నువ్వే కారణమని పోలీస్ స్టేషన్ లో కంప్లైంట్ ఇస్తానని అఖిల్ జానకికి వార్నింగ్ ఇస్తాడు. నువ్వు ఏమంటున్నావో తెలుస్తుందా అంటే నాకు నా బాబు ముఖ్యం బంధుత్వం కాదని అంటాడు. బాబుని వెతకమని జెస్సి ఏడుస్తూ అడుగుతుంది. నా నిర్లక్ష్యం కారణంగానే ఇలా జరిగింది తప్పు ఎవరిదీ కాదు జానకి జెస్సిని క్షమించమని అడుగుతుంది.