Blast Zone OTT Release : బ్లాస్ట్ జోన్ ఓటీటీ రిలీజ్ డేట్ - అర్జున్ యాక్షన్ థ్రిల్లర్ ఎప్పటి నుంచి స్ట్రీమింగ్ అంటే?

Blast Zone OTT Platform : యాక్షన్ కింగ్ అర్జున్ ప్రధాన పాత్రలో నటించిన లేటెస్ట్ యాక్షన్ థ్రిల్లర్ బ్లాస్ట్ జోన్ ఓటీటీలోకి వచ్చేస్తోంది. దాదాపు నెల రోజుల తర్వాత డిజిటల్ స్ట్రీమింగ్ కానుంది.

బ్లాస్ట్ జోన్ ఓటీటీ రిలీజ్ డేట్

Source : https://www.instagram.com/p/DY35uO-O7Tw/?hl=en

Arjun's Blast Zone OTT Release Date Locked : చాలా రోజుల తర్వాత యాక్షన్ కింగ్ అర్జున్ సర్జా ప్రధాన పాత్రలో నటించిన లేటెస్ట్ యాక్షన్ థ్రిల్లర్ బ్లాస్ట్ జోన్. మే 28న ప్రేక్షకుల ముందుకు వచ్చిన ఈ సినిమా పాజిటివ్ టాక్‌తో బాక్సాఫీస్ వద్ద దూసుకెళ్లింది. వరల్డ్ వైడ్‌గా రూ.60 కోట్లకు పైగా కలెక్షన్స్ సాధించింది. దాదాపు నెల రోజుల తర్వాత ఇప్పుడు ఓటీటీలోకి వచ్చేందుకు రెడీ అవుతోంది.

ఎప్పుడు, ఎందులో స్ట్రీమింగ్ అంటే?

బ్లాస్ట్ జోన్ డిజిటల్ స్ట్రీమింగ్ రైట్స్ ఇంటర్నేషనల్ ఓటీటీ నెట్ ఫ్లిక్స్ సొంతం చేసుకోగా... జూన్ 25 నుంచి స్ట్రీమింగ్ కానున్నట్లు తెలుస్తోంది. తెలుగు, తమిళంతో పాటు మలయాళం, హిందీ భాషల్లో అందుబాటులోకి రానుంది. ఈ మూవీకి సుభాష్ కె రాజ్ దర్శకత్వం వహించగా... అభిరామి, కన్నప్ప ఫేం ప్రీతి ముకుందన్ కీలకపాత్రలు పోషించారు. ఏజీఎస్ ఎంటర్టైన్మెంట్ బ్యానర్‌పై కల్పతి ఎస్ అఘోరమ్, ఎస్ గణేష్, కల్పతి ఎస్ సురేష్ సంయుక్తంగా నిర్మించారు. రవి బస్రూర్ మ్యూజిక్ అందించారు.

స్టోరీ ఏంటంటే?

మధ్య తరగతి అమ్మాయి నీల (ప్రీతి ముకుందన్) కరాటే స్పెషలిస్ట్. తండ్రి రాజారామ్ (అర్జున్), తల్లి (అభిరామి) కూడా కరాటే మాస్టర్లే. వీరి ఫ్యామిలీ పిల్లలకు ఉచితంగా మార్షల్ ఆర్ట్స్‌లో ట్రైనింగ్ ఇస్తూనే... మరోవైపు మెడికల్ షాప్ నిర్వహిస్తుంటారు. నీల కూడా జాబ్ చేస్తూ తండ్రికి చేదోడుగా ఉంటుంది. జీవితం సాఫీగా సాగిపోతుందనుకున్న టైంలో ఊహించని ఘటన జరుగుతుంది. ఓ రోజు ఆమె షాపులో ఉండగా... కృపాకర్ (పవన్) గ్యాంగ్‌కు చెందిన ఓ రౌడీ ఆమెను బెదిరించి కొన్ని మందులు తీసుకెళ్లేందుకు యత్నిస్తాడు.

అయితే, కరాటే స్పెషలిస్ట్ అయిన నీల అతన్ని చితక్కొట్టి పోలీసులకు అప్పగిస్తుంది. ఆ రౌడీ అలా అరెస్ట్ అయ్యాక కృపాకర్ గ్యాంగ్‌తో పాటు మోస్ట్ వాంటెండ్ క్రిమినల్ అబ్రహం (అర్జున్ చిదంబంరం) నీల ఫ్యామిలీని అంతం చేయాలని ప్లాన్ చేస్తారు. ఆ తర్వాత ఏం జరిగింది? కృపాకర్ గ్యాంగ్ వీరి ఫ్యామిలీని ఎందుకు అంతం చేయాలని చూసింది? ఈ వ్యవహారానికి ఫేమస్ బిజినెస్ మ్యాన్ వరుణ్ దయాలన్‌కు ఉన్న సంబంధం ఏంటి? క్రిమినల్ గ్యాంగ్ నుంచి రాజారామ్ తన ఫ్యామిలీని ఎలా కాపాడుకున్నాడు? అనేది తెలియాలంటే మూవీ చూడాల్సిందే.

NOTE : మరిన్ని సినిమా వార్తలు, గాసిప్స్, ఓటీటీ అప్డేట్స్, వెబ్ సిరీస్‌లు, టాలీవుడ్, బాలీవుడ్ హీరోయిన్స్ లేటెస్ట్ సోషల్ మీడియా అప్డేట్స్, టీవీ సీరియల్స్ కోసం ఇక్కడ క్లిక్ చేయండి.

 

మరిన్ని చదవండి

భర్త కోసం పూరీలు చేసిన సమంత... 'మా ఇంటి బంగారం' కథ చెప్పేసిన రాజ్