Eesha OTT : మరో ఓటీటీలోకి హారర్ థ్రిల్లర్ - 7 నెలల తర్వాత స్ట్రీమింగ్... స్పెషల్ ఏంటో తెలుసా?

Horror Thriller OTT : గతేడాది ఎన్నో అంచనాల మధ్య ప్రేక్షకుల ముందుకు వచ్చిన హారర్ థ్రిల్లర్ ఈషా మరో ఓటీటీలోకి వచ్చేసింది. ప్రస్తుతం రెండు ఓటీటీల్లో స్ట్రీమింగ్ అవుతోంది.

మరో ఓటీటీలోకి తెలుగు హారర్ థ్రిల్లర్

Source : https://www.youtube.com/watch?v=arVT9vuwaa0

Hebah Patel's Eesha OTT Streaming : హారర్, థ్రిల్లర్ కంటెంట్‌కు ఉన్న క్రేజ్ గురించి ప్రత్యేకంగా చెప్పాల్సిన పని లేదు. ఓటీటీ సంస్థలు సైతం అలాంటి కంటెంట్ ఉన్న మూవీస్, వెబ్ సిరీస్‌లను ఎక్కువగా స్ట్రీమింగ్ చేస్తున్నాయి. తాజాగా మరో హారర్ థ్రిల్లర్ ఆడియన్స్‌ను అలరించేందుకు మరో ఓటీటీలోకి వచ్చేసింది.

ఏ మూవీ... ఎందులో స్ట్రీమింగ్ అంటే?

గతేడాది ప్రేక్షకుల ముందుకు వచ్చిన హారర్ థ్రిల్లర్ 'ఈషా' (Eesha). డిసెంబర్ 25న ప్రేక్షకుల ముందుకు వచ్చిన ఈ సినిమా మిక్స్‌డ్ టాక్ సొంతం చేసుకుంది. ఇప్పటికే 'అమెజాన్ ప్రైమ్ వీడియో' (Amazon Prime Video) ఓటీటీలో స్ట్రీమింగ్ అవుతుండగా... దాదాపు 7 నెలల తర్వాత మరో ఓటీటీ జియో హాట్ స్టార్ (Jio Hotstar)లో అందుబాటులోకి వచ్చింది. అయితే, హిందీ వెర్షన్ స్ట్రీమింగ్ అవుతోంది. త్వరలోనే మిగిలిన భాషల్లోనూ స్ట్రీమింగ్ కావొచ్చు.

ఈ మూవీకి శ్రీనివాస్ మన్నె దర్శకత్వం వహించగా... త్రిగుణ్, అఖిల్ రాజ్, సిరి హనుమంతు, హెబ్బా పటేల్ ప్రధాన పాత్రల్లో నటించారు. అలాగే, పృథ్వీరాజ్, మైమ్ మధు తదితరులు కీలకపాత్రలు పోషించారు. కేఎల్ దామోదర్ ప్రసాద్ సమర్పణలో పోతుల హేమ వెంకటేశ్వరరావు నిర్మించారు.

స్టోరీ ఏంటంటే?

కల్యాణ్ (త్రిగుణ్), వినయ్ (అఖిల్ రాజ్), అపర్ణ (సిరి హనుమంతు), నయన (హెబ్బా పటేల్) చిన్నప్పటి నుంచి మంచి ఫ్రెండ్స్. ఆత్మలు, దెయ్యాలు లేవని బలంగా నమ్ముతుంటారు. మూఢ నమ్మకాల పేరుతో జనాల్ని దోచుకుంటున్న బురిడీ బాబాలు, అమాయకుల చావులకు కారణమయ్యే దొంగ స్వామీజీల ఆట కట్టించడమే పనిగా పెట్టుకుని వారి మోసాల గురించి జనాలకు తెలిసేలా చేస్తుంటారు. ఈ క్రమంలోనే వారికి ఆంధ్రా - ఒడిశా సరిహద్దులో ఉండే ఆది దేవ్ (పృథ్వీరాజ్) బాబా గురించి తెలుస్తుంది.

అతని ఆట కట్టించేందుకు నలుగురు ఫ్రెండ్స్ అక్కడికి వెళ్లగా... ఆత్మలున్నాయని నిరూపిస్తానంటూ వారికి సవాల్ విసురుతాడు ఆది దేవ్. అందులో భాగంగా ఓ పాడుబడిన బంగ్లాలో మూడు రోజులు ఉండాలని అంటాడు. అందుకు నలుగురూ సిద్ధమవుతారు. ఆ తర్వాత ఏం జరిగింది? బంగ్లాలో వారికి ఎదురైన భయానక అనుభవాలేంటి? ఆ బంగ్లాలో ఆత్మలున్నాయా? వీరిపై పగ పట్టిన ఓ ఆత్మ నుంచి ఆది దేవ్ వీరిని ఎలా కాపాడాడు? అనేది తెలియాలంటే మూవీ చూడాల్సిందే.

NOTE : మరిన్ని సినిమా వార్తలు, గాసిప్స్, ఓటీటీ అప్డేట్స్, వెబ్ సిరీస్‌లు, టాలీవుడ్, బాలీవుడ్ హీరోయిన్స్ లేటెస్ట్ సోషల్ మీడియా అప్డేట్స్, టీవీ సీరియల్స్ కోసం ఇక్కడ క్లిక్ చేయండి.

 

మరిన్ని చదవండి

సౌత్ కొరియన్ అమ్మాయితో మహేశ్ బాబు మేనల్లుడి ఎంగేజ్మెంట్ - ఫోటోలు షేర్ చేసిన నమ్రత