The Mummy OTT : ఓటీటీలోకి హారర్ థ్రిల్లర్ ది మమ్మీ - తెలుగులోనూ స్ట్రీమింగ్
The Mummy OTT Platform : రీసెంట్ హారర్ థ్రిల్లర్ ది మమ్మీ ఓటీటీలోకి వచ్చేసింది. తమిళంతో పాటు తెలుగు, హిందీ భాషలోనూ స్ట్రీమింగ్ అవుతోంది. రెండు ఓటీటీల్లో అందుబాటులోకి వచ్చింది.
Horror Thriller The Mummy Movie Arrives On Indian OTT : మమ్మీ... ఇప్పటి జనరేషన్కు అంతగా తెలియదు కానీ... 90s కిడ్స్ మాత్రం ఈ హారర్ థ్రిల్లర్ గురించి వినే ఉంటారు. మమ్మీ ఫాంచైజీ నుంచి వచ్చిన డబ్బింగ్ మూవీస్ సూపర్ థ్రిల్ అందించడం సహా బాక్సాఫీస్ వద్ద సూపర్ రెస్పాన్స్ అందుకున్నాయి. అలాంటి హారర్ జోన్లోనే చాలా రోజుల తర్వాత రీసెంట్గా రిలీజైంది 'ది మమ్మీ' మూవీ.
రెండు ఓటీటీల్లో స్ట్రీమింగ్
లీ క్రోనిన్ దర్శకత్వం వహించిన 'ది మమ్మీ' మూవీ ఏప్రిల్ 17న వరల్డ్ వైడ్ ప్రేక్షకుల ముందుకు వచ్చి మంటి టాక్ సొంతం చేసుకుంది. రెండు వారాల క్రితమే ప్రముఖ ఓటీటీ అమెజాన్ ప్రైమ్ వీడియోలో స్ట్రీమింగ్ అవుతుండగా... ఇప్పుడు తాజాగా 'ఆపిల్ టీవీ ప్లస్'లో అందుబాటులోకి వచ్చింది. తెలుగుతో పాటు హిందీ, తమిళంలోనూ స్ట్రీమింగ్ అవుతోంది. అమెజాన్ ప్రైమ్లో మాత్రం రెంటల్ విధానంలో స్ట్రీమింగ్ అవుతోంది.
ఈ మూవీకి లీక్రోనని దర్శకత్వం వహించగా... లైయా కోస్టా, నాటాలీ గ్రేస్, జాక్ రేనార్, వెరోనికా ఫాల్కన్, మేకాలమావీ తదితరులు కీలకపాత్రలు పోషించారు. న్యూలైన్ సినిమా, బ్లమ్ హౌస్ ప్రొడక్షన్స్ బ్యానర్పై జేమ్స్ వాన్, జాసన్ బ్లమ్, జాన్ కెవిల్లే నిర్మించారు. నెల రోజుల తర్వాత ఓటీటీలోకి వచ్చిన మూవీ ఎలాంటి రెస్పాన్స్ అందుకుంటుందో చూడాల్సి ఉంది.
స్టోరీ ఏంటంటే?
ఓ టీవీ ఛానల్లో ఇన్వెస్టిగేటివ్ రిపోర్టర్ అయిన చార్లీ కానన్ (జాక్ రేనార్) తన భార్య లారిసా కానన్ (లైయా కోస్టా) ఇద్దరు పిల్లలతో కలిసి జీవిస్తుంటాడు. లైఫ్ సాఫీగా సాగిపోతున్న తరుణంలో తన ముగ్గురు పిల్లల్లో క్యాటీ అనే అమ్మాయి కనిపించకుండా పోతుంది. దీనిపై పోలీసులకు కంప్లైంట్ చేయగా... కొన్ని నెలలకు ఆమె ఆచూకీ తెలుస్తుంది. దీంతో ఎంతో సంతోషంతో తమ కుమార్తెను చూసేందుకు వెళ్లిన వీరికి షాక్ తగులుతుంది.
క్యాటీ మమ్మీగా మారి భయంకర రూపంలో కనిపిస్తుంది. కూతురు చేసి వికృత చేష్టలతో వీరు ఆందోళనకు గురవుతారు. పూర్తిగా రాక్షస ప్రవృత్తిలోకి మారిన ఆ పాపను తమతో పాటు తీసుకెళ్లి ఇంట్లో ఓ స్పెషల్ గదిలో పెడతారు. ఆ తర్వాత ఏం జరిగింది? అసలు క్యాటీ ఎలా మిస్ అయ్యింది? క్యాటీని ఇంటికి తీసుకెళ్లిన తర్వాత ఆ ఇంట్లో జరిగిన భయానక ఘటనలు ఏంటి? మమ్మీగా క్యాటీ సృష్టించిన విధ్వంసం ఏంటి? క్యాటీ కోసం ఆ పేరెంట్స్ చేసిన త్యాగం ఏంటి? ఆమె మామూలు మనిషిగా మారిందా? అనేది తెలియాలంటే సినిమా చూడాల్సిందే.
Also Read : Godari Gattupaina OTT : ఓటీటీలోకి రూరల్ లవ్ డ్రామా గోదారి గట్టుపైన - 3 వారాల్లోపే సడన్ స్ట్రీమింగ్
టాప్ హెడ్ లైన్స్
ట్రెండింగ్ వార్తలు
