Chinni Serial Today November 11th: చిన్ని సీరియల్: లోహి, వరుణ్ల కోసం తన ప్రేమని పణంగా పెట్టిన మ్యాడీ! తండ్రికి ఇచ్చిన మాటేంటి?
Chinni Serial Today Episode November 11th మ్యాడీకి దేవా చిన్న కోసం కండీషన్ పెట్టి వరుణ్, లోహితల్ని తీసుకెళ్లడానికి ఒప్పుకోవడంతో ఇవాళ్టి ఎపిసోడ్ ఆసక్తికరంగా మారింది.
Chinni Serial Today Episode మధు లోహిత గురించి ఆలోచిస్తూ ఉంటుంది. విషయం మ్యాడీకి చెప్పాలి అనుకుంటుంది. మధు వెళ్తుంటే లోహిత వస్తుంది. ఎక్కడికి అంత స్పీడ్గా వెళ్తున్నావ్ అని అడుగుతుంది. నీ నాటకాన్ని తెర దించడానికి వెళ్తున్నా అని మధు అంటే నా విషయంలో జోక్యం చేసుకోవద్దు అని నీకు చెప్పా కదా అని లోహిత అంటుంది. తల దించుకునేలా చేస్తే ఎవరి విషయంలో అయినా జోక్యం చేసుకుంటా అని మధు అంటుంది.
లోహిత షాక్ అయిపోతుంది. నువ్వు చెప్పిన తప్పులు చేసిన మోసాలు మ్యాడీకి చెప్పేస్తా అని మధు అంటే లోహిత వద్దు అని మధుని ఆపుతుంది. ఇంతలో మ్యాడీ రావడం చూసి లోహిత పక్కకెళ్లి దాక్కుంటుంది. మధు మ్యాడీతో నీకో ముఖ్యమైన విషయం చెప్పాలి అంటుంది. ఏ విషయం అని మ్యాడీ అంటే లోహి గురించి అని చెప్తుంది. మధు చెప్పేది మ్యాడీ పూర్తిగా వినకుండా లోహి వాళ్ల గురించి నేను చూసుకుంటా అని అనుకుంటాడు. ఇంతలో దేవా వస్తాడు. చంటి పిలవడంతో మధు టాపిక్ చెప్పకుండా మధు, మ్యాడీలు వెళ్తారు.
దేవాని చూసి అందరూ నోరెళ్లబెడతారు. మధు అందరితో మ్యాడీ వాళ్ల నాన్న గారు అని అంటుంది. మ్యాడీ పరుగున వెళ్లి దేవాని హగ్ చేసుకుంటాడు. అందరూ దేవాని పలకరిస్తారు. జాతిరత్నం లాంటి అమ్మాయిని కన్నారు. మీరు చాలా అదృష్టవంతులు.. మీలా పిల్లల్ని పెంచడం అందరికీ చేతకాదు అని అంటారు. ఇక మధుతో ఏమ్మా మీ ఇంటికి వచ్చా కదా కాఫీ ఏం లేదా అని అడుగుతారు.
మ్యాడీతో మాట్లాడమని మీ అమ్మాయి చెప్పింది అని మీ ఇంటికి వచ్చా అని చెప్పి మ్యాడీతో పర్సనల్గా మాట్లాడాలి అని అంటారు. మ్యాడీ తండ్రితో మీరు ఏం మాట్లాడుతారో నాకు తెలుసు మీరు బావని లోహిని అంగీకరిస్తేనే వస్తా అనిఅంటాడు. దేవా ఎంత చెప్పినా మ్యాడీ వినడు. దాంతో మధు మ్యాడీని పక్కకి తీసుకెళ్తుంది. మీ నాన్నతో మాట్లాడు అసలు ఆయన ఏం మాట్లాడాలి అనుకుంటున్నారో విను అని అంటుంది. నేను వెళ్లను అని మ్యాడీ అంటే పెద్దాయన నీ కోసం అంత దూరం నుంచి వస్తే నువ్వు మాట్లాడను అనడం తప్పు.. ఆయన ఏం చెప్తారో నువ్వు విను.. ఒకవేళ నిజంగా అంగీకరించకపోతే అప్పుడు నువ్వు చెప్పాలి అన్నది చెప్పేసి రా ముందు మాట్లాడు అని ఒప్పిస్తుంది.
మధు వెళ్లి అంకుల్ మ్యాడీ మీతో మాట్లాడటానికి వస్తాడు అని అంటుంది. దేవా మనసులో నువ్వు చెప్తే కానీ మ్యాడీ నాతో మాట్లాడటానికి రాడన్నమాట చెప్తా చెప్తా అని అనుకుంటాడు. ఇక మ్యాడీ,దేవా ఇద్దరూ బయటకు వెళ్లి మాట్లాడుకుంటారు. పరువు తీసిన వాళ్లని వదిలేసి రాను అంటావా అంతేనా అని దేవా అంటే వాళ్ల పెళ్లి చేసింది నేనే కాబట్టి రాను అని మ్యాడీ అంటాడు. మా బాధ నీకు పట్టదా అని దేవా అంటే మిమల్ని వదిలేసి వచ్చి నేను ఎంత బాధ పడుతున్నానో మీరు ఆలోచించారా నాన్న కడుపు నిండా నేను మనస్ఫూర్తిగా తిని ఎన్ని రోజులు అయిందో ఆలోచించారా డ్యాడీ.. ఒక్కసారి ఆ మినిస్టర్ పదవి నుంచి బయటకు వచ్చి ఆలోచించి చూడండి మీకు నేను ముఖ్యమా పరువు ముఖ్యమా అని అంటాడు.
దేవా ఒక్క మాట ఆలోచించకుండా ఈ ప్రపంచం మొత్తంలో నాకు నువ్వే ముఖ్యం. నేను నీ కోసం వరుణ్, లోహితల్ని ఒప్పుకుంటాను అనిఅంటాడు. దాంతో మ్యాడీ దేవాని హగ్ చేసుకొని థ్యాంక్స్ చెప్తాడు. ఇక దేవా రిటర్న్గా మ్యాడీకి ఒక కండీషన్ పెడతాడు. చిన్ని మనకు దొరికితే నువ్వు హ్యాపీగా ఉంటావ్,, కానీ చిన్ని దొరక్క పోతే నువ్వు డిప్రెషన్లోకి వెళ్లి పోతావ్ అది మేం తట్టుకోలేం అలా జరగకూడదు అంటే నువ్వు ఒకటి చేయాలి..
చిన్నిని వెతకడానికి నీకు నేను ఇచ్చిన గడువులో ఇంకా నెల రోజులు మాత్రమే ఉంది.. డిసెంబరు 10కి నీకు ఇచ్చిన గడువు పూర్తయిపోతుంది. డిసెంబరు 10లోపు నువ్వు చిన్నిని తీసుకొస్తే 11 నుంచి నీకు చిన్నికి సంబంధించి పెళ్లి పనులు మొదలవుతాయి.. చిన్ని దొరక్కపోతే అదే 11న నీకు శ్రేయకి పెళ్లి పనులు మొదలవుతాయి. శ్రేయని పెళ్లి చేసుకోవాలి అని మాటవ్వమంటాడు. వరుణ్ వాళ్ల కోసం నా ప్రేమని పణంగా పెడుతున్నా అని మ్యాడీ తండ్రికి మాటిస్తాడు.
దేవా వాళ్లు ఇంటికి వచ్చి మ్యాడీ నాతో వస్తున్నాడమ్మా మధు అని అంటారు. లోహిత వాళ్లు టెన్షన్ పడితే మీరు కూడా వస్తున్నారు టెన్షన్ వద్దు అని అంటారు. వరుణ్, లోహిత చాలా సంతోషపడతారు. దేవా మధుకి థ్యాంక్స్ చెప్తాడు. మధు వాళ్లని ఒకరోజు ఇంటికి భోజనానికి రమ్మని పిలుస్తారు. దీంతో ఇవాళ్టి ఎపిసోడ్ పూర్తయిపోతుంది.
టాప్ హెడ్ లైన్స్
ట్రెండింగ్ వార్తలు
