Sana Khan: పండంటి బిడ్డకు జన్మనిచ్చిన ‘మిస్టర్ నూకయ్య’ హీరోయిన్ సనా ఖాన్

బాలీవుడ్ మాజీ నటి సనా ఖాన్ తన అభిమానులకు గుడ్ న్యూస్ చెప్పింది. ఇటీవలే పండంటి బిడ్డకు జన్మనిచ్చింది సనా ఖాన్. ఈ విషయాన్ని అధికారికంగా ప్రకటించింది.

Image Credit:Sana Khan/Instagram

Sana Khan: బాలీవుడ్ మాజీ నటి సనా ఖాన్ గురించి అందరికీ తెలిసే ఉంటుంది. కెరీర్ పీక్ స్టేజ్ లో ఉన్నప్పుడు సినిమాలకు గుడ్ బై చెప్పిన ఈ భామ 2020లో అనాస్ సయ్యద్ను పెళ్లి చేసుకుంది. గతంలో జరిగిన ఓ ఇంటర్వ్యూలో ఈ దంపతులు తల్లిదండ్రలు కాబోతున్నామని ప్రకటించారు. తాజాగా సనా ఖాన్ బుధవారం(జూన్ 5)న పండంటి మగ బిడ్డకు జన్మనిచ్చింది. ఈ విషయాన్ని తన సోషల్ మీడియా ఖాతా ద్వారా అధికారికంగా ప్రకటించింది.  తమకు బాబు పుట్టిన విషయాన్ని తెలియజేస్తూ ఓ నోట్ ను కూడా రాసుకొచ్చింది సనా. అందులో.. ‘‘అల్లాహ్.. మా బిడ్డ కోసం మమ్మల్ని ఉత్తమ తల్లిదండ్రులుగా మార్చుగాక. మీ ప్రేమ, దీవెనలు మాపై ఉంచాలని అందర్నీ కోరుకుంటున్నాం. ప్రతీ ఒక్కరినీ అల్లా కాపాడుతాడు’’ అంటూ రాసుకొచ్చింది. దానితో పాటు ఓ వీడియోను కూడా షేర్ చేసింది. ఇది చూసిన ఆమె అభిమానులు సనా ఖాన్ దంపతులకు శుభాకాంక్షలు తెలుపుతూ కామెంట్లు చేస్తున్నారు. 

గతంలోనే ప్రకటించిన సనా ఖాన్..

సినిమాల నుంచి విరామం చెప్పిన తర్వాత సనా ఖాన్ పెద్దగా బయట కనిపించడం లేదు. పెళ్లి తర్వాత అప్పుడప్పుడూ తన సోషల్ మీడియా ఖాతాలో మాత్రం పోస్ట్ లు చేస్తూ ఉంటుంది. అయితే తాను తల్లి అయిన విషయాన్ని మాత్రం ఓ ఇంటర్వ్యూలో చెప్పింది సనా. తాము తమ మొదటి సంతానాన్ని కుటుంబంలోకి స్వాగతించడానికి సిద్దంగా ఉన్నామని, బిడ్డను తన చేతుల్లోకి తీసుకోవడానికి ఎంతో ఆతృతగా ఎదురు చూస్తున్నానని, అప్పటి వరకూ వేచి ఉండలేకపోతున్నాను అంటూ ఉద్వేగానికి లోనౌతూ చెప్పుకొచ్చింది సనా. ఇప్పుడు ఆ శుభతరుణం రానే వచ్చింది. సనా ఖాన్ పండంటి మగ బిడ్డకు జన్మనివ్వడంతో ఈ దంపతులకు శుభకాంక్షలు వెల్లువెత్తుతున్నాయి.

అభిమానులకు షాక్ ఇచ్చిన సనా.. 

సనా ఖాన్ కెరీర్ పీక్స్ లో ఉండగా సినిమాలకు గుడ్ బై చెప్పింది. అక్టోబర్ 8, 2020లో తన ఇన్‌స్టాగ్రామ్ ఖాతాలో ఓ పోస్ట్ చేసింది. అది చూసి ఆమె అభిమానులు షాక్ కు గురయ్యారు. తాను ఇకపై సినిమాలలో నటించనని ప్రకటించింది. తాను దైవసాక్షాత్కారం పొందానని, ఒక నుంచి ఆధ్యాత్మిక సేవలో ఉంటానని చెప్పుకొచ్చింది. సనా స్టేట్మెంట్ బాలీవుడ్ లో చర్చనీయాంశమైంది. అంతే కాదు తన సోషల్ మీడియా ఖాతాల్లో ఉన్న సినిమాలకు సంబంధించిన అన్ని ఫోటోలు, వీడియోలను డిలీట్ చేసింది సనా. అప్పటికే ఆమెకు నెట్టింట మిలియన్స్ లో ఫాలోవర్స్ ఉన్నారు. ఆ తర్వాత నెల నవంబర్ లో ఆమె ముఫ్తీ అనాస్ సయిూద్ ను వివాహం చేసుకుంది. పెళ్లి తర్వాత పూర్తిగా సినిమాలకు దూరం అయింది సనా. 

తెలుగులోనూ పలు సినిమాల్లో నటించింది సనా..

సనా ఖాన్ మోడల్ గా కెరీర్ ను ప్రారభించింది. తర్వాత పలు యాడ్ ఫిల్మ్ లలో నటించింది. 2005 లో వచ్చిన హిందీ సినిమా ‘యో హై హై సొసైటీ’ సినిమాతో ఇండస్ట్రీలో అడుగుపెట్టింది సనా. హిందీతో పాటు తమిళం సినిమాలలో ఎక్కువగా నటించింది. కన్నడ, మలయాళంతో పాటు తెలుగులో కూడా పలు సినిమాల్లో నటించి గుర్తింపు తెచ్చుకుంది. 2010లో కళ్యాణ్ రామ్ హీరోగా నటించిన ‘కత్తి’ సినిమాలో నటించింది. తర్వాత ‘గగనం’ సినిమాలో కూడా ఓ పాత్రలో కనిపించింది. తర్వాత ‘మిస్టర్ నూకయ్య’, ‘గజ్జెల గుర్రం’, ‘దిక్కులు చూడకు రామయ్య’ వంటి సినిమాల్లో నటించింది సనా ఖాన్.

 

 

 

 

 

View this post on Instagram

 

 

 

 

 

 

 

 

 

 

 

A post shared by Saiyad Sana Khan (@sanakhaan21)