The Warriorr Teaser: పాన్ ఇండియా రౌడీస్ ను చూశారా? 'ది వారియర్' టీజర్ అదిరిపోయింది

హీరో రామ్ నటిస్తోన్న 'ది వారియర్' సినిమా టీజర్ ను విడుదల చేశారు దర్శకనిర్మాతలు.

By: ABP Desam | Updated at : 14 May 2022 05:37 PM (IST)

Ram Pothineni's The Warriorr Teaser Released

'ది వారియర్' టీజర్ అదిరిపోయింది

యంగ్ హీరో రామ్ పోతినేని నటిస్తోన్న లేటెస్ట్ సినిమా 'ది వారియర్'. లింగు స్వామి డైరెక్ట్ చేస్తోన్న ఈ సినిమాపై మంచి బజ్ క్రియేట్ అవుతోంది. యాక్షన్ ఎంటర్టైనర్ గా సినిమాను తెరకెక్కిస్తున్నారు. జూలై 14న ప్రపంచవ్యాప్తంగా తెలుగు, తమిళ భాషల్లో భారీ ఎత్తున సినిమాను విడుదల చేయనున్నారు. దీంతో ఇప్పటినుంచే ప్రమోషన్స్ మొదలుపెట్టారు.

ఇప్పటికే ఈ సినిమా నుంచి 'బుల్లెట్' అనే సాంగ్ ను విడుదల చేశారు. శింబు పాడిన ఈ పాట యూత్ కి బాగా కనెక్ట్ అయింది. ఇప్పుడు సినిమా నుంచి టీజర్ ను విడుదల చేశారు. 'ఈ పోలీసోళ్ల టార్చర్ భరించలేకపోతున్నామప్పా' అనే డైలాగ్ తో టీజర్ మొదలైంది. ఈ సినిమాలో రామ్.. సత్య అనే పోలీస్ ఆఫీసర్ గా కనిపించబోతున్నారు. పాన్ ఇండియా సినిమాలు చూసి ఉంటారు.. పాన్ ఇండియా రౌడీస్ ను చూశారా? అంటూ రామ్ చెప్పే డైలాగ్ హైలైట్ గా నిలిచింది. విలన్ ఆది రోల్ చాలా ఇంట్రెస్టింగ్ గా చూపించారు. ఓవరాల్ గా టీజర్ ఆడియన్స్ ను ఆకట్టుకుంటుంది.

ఈ సినిమాలో రామ్ సరసన కృతి శెట్టి కథానాయికగా నటిస్తున్నారు. అక్షరా గౌడ కీలక పాత్రలో కనిపించనున్నారు. ఇందులో రామ్ రెండు డిఫరెంట్ గెటప్స్ లో కనిపిస్తాడని టాక్. ఒకటి పోలీస్ ఆఫీసర్ కాగా.. మరొక గెటప్ ను సస్పెన్స్ గా ఉంచారు. పవన్ కుమార్ సమర్పణలో శ్రీనివాసా సిల్వర్ స్క్రీన్ పతాకంపై శ్రీనివాసా చిట్టూరి ఈ సినిమాను నిర్మిస్తున్నారు.

Also Read: నటరాజ్ మాస్టర్ తో అఖిల్ ఫైట్ - రచ్చ మాములుగా లేదు!

Also Read: ఆ రోజు వస్తే యాక్టింగ్ మానేస్తా - హీరో సిద్ధార్థ్ వ్యాఖ్యలు