Jyothi Raj: అటువంటి అమ్మాయిలకూ శిక్ష పడాల్సిందే... జానీ మాస్టర్ వ్యవహారంపై లేడీ కొరియోగ్రాఫర్ షాకింగ్ కామెంట్స్

జానీ మాస్టర్ వ్యవహారంపై ఆట సందీప్ భార్య, ప్రముఖ డ్యాన్సర్ జ్యోతి షాకింగ్ కామెంట్స్ చేసింది. తప్పు చేసిన వారికి శిక్ష పడినట్లుగానే, తప్పుడు ప్రచారాలు చేసే వారిని కఠినంగా శిక్షించాలన్నది.

జానీ మాస్టర్ కేసుపై డ్యాన్సర్ జ్యోతి షాకింగ్ కామెంట్స్

Source : Jyoti Ra/Instagram

Dancer Jyothi Raj On Jani Master Case: ఉభయ తెలుగు రాష్ట్రాల్లో జానీ మాస్టర్ వ్యవహారం సంచలనం సృష్టిస్తోంది. లేడీ కొరియోగ్రాఫర్ ఆయన మీద అత్యాచారం ఆరోపణలు చేసిన నేపథ్యంలో పలు సెక్షన్ల కింద కేసులు నమోదు చేశారు. వీటిలో అత్యంత కఠినమైన ఫోక్సో కేసు కూడా ఉంది. నాన్ బెయిలబుల్ కేసులు నమోదు కావడంతో ప్రస్తుతం జానీ మాస్టర్ పరారీలో ఉన్నారు. ఆయన ఫోన్ కూడా స్విచ్ ఆఫ్ లో ఉంది. ఆయన కోసం పోలీసులు గాలిస్తున్నారు. మరోవైపు బాధితురాలు మహిళా కమిషన్ ను ఆశ్రయించడంతో జానీ మాస్టర్ కు చుట్టు ఉచ్చు గట్టిగా బిగుసుకుంటున్నది.   

జానీ మాస్టర్ వ్యవహారంపై ఆట సందీప్ భార్య కీలక వ్యాఖ్యలు

ఈ నేపథ్యంలో జానీ మాస్టర్ వ్యవహారంపై ఆట సందీప్ భార్య, ప్రముఖ డ్యాన్సర్ జ్యోతి స్పందించింది. అమ్మాయిలను వేధించిన వారికి శిక్ష పడాల్సిందేనన్నారు. అయితే, ఆరోపణల వెనుకున్న వాస్తవాలను తెలుసుకుని మాట్లాడాలని నెటిజన్లకు సూచించింది. అవాస్తవాలను ప్రచారం చేసే వారి పైనా కఠిన చర్యలు తీసుకోవాలని ఆమె డిమాండ్ చేసింది. “ఈ రోజుల్లో చాలా మంది జనాలు ఓవర్ స్మార్ట్ అయిపోతున్నారు. నేనూ చాలా రోజులుగా వీడియోలు చేస్తున్నాను. అత్యాచారం జరిగిన అమ్మాయిలకు న్యాయం జరగాలను కోరుకుంటున్నాను. ఆడ పిల్లల పట్ల తప్పుగా ప్రవర్తించే వారికి, వేధించే వారికి కచ్చితంగా శిక్ష పడాల్సిందే. చట్టం దృష్టిలో అందరూ సమానమే. ఎంత పెద్ద స్థాయిలో ఉన్నా.. అమ్మాయిలపై అఘాయిత్యాలకు పాల్పడే వారిని వదలకూడదు. కానీ, ఓవర్ స్మార్ట్ నెస్ తో తెలిసీ తెలియని సమాచారంతో ఎదుటి వారిపై బురద చల్లకూడదు. కష్టపడి నిర్మించుకున్న కెరీర్ ను నాశనం చేయకూడదు. ఆరోపణల వెనుక ఉన్న నిజా నిజాలు ఏంటి అని తెలుసుకుని మాట్లాడాలి. అలా కాకుండా అడ్డగోలుగా సోషల్ మీడియాలో రాతలు రాసి, వారి కుటుంబ సభ్యులను మానసిక వేదనకు గురి చేయకూడదు. తప్పు చేసిన వారికి శిక్ష పడినట్లుగానే అవాస్తవాలను ప్రచారం చేసే వారికీ శిక్ష పడాలి” అని వెల్లడించింది. ప్రస్తుతం ఆమె వీడియో సోషల్ మీడియాలో వైరల్ అవుతోంది.

 

 

 

 

 

View this post on Instagram

 

 

 

 

 

 

 

 

 

 

 

A post shared by Jyoti Raj (@jyothiraj_sandeep)

భార్య భర్తలూ డ్యాన్సర్లే..

యాంకర్ ఓంకార్ మొదలు పెట్టిన ‘ఆట’ డ్యాన్స్ షోతో సందీప్ బాగా పాపులర్ అయ్యాడు. తోటి డ్యాన్సర్ జ్యోతిని ప్రేమించి పెళ్లి చేసుకున్నాడు. ఇద్దరూ డ్యాన్సర్లు కావడంతో తరచుగా వీరి డ్యాన్స్ వీడియోలు సోషల్ మీడియాలో బాగా వైరల్ అవుతుంటాయి. రియల్ లైఫ్ లో భార్య భర్తలు అయిన సందీప్, జ్యోతి ‘లవ్ యు టు’ అనే సినిమాలోనూ నటించారు. ఇందులోనూ వారు భార్య భర్తలుగానే కనిపించారు.