'కాశీ మజిలీ' ప్రముఖ తెలుగు ఓటీటీ వేదిక అయిన ఈటీవీ విన్ ఓటీటీలో స్ట్రీమింగ్ అవుతుంది. ఇది 'కథా సుధా'లో భాగంగా రూపొందించబడింది.
Renu Desai: రేణు దేశాయ్ కథతో 'కాశీ మజిలీ'... ETV Win ఓటీటీలో స్ట్రీమింగ్కు రెడీ - ఎప్పుడంటే?
Kashi Majili OTT: రేణు దేశాయ్లో నటి మాత్రమే కాదు... రచయిత్రి, దర్శకురాలు ఉన్నారు. ఆమె కథతో ఈటీవీ విన్ కోసం ఓ ప్రాజెక్ట్ తెరకెక్కింది. అదే 'కాశీ మజిలీ'. ట్రైలర్ విడుదల చేశారు. స్ట్రీమింగ్ ఎప్పుడంటే?

- రేణు దేశాయ్ కథ, నటనతో 'కాశీ మజిలీ' ఈటీవీ విన్ లో.
- ఈ ఓటీటీ చిత్రం సెప్టెంబర్ 13న ప్రేక్షకుల ముందుకు రానుంది.
- ట్రైలర్ కాశీలో పోయిన లగేజ్, మహిళ కష్టాలను చూపింది.
- మూడేళ్ల తర్వాత రేణు దేశాయ్ నటనతో ఓటీటీలోకి అడుగుపెట్టారు.
Kashi Majili OTT Release Date: రేణు దేశాయ్ నటి మాత్రమే కాదు... ఆమెలో ఓ రచయిత్రి, దర్శకురాలు సైతం ఉన్నారు. 'బద్రి'తో తెలుగు తెరకు పరిచయమైన ఆవిడ, తక్కువ సినిమాలే చేశారు. ఆమె మాతృభాష మరాఠీలో 'ఇష్క్ వాలా లవ్' అని ఓ చిత్రానికి కథ అందించడంతో పాటు దర్శకత్వం వహించారు. ఇప్పుడు మళ్ళీ 'కాశీ మజిలీ'కి కథ, కథనం, సంభాషణలు అందించారు. ఇది తెలుగు ఓటీటీ ఫిల్మ్. తాజాగా ట్రైలర్ విడుదల చేశారు. అది ఎలా ఉంది? స్ట్రీమింగ్ ఎప్పుడు? అనేది తెలుసుకోండి.
ఈటీవీ విన్ ఓటీటీలో 'కాశీ మజిలీ'
Kashi Majili Streaming On ETV Win OTT: ప్రముఖ తెలుగు ఓటీటీ వేదిక ఈటీవీ విన్ కోసం 'కథా సుధా'లో భాగంగా తెరకెక్కిన ప్రాజెక్ట్ 'కాశీ మజిలీ'. దీనికి రేణు దేశాయ్ కథ అందించడమే కాదు...ప్రధాన పాత్రలో నటించారు. రవితేజ 'టైగర్ నాగేశ్వర రావు'లో ఆమె ఓ పాత్ర చేశారు. ఆ తర్వాత మళ్ళీ తెరపై ఆమె కనిపిస్తుండటం ఇదే. అంతే కాదు... 'కాశీ మజిలీ'తో ఓటీటీలోకి అడుగు పెడుతున్నారు.
Also Read: Upasana Visits Kamakhya Temple - కామాఖ్య ఆలయంలో ఉపాసన... తల్లిదండ్రులతో వెళ్ళిన Ram Charan భార్య

ఈటీవీ విన్ ఓటీటీలో సెప్టెంబర్ 13వ తేదీ నుంచి 'కాశీ మజిలీ' ఎపిసోడ్ స్ట్రీమింగ్ కానుంది. దీనిని జెకె ఆర్ట్స్ పతాకంపై జగదీష్ కుమార్ కాళ్ళూరు నిర్మించగా... ఆరు వందలకు పైగా యాడ్స్ రూపొందించిన యమునా కిషోర్ దర్శకత్వం వహించారు. ఈ ఎపిసోడ్లో రేణు దేశాయ్కి జోడీగా శంకర్ ఇందుచూడన్ కథానాయకుడిగా నటించారు. దివంగత రచయిత సిరివెన్నెల సీతారామశాస్త్రి రాసిన పాటను 'కాశీ మజిలీ' కోసం ఉపయోగించారు.
Also Read: Indian 3 - 'భారతీయుడు 3' రిలీజ్ ప్లాన్ చేస్తున్న కమల్ - శంకర్... త్వరలో పోస్ట్ ప్రొడక్షన్ వర్క్?
View this post on Instagram
'కాశీ మజిలీ' ట్రైలర్ విషయానికి వస్తే... ఓ మహిళ కాశీ వెళతారు. అక్కడ ఆమెకు ఓ యువకుడు పరిచయం అవుతారు. వాళ్ళ లగేజీ పోతుంది. పోలీసులకు కంప్లైంట్ చేస్తారు. డబ్బులు వద్దని, తనకు బ్యాగ్ ఇప్పించమని పోలీసులను వేడుకుంటుంది ఆ మహిళా. కాశీలో ఏం జరిగింది? అనేది ఈటీవీ విన్ ఓటీటీలో స్ట్రీమింగ్ అయ్యే 'కాశీ మజిలీ'లో చూడాలి. సుమారు మూడేళ్ళ తర్వాత రేణు దేశాయ్ నటించడం, ఆమె కథ అందించడంతో 'కాశీ మజిలీ'పై ఆసక్తి నెలకొంది. దీనికి డైలాగ్స్ పర్యవేక్షణ:అబ్బూరి రవి, ఛాయాగ్రహణం: రానా, సంగీతం: డా. జోశ్యభట్ల, ఎడిటింగ్: మీర్ ఎస్.
Frequently Asked Questions
'కాశీ మజిలీ' ఎక్కడ స్ట్రీమింగ్ అవుతుంది?
'కాశీ మజిలీ' ఓటీటీలో ఎప్పుడు విడుదల కానుంది?
'కాశీ మజిలీ' ఎపిసోడ్ ఈటీవీ విన్ ఓటీటీలో సెప్టెంబర్ 13వ తేదీ నుంచి స్ట్రీమింగ్ కానుంది. దీనికి రేణు దేశాయ్ కథ అందించడంతో పాటు ప్రధాన పాత్రలో నటించారు.
'కాశీ మజిలీ' నిర్మాణంలో రేణు దేశాయ్ పాత్ర ఏమిటి?
రేణు దేశాయ్ 'కాశీ మజిలీ'కి కథ, కథనం, సంభాషణలు అందించారు. అంతేకాకుండా, ఆమె ఈ తెలుగు ఓటీటీ చిత్రంలో ప్రధాన పాత్రలో నటించారు.
'కాశీ మజిలీ' చిత్రానికి దర్శకత్వం ఎవరు వహించారు?
'కాశీ మజిలీ' చిత్రానికి ఆరు వందలకు పైగా యాడ్స్ రూపొందించిన యమునా కిషోర్ దర్శకత్వం వహించారు. దీనిని జెకె ఆర్ట్స్ పతాకంపై జగదీష్ కుమార్ కాళ్ళూరు నిర్మించారు.
టాప్ హెడ్ లైన్స్
ట్రెండింగ్ వార్తలు






















