Satya Dev Bollywood Debut: బాలీవుడ్లోకి సత్యదేవ్ ఎంట్రీ.. అధికారికంగా ప్రకటించిన హిందీ స్టార్ హీరో!
ప్రముఖ టాలీవుడ్ హీరో సత్యదేవ్ బాలీవుడ్లోకి ఎంట్రీ ఇస్తున్నాడు. అక్షయ్ కుమార్ హీరోగా నటిస్తున్న రామ్ సేతు సినిమాలో సత్యదేవ్ నటిస్తున్నాడు.
టాలీవుడ్ హీరో సత్యదేవ్ బాలీవుడ్ ఎంట్రీ ఇస్తున్నాడు. అక్షయ్ కుమార్, జాక్వెలైన్ ఫెర్నాండెజ్ జంటగా అభిషేక్ శర్మ దర్శకత్వంలో రూపొందుతున్న ‘రామ్ సేతు’ చిత్రంలో సత్యదేవ్ కూడా కీలక పాత్ర పోషిస్తున్నాడు. ఈ విషయాన్ని బాలీవుడ్ హీరో అక్షయ్ కుమార్ అధికారికంగా తన ట్వీటర్ ఖాతా ద్వారా ప్రకటించారు. అక్షయ్ కుమార్, జాక్వెలైన్ ఫెర్నాండెజ్, సత్యదేవ్.. ముగ్గురూ ఉన్న ఫొటోను అక్షయ్ షేర్ చేశారు. రామ్ సేతు సినిమాకు సంబంధించి ఊటీ షెడ్యూల్ పూర్తి అయిందని తెలిపారు.
In the photo - or in life - there’s always that beautiful streak of light above dark clouds. Wrapped the Ooty schedule of #RamSetu. Hope the divine light always guides us through thick and thin. 🙏🏻@Asli_Jacqueline @ActorSatyaDev pic.twitter.com/L6vWn2H7bB
— Akshay Kumar (@akshaykumar) October 22, 2021
రామ్ సేతు సినిమా 2022 అక్టోబర్ 24వ తేదీన విడుదల కానుంది. అజయ్-అతుల్ ద్వయం ఈ సినిమాకు సంగీతం అందిస్తున్నారు. కేప్ ఆఫ్ గుడ్ ఫిల్మ్స్, అబుండాంటియా ఎంటర్టైన్మెంట్, అమెజాన్ ప్రైమ్ వీడియో, లైకా ప్రొడక్షన్స్ సంయుక్తంగా ఈ సినిమాను నిర్వహిస్తున్నాయి. ఈ సినిమాలో రామ్ అనే పాత్రలో అక్షయ్ కుమార్, సీత అనే పాత్రలో జాక్వెలైన్ ఫెర్నాండెజ్, లక్ష్మణ్ అనే పాత్రలో సత్యదేవ్, ఊర్మిళ అనే పాత్రలో నుస్రత్ బహుచా నటించనున్నారని వార్తలు వస్తున్నాయి. అయితే ఈ సినిమా రామాయణం ఆధారంగా రూపొందుతుందా.. లేదా మరేదైనా కల్పిత కథా అనేది తెలియరాలేదు.
ఇక అక్షయ్ కుమార్ చేతిలో ప్రస్తుతం ఎన్నో సినిమాలు ఉన్నాయి. సూర్యవంశీ, అత్రంగి రే, పృథ్వీరాజ్, బచ్చన్ పాండే, రక్షా బంధన్, మిషన్ సిండ్రెల్లా సినిమాలు షూటింగ్ పూర్తి చేసుకున్నాయి. రామ్ సేతు, ఓఎంజీ 2 సినిమాలకు సంబంధించిన షూటింగ్ జరుగుతోంది. సూర్యవంశీ సినిమా నవంబర్ 4వ తేదీన విడుదల కానుంది. కరోనా కాలంలో రెండు సినిమాలు విడుదల చేస్తున్న ఏకైక బాలీవుడ్ బడా స్టార్ అక్షయ్ కుమారే. బెల్ బాటం ఇప్పటికే విడుదలైంది. థియేటర్లలో ఈ సినిమాకు అంత రెవిన్యూ రాకపోయినా.. ఓటీటీలో మాత్రం సూపర్ సక్సెస్ అయింది. ఇప్పుడు సూర్యవంశీ దీపావళికి విడుదల కానుంది. ఈ సినిమాకు వచ్చే రెస్పాన్స్ కోసం ఎన్నో పాన్ ఇండియా సినిమాలు ఎదురు చూస్తున్నాయి.
సత్యదేవ్ ఇటీవలే తిమ్మరుసుతో హిట్ కొట్టాడు. గుర్తుందా శీతాకాలం, గాడ్సే, రామ్ సేతు, స్కైలాబ్ సినిమాలు షూటింగ్ దశలో ఉన్నాయి. వీటిలో గుర్తుందా శీతాకాలం, గాడ్సే, స్కైలాబ్ ఈ సంవత్సరమే విడుదలయ్యే అవకాశం ఉంది. సత్యరాజ్ గతంలో నవాబ్ సినిమాలో శింబుకు, సాహోలో నీల్ నితిన్ ముకేష్కు. ఆకాశం నీ హద్దురాలో సూర్యకు డబ్బింగ్ కూడా చెప్పాడు.
Also Read: 'నాట్యం' సమీక్ష: నృత్యం బావుంది! కానీ..
Also Read: అటు మహేష్.. ఇటు ప్రభాస్.. అబ్బో ఈ బ్యూటీ డిమాండ్ మాములుగా లేదుగా..
Also Read: ‘లైగర్’ హీరోయిన్ ఇంట్లో NCB సోదాలు.. ఎవరీ అనన్యా పాండే? ఈమె ఎవరి కూతురు?
ఇంట్రస్టింగ్ వీడియోలు, విశ్లేషణల కోసం ABP Desam YouTube Channel సబ్స్క్రైబ్ చేయండి
టాప్ హెడ్ లైన్స్
ట్రెండింగ్ వార్తలు
