Brahmamudi Serial Today December 11th: ‘బ్రహ్మముడి’ సీరియల్: తండ్రి చావు కోసం ఎదురుచూస్తున్న రుద్రాణి - రుద్రాణి చెంప పగులగొట్టిన ఇందిరాదేవి
Brahmamudi Today Episode: నాన్న వచ్చాక ఆస్తుల గురించి మాట్లాడదామన్న సుభాష్తో ఆయన ఎప్పటికీ తిరిగిరాకపోతే అని రుద్రాణి అనడంతో ఇవాళ్టీ ఏపిసోడ్ చాలా ఆసక్తిగా జరిగింది.
Brahmamudi Serial Today Episode: రుద్రాణి, రాహుల్ చెక్ గురించి చెప్పగానే ధాన్యలక్ష్మీ ఆలోచనలో పడిపోతుంది. ఈ పరిస్థితుల్లో డబ్బులు అడిగితే బాగుంటుందా..? అంటూ ప్రశ్నించడంతో రాహుల్, రుద్రాణి తమ మాటలతో ధాన్యలక్ష్మీని రెచ్చగొడతారు. నువ్వు ఈ రెండు కోట్లు ఇప్పిస్తేనే ఆస్థిని ముక్కలు చేసి నీ కొడుకుకు న్యాయం చేస్తావని అనుకుంటాను అంటుంది రుద్రాణి. దీంతో నేను అనుకుంటే ఏం చేస్తానో ఇవాళ నీకే కాదు ఇంట్లో వాళ్లకు కూడా తెలుస్తుంది అంటూ చెక్ తీసుకుని వెళ్తుంది. హాల్లో రాజ్, సుభాష్, ప్రకాష్ ఏదో ఆఫీసు పని చూసుకుంటుంటే.. ధాన్యలక్ష్మీ వెళ్లి చెక్ చూపిస్తుంది.
ప్రకాష్ : ఏంటది..
ధాన్యలక్ష్మీ: మీకు తెలియదా..? ఇది చెక్ రాజ్ సంతకం కావాలని ఇక్కడ పెట్టాను.
ప్రకాష్: అవునా అయితే ఇప్పుడు డబ్బులతో నీకేం పని.
ధాన్యలక్ష్మీ: నాకు కాదు రాహుల్కు కావాలంట బిజినెస్ చేసుకుంటాడట
ప్రకాష్: ఆ తల్లీకొడుకులకు గడ్డి పెట్టి పంపించాం కదా..? నిన్ను మేసి రమ్మని పంపారా..?
సుభాష్: అసమర్థులను మేపి పోషించాల్సిన అవసరం మాకు లేదమ్మా.. వాళ్లను ఇంట్లో పెట్టుకుని తిండి పెట్టడమే ఎక్కువ పైగా రెండు కోట్లు అడుగుతున్నాడు. ఆ నోట్లు తీసి తల్లి లెక్కపెట్టేలోగానే కొడుకు మాయం చేస్తాడు.
ప్రకాష్: చాలా మంచి మాట చెప్పావు అన్నయ్యా
రుద్రాణి: ఒకసారి అవకాశం ఇస్తేనే కదా..? తెలుస్తుంది. చూశావా ధాన్యలక్ష్మీ నీ మాటకు నా మాటకు పెద్దగా తేడా లేదు.. నువ్వు ఉరి వేసుకుంటానన్నా ఎవ్వరికీ పట్టదు.
ధాన్యలక్ష్మీ: రాజ్ నువ్వు అనామిక వాళ్ల నాన్నకు రెండు కోట్లు ఇచ్చావు. ఇప్పుడు నేను చెప్తున్నాను రెండు కోట్లు ఇవ్వు
రాజ్: అవి కళ్యాణ్ పెళ్లి ఆగిపోకూడదని ఇచ్చాను. ఇప్పుడు కూడా నువ్వు నీ కోసమో లేక కళ్యాణ్ కోసమో అడిగి ఉంటే ఎవ్వరూ కాదనరు. కానీ నువ్వు అపాత్ర దానం చేస్తానంటున్నావు అందుకే ఇవ్వడం లేదు పిన్ని
ధాన్యలక్ష్మీ: అయితే నా వాటా ఆస్తి నాకు పంచండి
సుభాష్: తిరిగి తిరిగి అక్కడికే వస్తావేంటమ్మా… ఆ గొడవ వల్లే కదా మా నాన్న హాస్పిటల్ పాలయింది. ఆయన తిరిగి రాని వచ్చాక ఆయన ఏ నిర్ణయం తీసుకుంటారో చూద్దాం.
రుద్రాణి: బాగానే చెప్పావు అన్నయ్య కానీ నాన్న తిరిగి రాకపోతే
అని రుద్రాణి మాట్లాడగానే లోపలి నుంచి కోపంగా వచ్చిన ఇందిరాదేవి, రుద్రాణి చెంప పగులగొడుతుంది. నేను తలుచుకుంటే నిన్ను కట్టుబట్టలతో రోడ్డు మీద నిలబెడతాను అంటుంది. అందరూ రుద్రాణిని తిడుతారు. నీకు మా కుటుంబానికి ఏ సంబంధం లేదు. నువ్వు దిక్కున్న చోట చెప్పుకో అంటారు. దిక్కున్న చోట చెప్పుకోవడానికి నేనేం పిరికి దాన్ని కాదు. ఇప్పుడు నేను కూడా అడుగుతున్నాను ఆస్థి పంచాల్సిందే..అని రుద్రాణి చెప్పగానే
ధాన్యలక్ష్మీ: రాజ్కు పట్టం కట్టి నా కొడుకుకు అన్యాయం చేయాలని చూస్తున్నారు. నా మొగుడిని అమాయకుడిని చేసి ఆడుకుంటున్నారు. నేను కూడా ఆస్థి కోసం ఎంతదాకా అయినా వెళ్తాను. కోర్టుకు వెళ్తాను. మీడియాకు ఎక్కుతాను
రుద్రాణి: శభాష్ ధాన్యలక్ష్మీ నీకు నేనున్నాను. నువ్వు ఆస్థి కోసం ఏదైనా చేయాలనుకుంటే చేయ్ నీకు నేనున్నాను
ప్రకాష్: మీరు ఎంత దూరం అయినా వెళితే ముందు పచ్చని కాపురంలో చిచ్చు పెట్టినందుకు నిన్ను నా మాట విననందుకు నా పెళ్లాన్ని జైలుకు పంపిస్తాను.
అనడంతో ధాన్యలక్ష్మీ కోపంగా ప్రకాష్ను తిడుతుంది. ఇద్దరి మధ్య గొడవ జరుగుతుంది. అంతా ఓపిగ్గా గమనిస్తున్న సుభాష్ కోపంగా ఆపండి అంటూ గట్టిగా అరుస్తాడు. మీకు కావాల్సింది ఆస్థులే కదా..? రేపే లాయరును పిలిపించి మొత్తం వాటాలు పంచేస్తాను అని వెళ్లిపోతాడు. రుద్రాణి, ధాన్యలక్ష్మీ హ్యాపీగా ఫీలవుతారు. తర్వాత సుభాష్ దగ్గరకు వెళ్లిన కావ్య మీ నిర్ణయం మార్చుకోండి మామయ్య అని చెప్తుంది. సుభాష్ మాత్రం నా నిర్ణయం మారదు అని చెప్తాడు. తర్వాత రాజ్ను కూడా ఇల్లు ముక్కలవుతుంటే మీరు పట్టించుకోరా అని నిలదీస్తుంది కావ్య. అవేమీ నాకు అవసరం లేదని చెప్తాడు రాజ్. ఇంతటితో ఇవాళ్టీ ఎపిసోడ్ అయిపోతుంది.
ALSO READ: మీరు కోటీశ్వరులు అయ్యే ముందు ఇలాంటి కలలే వస్తాయట!
Before You Go
Bindu Madhavi Reacts to Uppal Balu Controversy | ఉప్పల్ బాలు vs బిందు మాధవి
టాప్ హెడ్ లైన్స్
ట్రెండింగ్ వార్తలు
