Bigg Boss 6 Telugu: ఇనయాతో శ్రీహాన్ రొమాన్స్, శ్రీసత్యకు ఊహించని షాక్ - టాస్క్ ఇలా కూడా ఆడొచ్చా?

మరికొన్ని రోజుల్లో బిగ్ బాస్ సీజన్ 6 ముగియనుంది. ఫైనల్ కి వెళ్లేందుకు ఇంటి సభ్యులు గట్టి పోటీ ఇస్తున్నారు.

Image Credit: Disney Plus Hotstar/ Star Maa

బిగ్ బాస్ సీజన్ 6 చివరి దశకి చేరుకుంది. గత సీజన్లలో మాదిరిగానే ఈసారి కూడా ఫైనల్ కి వెళ్ళే సభ్యుల కోసం 'టికెట్ టు ఫినాలే' టాస్క్ తీసుకొచ్చారు. ఇందులో గెలిచిన వాళ్ళు ఎలిమినేట్ అవకుండా నేరుగా ఫైనల్ కు చేరుకుంటారు. ఈ టాస్క్ గెలిచినవారు బిగ్ బాస్ 6 విన్నర్ గా నిలిచేందుకు ఫైనల్ కి చేరుకునే మొదటి వ్యక్తిగా గౌరవం పొందుతారు. దీంతో హౌస్‌మేట్స్ అంతా ఆ స్థానం కోసం గట్టిగానే పోటీపడ్డారు. 

తాజా ప్రోమో ప్రకారం శ్రీహాన్.. శ్రీసత్య ఎదుటే ఇనయాతో తెగ రొమాన్స్ చేశాడు. వాళ్ళిద్దరినీ అలా చూసిన శ్రీసత్య.. శ్రీహాన్ కి బాగానే కౌంటర్లు వేసింది. రేవంత్, ఫైమా అయితే వాళ్ళిద్దరినీ ఇమిటేట్ చేసి నవ్వులు పూయించారు. మొదట కాసేపు శ్రీసత్య సంచాలక్ రేవంత్ మధ్య వాదన జరిగినా తర్వాత అంతా సరదాగా నవ్వుకున్నారు. పోటీలో ఉన్న సభ్యులందరూ ఇతర ఇంటి సభ్యుల స్నో మెన్ మీద దాడి చేసి పార్ట్స్ తీసుకుని వాళ్ళ స్నో మెన్ కట్టుకోవచ్చని బిగ్ బాస్ చెప్పాడు. సత్య.. స్నో మెన్ పార్ట్స్ తీసుకోవచ్చా అని కీర్తి సంచాలక్ ని అడుగుతుంది. ఎవరు కావాలంటే వాళ్ళు తీసుకోవచ్చని సత్య అంటే అది విరిగిపోయింది కదా అని రేవంత్ అన్నాడు. ఆ మాటకి అది సంచాలక్ గా నువ్వు పెట్టుకున్న రూల్, బిగ్ బాస్ పెట్టింది కాదని గట్టిగా చెప్పింది.

బజర్ మోగగానే ఇనయా శ్రీహాన్ స్నో మెన్ దగ్గరకి వెళ్ళి దాని చెయ్యి తీసుకునేందుకు ట్రై చేసింది. కానీ శ్రీహాన్ ఇనయాని కౌగలించుకుని మరీ అడ్డుకుంటాడు. అది చూసి శ్రీసత్య షాక్ అవుతూ మీరిద్దరూ ఏం చేస్తున్నారని.. నవ్వుతూ అడుగుతుంది. ఇంట్లో వాళ్ళు కూడా అది చూసి నవ్వుతూ కనిపించారు. తర్వాత ఇనయా దగ్గరకి వెళ్ళి సత్య మీరిద్దరూ ఏం చేశారని అడుగుతుంది. ఎటాక్ చేశానని ఇనయా అంటుంటే.. అది ఎటాక్ లాగా లేదు.. కావాలంటే టెలికాస్ట్ లో చూసుకోండి అని నవ్వుతూ చెప్పింది. మీకు అలా అనిపిస్తే ఏమి చేయలేమని శ్రీహాన్ అంటుంటే సత్య నవ్వుతూ వెళ్ళి ఇద్దరూ హ్యపీనే కదా.. అని అనేసరికి సిగ్గుపడుతూ అది ఎటాక్ అని కవర్ చేసుకున్నాడు.

రేవంత్, ఫైమా, సత్య కలిసి శ్రీహాన్, ఇనయా ఎలా చేశారో చేసి చూపించారు. తర్వాత శ్రీహాన్ వెళ్ళి ఇనయాని పట్టుకోగానే షాక్ కొట్టినట్టు రియాక్షన్ ఇచ్చాడు. అది చూసి సత్య పగలబడి నవ్వుతుంది. “నిన్న ఐటెం డాన్సర్ అన్నాడు.. ఇప్పుడు మిత్రవింద అంటున్నాడు” అని శ్రీహాన్ ని సత్య ఇనయా దగ్గర ఇరికించేసింది. ఐటెం డాన్సర్ ఈ అమ్మాయే.. అని శ్రీహాన్ సత్యని చూపించి అనడంతో ఇనయా నవ్వేసింది. అలా ఈ ప్రోమో అంతా నవ్వులు పువ్వులు పూయించారు.