‘ఫ్యామిలీ మ్యాన్’ టీమ్‌లోకి రెజీనా, రాశీ ఖన్నా.. బోల్డ్‌ సీన్లతో పిచ్చెక్కిస్తారట!

తమన్నా, కాజల్ బాటలోనే రాశీ ఖాన్నా, రెజినా నడుస్తున్నారు. త్వరలో వెబ్ సీరిస్‌ల్లో బోల్డ్‌ అవతారంలో ఆకట్టుకొనేందుకు వచ్చేస్తున్నారు.

Image Credit: Raashi Khanna, Regina/Instagram

‘ఫ్యామిలీ మ్యాన్’ వెబ్ సీరిస్ ప్రేక్షకులను ఎంతగా ఆకట్టుకుందో తెలిసిందే. ఈ హిందీ వెబ్‌సీరిస్‌లో టాలీవుడ్ తారలకు కూడా ప్రాధాన్యం ఇవ్వడం వల్ల దక్షిణాదిలో కూడా అభిమానులు పెరిగారు. ఇందులో ప్రియమణి కీలక పాత్ర పోషిస్తూ.. ఇప్పటికే మంచి పేరు కొట్టేసింది. రెండో సీజన్‌లో సమంత విభిన్న పాత్రలో ఉత్తరాది ప్రేక్షకులను ఆకట్టుకుంది. బోల్డ్ సీన్లతోనూ సామ్ ప్రేక్షకులను నోరు వెళ్లబెట్టేలా చేసింది. 

ఈ వెబ్ సీరిస్‌కు దర్శకత్వం వహించిన రాజ్ అండ్ డీకేలకు ఇప్పుడు భారీ డిమాండ్ పెరిగింది. ఈ సందర్భంగా వీరు పలు ఓటీటీలతో ఒప్పందం కుదుర్చుకున్నారు. ఇందులో భాగంగా బాలీవుడ్ హీరో షహీద్ కపూర్ హీరోగా ఓ వెబ్‌ సీరిస్‌ను తెరకెక్కిస్తున్నారు. ఇందులో టాలీవుడ్ నటి రాశీ ఖన్నా నటించనుంది. ఇక వెబ్‌సీరిస్ అంటే బోల్డ్ సీన్లు ఏ స్థాయిలో ఉంటాయో తెలిసిందే. ఈ నేపథ్యంలో రాశీ ఖాన్నా అభిమానులు ఈ సిరీస్ గురించి వేయ్యి కళ్లతో ఎదురు చూస్తున్నారు. ప్రస్తుతం రాశీ ఖన్నా తమిళ, మలయాళం చిత్రాల షూటింగుల్లో బిజీగా గడిపేస్తోంది. 

‘అంధదూన్’ రీమేక్‌గా తెలుగులో ‘మాస్ట్రో’ చిత్రం తెరకెక్కిన సంగతి తెలిసిందే. ఇందులో నితిన్, నభా నటేష్, తమన్నా ప్రధాన పాత్రల్లో నటించారు. ఇదే సినిమాను మలయాళంలో కూడా తెరకెక్కించారు. రవి కె.చంద్రన్ దర్శకత్వం వహించిన ఈ సినిమాలో పృథ్వీరాజ్ సుకుమారన్ నటించాడు. కథానాయికగా రాశి ఖన్నా నటించింది. తెలుగులో తమన్నా పోషించిన పాత్రలో మమ‌తా మోహ‌న్ దాస్ నటిస్తోంది.ఈ చిత్రం అక్టోబ‌ర్ 7 నుంచి నేరుగా అమెజాన్ ప్రైమ్‌లో స్ట్రీమ్ కానుంది.

మరోవైపు.. రెజినా కూడా వెబ్‌సీరిస్‌ల వైపు దృష్టిపెట్టింది. టాలీవుడ్‌లో అవకాశాలు సన్నగిల్లిని నేపథ్యంలో వెబ్‌సీరిస్ ద్వారా ప్రేక్షకులకు దగ్గరవ్వాలనే ప్లాన్ చేసుకుంది. ఈ సందర్భంగా ఆమెకు రాజ్ అండ్ డీకేలు బంపర్ ఆఫర్ ఇచ్చినట్లు తెలిసింది. ఈ లేడీ ఓరియెంటెడ్ వెబ్ సీరిస్‌లో బోల్డ్ సీన్లు కూడా దండిగా ఉంటాయని తెలిసింది. ఆ పాత్రకు రెజీనా సరిపోతుందని, దీనివల్ల దక్షిణాదిలో కూడా వ్యూవర్స్‌ను పెంచుకోవచ్చనేది దర్శకుల ప్లాన్. ప్రస్తుతం రెజీనా తెలుగు, తమిళ భాషల్లో తెరకెక్కిన ‘నేనే.. నా’ చిత్రం విడుదలకు సిద్ధంగా ఉంది. ఇప్పటికే కాజల్, తమన్నాలు ఓటీటీలో తమ లక్ పరీక్షించుకున్నారు. మరి, రాశీ ఖన్నా, రెజినాల సీరిస్‌లను ప్రేక్షకులు ఆధరిస్తారో లేదో చూడాలి. 

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి