chinni serial today April 16th: చిన్ని సీరియల్: దేవా వర్సెస్ కావేరి ఆత్మ! మ్యాడీకి తెలిసిన నిజమేంటి? గడువుకి ఇంకా కొన్ని గంటలే!
chinni serial today episode April 16th మ్యాడీకి అద్దం మీద కావేరి రాతలు కనిపించడం ఎంక్వైరీ చేయడంతో కావేరి తన తల్లిని చంపలేదు అని తెలియడంతో ఇవాళ్టి ఎపిసోడ్ ఆసక్తికరంగా మారింది.
Chinni Serial Today Episode మ్యాడీకి అద్దం మీద కావేరి నిజాన్ని మాత్రమే నమ్ము.. నువ్వు నమ్ముతున్నది మాత్రం నిజం కాదు అని కనిపించేలా చేస్తుంది. మ్యాడీ అది చదివి తర్వాత చూసే సరికి లేకపోవడంతో చాలా కంగారు పడతాడు. ఫొటోల మీద పార్వతిని చంపింది కావేరి కాదు అని చూసింది గుర్తు చేసుకొని మళ్లీ ఫొటోలు చూసేసరికి అద్దం మీద కనిపించిన రాతలే ఫొటో మీద కనిపిస్తాయి.. మళ్లీ చూస్తే ఉండవు.. మ్యాడీ కంగారు పడి ఏదో తెలుసుకోమని ఎవరో నాకు చెప్పాలని ట్రై చేస్తున్నారు. అది ఎలా తెలుసుకోవాలి.. ఎవరిని అడగాలి అని అనుకుంటాడు.
మ్యాడీ ఆల్బమ్ చూసి ఆ అడ్రస్కి వెళ్తే అంతా తెలిసిపోతుందని అనుకుంటాడు. చిన్ని ఎక్కడికి వెళ్తున్నావ్ ఆల్బమ్ ఎందుకు అంటే ఇది పాడైపోయావి వెళ్లి స్టూడియోలో ఇస్తా అంటాడు. మ్యాడీలో ఏదో మార్పు వచ్చిందని చిన్ని అనుకుంటుంది. దేవా కావేరి గురించి ఆలోచిస్తూ నువ్వు చచ్చిన తర్వాత దెయ్యం అయ్యావేమో.. నేను బతికుండగానే దెయ్యాన్ని నాతో పెట్టుకోవద్దు అని అనుకుంటాడు. నాగవల్లి వచ్చి ఏం ఆలోచిస్తున్నావ్ అంటే సాయంత్రం ఆరు అవ్వగానే ఆ చిన్ని టైం పూర్తయిపోతుంది. ఆది మన ఇళ్లు దాటగానే దాన్ని వాళ్ల అమ్మ దగ్గరకి పంపాలి.. ఈ రోజుతో ఈ ఇంటికి పట్టిన దెయ్యం వదులుతుందని దేవా అంటాడు. నాగవల్లి వెళ్లిపోయిన తర్వాత వదులుతుంది.. ఈ ఇంటికి పట్టిన దెయ్యం వదులుతుందని దేవా అంటే వదలదు.. నువ్వు చేసిన తప్పులు ఒప్పుకునే వరకు.. నా కూతుర్ని నీ ఇంటి కోడలిగా ఒప్పుకునే వరకు నేను నిన్ను వదలను అని కావేరి ఆత్మ అంటుంది. ఏయ్ ఇలా కనపడకుండా వినపడటం కాదే.. నీకు దమ్ముంటే నా ముందుకి వచ్చి కనపడు కాల్చి చంపేస్తా అని దేవా గన్ తీసి మొత్తం వెతుకుతాడు. ఎటు వైపు గాలి వస్తే అటు వెళ్లి రావే దమ్మ ఉంటే నువ్వో నేనో తేల్చుకుందాం రావే అని అరుస్తాడు.
మ్యాడీ ఆల్బమ్ తీసుకొని స్టూడియోకి వెళ్తాడు. ఓ పెద్దాయన అక్కడ ఉంటే అతనికి ఆల్బమ్ చూపించి వీళ్ల గురించి మీకు తెలుసా అంటే బాగా తెలుసు బాబు.. అప్పట్లో దేవేంద్ర వర్మ గారి ఇంట్లో ఏ ఫంక్షన్ జరిగినా నేనే ఫొటోలు తీసేవాడిని అని అంటాడు. కావేరి, పార్వతిని చూపించి వాళ్లిద్దరూ ఎప్పుడు పడితే అప్పుడు ఫొటోలు తీసుకునే వాళ్లు.. వాళ్లకి ఫొటోలు కంటే ఒకరికి ఒకరు చాలా ఇష్టం.. ఏ కారణం చేత అయినా దూరం అయితే ఈ ఫొటోలు ఉంటాయని చాలా ఫొటోలు దిగేవాళ్లు.. వాళ్ల మధ్య స్నేహ బంధం కంటే అంత కంటే గొప్ప బంధం ఏదో ఉంది.. అందుకే ఒకరంటే ఒకరు ప్రాణంగా ఉండేవారు అని ఫొటో స్టూడియో అతను అంటాడు. అంత ప్రాణంగా ఉంటే కావేరి పార్వతి గారి ప్రాణాలు ఎందుకు తీసింది అని మ్యాడీ అడుగుతాడు. దానికి పెద్దాయన ఛా ఛా అలా ఏం జరగలేదు బాబు.. ఈ కావేరి మేడం పార్వతి మేడంని చంపలేదు అని అనగానే మ్యాడీ షాక్ అయిపోతాడు.
ఎవరో హత్య చేసి ఆ నేరాన్ని కావేరి మీద వేశారు.. సాక్ష్యాధారాల ప్రకారం పాపం కావేరికి శిక్ష పడింది అని అతను చెప్తాడు. నిజనిజాలు నాకు ఎలా తెలుస్తాయి అని మ్యాడీ అంటే కావేరి మేడం భర్తని అడిగినా పార్వతి మేడం భర్తని అడిగినా నిజనిజాలు తెలుస్తాయి అయినా నువ్వు ఎవరు బాబు ఎప్పుడో అయినదాన్ని ఇప్పుడు అడుగుతున్నావ్ అని అతను అడిగితే ఇద్దరికీ బాగా కావాల్సిన వాడిని అని మ్యాడీ అంటాడు. ఈరోజుతో గడువు పూర్తయిపోతుందని చిన్నిని ఎప్పుడెప్పుడు పంపేస్తామా అని శ్రేయ, లోహితలు చాలా సంబరపడిపోతారు. ఇంతలో కావేరి ఫొటో కర్టెన్లు ఊగడం చూసి ఇప్పుడు విశ్వరూపం సీన్ ఉందేమో అని అనుకుంటారు. ఈ ఒక్క రోజే కదా ఉంటే ఉన్ని.. ఆ చిన్ని వెళ్లిపోతుంది కదా అని లోహిత అంటే లోహితకు కావేరి మాటలు వినిపిస్తాయి. దాంతో దెయ్యం దెయ్యం అంటుంది. అప్పుడే వచ్చిన నాగవల్లి ఏంటే నన్ను దెయ్యం అంటున్నావ్ అంటే మిమల్ని కాదు ఆంటీ అంటుంది.
ఎవరితో మాట్లాడుతున్నావే నువ్వు అని నాగవల్లి అడుగుతుంది. ఇంతలో లోహితలోకి కావేరి ఆత్మ వస్తుంది. నాగవల్లి మీద లోహిత అరుస్తుంది. దాంతో నాగవల్లి లోహితతో ఎక్కువ మాట్లాడితే ముఖం పగలగొడతా అని అంటుంది. లోహిత మీద ఉన్న కావేరి ఆత్మ ఏంటే నా కోడలి ముఖం పగలగొడతావా నువ్వు నా కోడలి ముఖం పగలగొడితే నేను నీ ముఖం పగలగొడతా అని లోహితలోని కావేరి ఆత్మ అంటే నాగవల్లి లాగిపెట్టి కొడుతుంది. దాంతో లోహిత మీద ఉన్న ఆత్మ వెళ్లిపోతుంది. నన్ను ఎందుకు కొట్టారు అని లోహిత అంటే నువ్వు నాకు కోడలు ఏంటే అని అంటుంది నాగవల్లి. దాంతో లోహిత మనసులో కోడలు అంది అంటే నా మీదకు కావేరి అత్త ఆత్మ వచ్చిందన్న మాట అని అనుకుంటుంది. ఇక లోహిత మీదకు దెయ్యం వచ్చిందని నాగవల్లికి అర్థమై లోహితకు జాగ్రత్త అని చెప్తుంది.
లోహిత, శ్రేయ మాట్లాడుకుంటూ ఉంటే దెయ్యం ఎఫెక్ట్ మొదలవుతుంది. దాంతో ఇద్దరూ విశ్వరూపం ఎఫెక్ట్ మొదలైనట్లు ఉంది పారిపోదాం అనుకుంటే కుర్చీలకు అతుక్కుపోతారు. ఇద్దరూ కుర్చీలతో నడిస్తే వరుణ్ చూసి ఏమైందని అలా కుర్చీలతో నడుస్తున్నారు అని అడుగుతాడు. వరుణ్ భార్య, చెల్లిని కుర్చీల నుంచి లాగాలని ప్రయత్నిస్తాడు. చాలా సేపు తర్వాత ఇద్దరూ వస్తారు. ఇద్దరూ కుయ్యోమొర్రో అనుకుంటారు. చిన్ని వెళ్లిపోయిన వరకు మనకు ఈ తిప్పలు తప్పవు అనుకుంటారు. చిన్ని తల్లి ఫొటో దగ్గర ఏడుస్తూ అమ్మా గడువు ఈరోజుతో పూర్తయింది. కానీ ఏ సాక్ష్యాలు లేవు అని ఏడుస్తుంది. దీంతో ఇవాళ్టి ఎపిసోడ్ పూర్తయిపోతుంది.
టాప్ హెడ్ లైన్స్
ట్రెండింగ్ వార్తలు
