Sonu Sood: కూరగాయల బండితో ప్రత్యక్షమైన సోనుసూద్.. ప్లీజ్ బేరాలొద్దు!

సోనుసూద్ మరో మంచి పనిచేశారు. అయితే, ఈ సారి నోటి మాటతో చిన్న వ్యాపారాలకు మేలు చేసే పనిచేశారు.

సోనుసూద్

రియల్ హీరో సోనుసూద్.. ఈసారి కూరగాయల బండితో ప్రత్యక్షమయ్యారు. అదేంటీ.. ఎవరికైనా సాయం చేడానికి ఆయన కూరగాయలు అమ్ముతున్నారా? అనేగా మీ సందేహం? కానే కాదు. కానీ, అలాంటిదే. ఇది కూడా ఒకరకంగా సాయం చేయడమే. సామాన్యులకు కష్టం వస్తే.. నేనున్నా అని అభయ హస్తం ఇచ్చే సోనుసోద్.. తన వద్దకు వచ్చేవారికే కాదు.. తనకు కంటికి కనిపించే పేదలకు కూడా అడగకుండా సాయం చేస్తున్నారు. రోజూ తన ఇంటి ముందు నుంచి కూరగాయలను అమ్ముకుంటూ వెళ్లే సబ్జీవాలాను చూసి సోనుసూద్ మనసు కరిగింది. నిత్యం తాజా కూరగాయాలను వీధి వీధికి విక్రయిస్తున్న ఆ యువకులు సోనుకు బాగా నచ్చేశారు. దీంతో వారి బండిని ఆపి కాసేపు కబుర్లు చెప్పారు. 

బండిలో ఉన్న కూరగాయలు, వాటి ధరలు గురించి సోనుసూద్ తెలుసుకున్నారు. వారు పడుతున్న కష్టం గురించి తెలుసుకుని చలించిపోయారు. వారిద్దరు తన తల్లిదండ్రులను పోషించడం కోసం కూరగాయల బండిని నడుపుతున్నామని చెప్పడంతో సోనుకు మరింత నచ్చేశారు. ఈ సందర్భంగా ఆయన మాట్లాడుతూ.. ‘‘వీళ్లు నిత్యం తాజా కూరగాయలను ఎక్కడో మార్కెట్లో కొనుగోలు చేసి వీధుల్లోకి తీసుకొచ్చి అమ్ముతుంటారు. వారి కష్టాన్ని గౌరవించి.. దయచేసి వారితో బేరాలు ఆడవద్దు’’ అని సోను కోరారు. ఇలా బండి మీద కూరగాయలు అమ్మేవారి వద్ద కొనుగోలు చేస్తే చిన్న వ్యాపారులకు సాయం చేసినట్లు ఉంటుందని సోను అన్నారు. ఈ వీడియోను ఆయన తన ట్విట్టర్ అకౌంట్లో పోస్ట్ చేసి మరీ అభిమానులను రిక్వెస్టు చేశారు సోను. ‘‘తాజా కూరగాయలను ఉచితంగా డోర్ డేలివరీ చేసేందుకు నాకు ఆర్డర్ చేయండి’’ అని ట్విట్‌లో పేర్కొన్నారు. సోను సూద్ ట్వీట్‌ను ఇక్కడ చూసేయండి.

Order me for a free home delivery of fresh vegetables.
Eat healthy Live healthy 🌶 🌽 🍅 #supportsmallbusiness pic.twitter.com/XVdI28T13g

— sonu sood (@SonuSood) November 6, 2021