Chinni Serial Today September 1st: చిన్ని సీరియల్: శివ వల్లి మనిషా? మధుని అమ్మేస్తాడా? మ్యాడీనే మహి అని తెలుసుకున్న లోహిత.. ఇద్దరికీ కలవకుండా ఆపుతుందా!
Chinni Serial Today Episode Sep 1st మధు చిన్ని అని తెలిసిన లోహితకు ఇప్పుడు మ్యాడీనే మహి అని మహి చిన్నిని ప్రేమిస్తున్నాడని చిన్ని కోసం వెతుకుతున్నాడని తెలియడంతో ఇవాళ్టి ఎపిసోడ్ ఆసక్తికరంగా మారింది.
Chinni Serial Today Episode మ్యాడీ చిన్ని వేసిన సీతాకోక చిలుక పేపర్లో యాడ్ ఇచ్చి చిన్ని జాడ తెలుస్తుందేమో అని ట్రై చేస్తాడు. చాలా మంది ఫోన్లు చేస్తుంటారు. ఇక పేపర్ ఎగిరిపోతే లోహిత చూస్తుంది. మ్యాడీ ఫ్రెండ్ కల్యాణ్ లోహితకు విషయం చెప్తాడు. ఇంతలో మహి వస్తే విషయం ఏంటి అని లోహిత అడిగితే అది పదేళ్ల క్రితం స్టోరీ అని చెప్తాడు. ఆ స్టోరీ ఇప్పుడు ఎందుకు అని శ్రేయ అనేస్తుంది.
లోహిత మనసులో ఆ పెయింట్ ఎక్కడో చూశానని అనుకుంటుంది. ఇంతలో మధుని తనకు కాబోయే భర్త శివ తీసుకొస్తాడు. మధు తనకు కాబోయే భర్తని అందరికీ పరిచయం చేస్తుంది. మహి చాలా ఫీలవుతాడు. శుభలేఖలు ఇస్తారు. అతను వెళ్లిపోయిన తర్వాత మ్యాడీ మధుతో ఏంటి మధు సడెన్గా ఈ పెళ్లి 3 రోజుల్లో పెళ్లి ఏంటి మీ అమ్మానాన్న బలవంతం చేశారు కదా అని అడుగుతాడు. అలా ఏం లేదు వాళ్లని బాధ పెట్టడం ఇష్టం లేదని మధు అంటుంది. మహికి చాలా ఫోన్ కాల్స్ వస్తుంటాయి. ఎంత ఆశగా ఫోన్ లిఫ్ట్ చేస్తాడు కానీ అందరూ చిన్ని కాదని తెలిసి చాలా బాధ పడతాడు. ఎక్కడున్నావ్ చిన్ని.. ఎలా ఉన్నావ్ చిన్ని.. ఎప్పుడు కలుస్తావ్ అని మహి చాలా బాధ పడతాడు. అసలు ఈ పేపర్ చిన్ని చూసిందో లేదో అసలు చిన్ని వరకు ఈ న్యూస్ వెళ్తుందా అని అడిగితే కచ్చితంగా వెళ్తుంది నీ ప్రేమ గెలుస్తుంది అని కల్యాణ్ అంటాడు.
లోహిత డల్గా ఉన్న శ్రేయ దగ్గరకు వెళ్లి 3 రోజుల్లో మధు పెళ్లి అయిపోతుంది ఇక మీ బావతో రావడం కలిసి తినడం ఇలాంటి సీన్స్ ఉండవు హ్యాపీగా డాన్స్ చేద్దాం అని అంటుంది. పాటలు పెట్టి గెంతులేస్తుంది. దానికి శ్రేయ ఇలాంటి సీన్స్ లేకపోయినా 10 ఇయర్స్ స్టోరీ ఒకటి ఉంది కదా అని అంటుంది. అదేంటి అని లోహిత అడుగుతుంది. దానికి శ్రేయ మా బావ యాడ్ ఇచ్చాడు కదా ఆ పెయింటింగ్ అది ఎవరి గురించి అనుకున్నావ్ మా బావ చిన్నప్పటి ఫ్రెండ్. ఫ్రెండ్ కోసమే అమెరికా నుంచి వచ్చాడుఅని అంటుంది. ఎవరు ఆ ఫ్రెండ్ అని లోహిత అడిగితే చిన్ని అని శ్రేయ స్టోరీ మొత్తం చెప్తుంది. లోహితకు మ్యాడీనే మహి అని తెలిసి బిత్తరపోతుంది. మా బావ దాన్నే ప్రేమిస్తున్నాడు అంట.. దాన్నే పెళ్లి చేసుకుంటాడు అంట.. ఆ విషయంలో ఇప్పుడు మా ఇంట్లో గొడవ జరుగుతుంది అని చెప్తుంది.
లోహిత మనసులో ఏంటి ఈ మధు చిన్ని కావడం ఏంటి.. మ్యాడీ మహి ఏంటి.. మహి చిన్నిని పెళ్లి చేసుకోవాలని అనుకోవడం ఏంటి.. ఎప్పటికీ మ్యాడీకి మధునే చిన్ని అని తెలియకుండా చూసుకోవాలి అని అనుకుంటుంది. ఇక శివ తన ఫ్రెండ్స్తో తన అకౌంట్లో కోటి దొరుకుతుందని ఈ పెళ్లి చేసుకుంటే ఓ మేడం కోటి ఇస్తారని చెప్తాడు. శివ అసలు పేరు ఆదిత్య. ఆదిత్యతో నాగవల్లి మాట్లాడుతుంది. మధుని పెళ్లి చేసుకొని ఊరు దాటే వరకు చాలా జాగ్రత్తగా ఉండాలని ఈ విషయం ఎక్కడా తెలియకూడదు. మూడు రోజుల తర్వాత ఆ మధు ముఖం నాకు కనిపించకూడదు. పొరపాటున ఏదైనా జరిగితే నా పేరు బయటకు రాకూడదు వస్తే నువ్వు పైకి పోతావ్ అని అంటుంది. ఆదిత్య సరే అంటాడు. శివ అలియాస్ ఆదిత్య మధుని పెళ్లి చేసుకొని అమ్మేయాలి అనుకుంటాడు.
మధు బాధగా కూర్చొంటుంది. మ్యాడీ మధు దగ్గరకు వెళ్లి ఈ పెళ్లి చేసుకోవడం నీకు నిజంగా ఇష్టమేనా అని అడుగుతాడు. మధు మనసులో నాకు ఇష్టం లేదు మ్యాడీ కానీ నేను ఇష్టపడింది నిన్నే అది నీతో చెప్పలేను అని అనుకుంటుంది. పైకి మాత్రం మధు పెళ్లి ఇష్టమే అని అంటుంది. దానికి మహి నువ్వు చాలా బ్రిలియంట్ స్టూడెంట్వి పెద్ద పెద్ద కంపెనీలు నీకు ఉద్యోగం ఇస్తాయి. ఎందుకు ఇలా పెళ్లి చేసుకుంటున్నావ్ అంటే నాకు ఇష్ట ప్రకారమే పెళ్లి చేసుకుంటున్నా అని మధు అంటే అయితే ఓకే నీకు ఇష్టం లేకుండా పెళ్లి చేసుకుంటున్నా అని అనుకున్నా ఇప్పుడు ఓకే అని లోహిత వాళ్లతో మధు పెళ్లికి మనం హెల్ప్ చేయాలి అంటాడు. అందరం పెళ్లి సందడి చేయాలని అంటాడు.
లోహిత మహితో పేపర్లో యాడ్ ఇచ్చావ్ కదా ఆ అమ్మాయి అంటే నీకు అంత ఇష్టమా అని అడుగుతుంది. ఇష్టం కాదు తానే నా ప్రాణం అని అంటాడు. చిన్ని కనిపిస్తే ఏం చేస్తావ్ అని లోహిత అడిగితే మహి ఆనందంగా తనని ఎత్తుకెళ్లి మా అమ్మానాన్నల ముందు పెట్టి తనే మీ కోడలు అని చెప్తా.. వెంటనే పెళ్లి చేసుకుంటా అని అంటాడు. మధు పెళ్లి జరిగేలోపు మ్యాడీకి విషయం తెలిస్తే మధుని ఆ ఇంటి కోడల్ని చేస్తాడు. అలా ఎప్పటికీ జరగనివ్వను అని లోహిత అనుకుంటుంది. దీంతో ఇవాళ్టి ఎపిసోడ్ పూర్తయిపోతుంది.
టాప్ హెడ్ లైన్స్
ట్రెండింగ్ వార్తలు
