Bakasura Restaurant OTT: ఓటీటీలోకి సడన్‌గా హారర్ కామెడీ థ్రిల్లర్ 'బకాసుర రెస్టారెంట్' - ఎందులో స్ట్రీమింగ్ అవుతుందో తెలుసా?

Bakasura Restaurant OTT Platform: తెలుగు హారర్ కామెడీ థ్రిల్లర్ 'బకాసుర రెస్టారెంట్' సడన్‌గా ఓటీటీలోకి వచ్చేసింది. ఈ నెల 12 నుంచి ఓటీటీలోకి వస్తుందని అనౌన్స్ చేసినా తాజాగా మరో ఓటీటీలోకి వచ్చింది.

ఓటీటీలోకి వచ్చేసిన బకాసుర రెస్టారెంట్

Source : https://x.com/OTT_Trackers/status/1964858574510895215/photo/1

Harsha Chemudu's Bakasura Restaurant OTT Streaming On Amazon Prime Video: రీసెంట్ తెలుగు హారర్ కామెడీ థ్రిల్లర్ 'బకాసుర రెస్టారెంట్' సడన్‌‌‌గా ఓటీటీలోకి వచ్చేసింది. ఇంతకు ముందు అనౌన్స్ చేసిన దాని ప్రకారం ఈ నెల 12 నుంచి ప్రముఖ ఓటీటీ 'సన్ నెక్స్ట్' స్ట్రీమింగ్ కావాల్సి ఉండగా... ఎలాంటి ముందస్తు అనౌన్స్‌మెంట్ లేకుండానే మరో ఓటీటీలో స్ట్రీమింగ్ అవుతోంది.

ఎందులో స్ట్రీమింగ్ అవుతుందంటే?

ఈ మూవీ ప్రముఖ ఓటీటీ 'అమెజాన్ ప్రైమ్ వీడియో'లో సడన్‌గా అందుబాటులోకి వచ్చింది. ఆగస్ట్ 8న ప్రేక్షకుల ముందుకు వచ్చిన ఈ మూవీ మిక్స్‌డ్ టాక్ సొంతం చేసుకుంది. ఎస్ జే శివ దర్శకత్వం వహించిన ఈ మూవీలో ప్రముఖ కమెడియన్స్ వైవా హర్ష, ప్రవీణ్ ప్రధాన పాత్రలో నటించారు. వీరితో పాటే కృష్ణ భగవాన్, కేజీఎఫ్ గరుడ రామ్, షైనింగ్ ఫణి కీలక పాత్రలు పోషించారు. హారర్, కామెడీ, థ్రిల్లింగ్ అంశాలతో మూవీని రూపొందించారు.

కథ ఏంటంటే?

పరమేశ్వర్ (ప్రవీణ్) తనకు ఇష్టం లేకపోయినా సాఫ్ట్‌వేర్ ఇంజినీర్‌గా జాబ్ చేస్తుంటాడు. ఎప్పటికైనా తన సొంతంగా రెస్టారెంట్ బిజినెస్ చేయాలని కలలు కంటుంటాడు. తన ఫ్రెండ్స్‌తో ఈ విషయం షేర్ చేసుకోగా యూట్యూబ్‌లో దెయ్యం వీడియోలు చేస్తే డబ్బులు బాగా సంపాదించొచ్చనే ఐడియా ఇస్తారు. ఇది నచ్చడంతో ఫస్ట్ ఓ దెయ్యం వీడియో పోస్ట్ చేయగా వైరల్ అవుతుంది. అదే జోష్‌తో రెండో వీడియోను భారీగా ప్లాన్ చేసిన పరమేశ్వర్ అతని ఫ్రెండ్స్ ఓ పాడుపడిన పాత భవనంలోకి వెళ్తారు.

అక్కడ దొరికిన ఓ బుక్ ఆధారంగా క్షుద్ర పూజ చేయగా బక్క సూరి (వైవా హర్ష) ఆత్మ బయటకు వస్తుంది. ఓ నిమ్మ కాయలో ఆత్మ ప్రవేశించగా దాన్ని కట్టడి చేసేందుకు యత్నిస్తారు. అయితే, ఆ ఆత్మ పరమేశ్వర్ ఫ్రెండ్ అంజిబాబు (ఫణి) శరీరంలోకి ప్రవేశిస్తుంది. ఆకలి ఎక్కువగా ఉన్న ఆత్మ ఇంట్లో ఫుడ్ అంతా ఒకటే తినేస్తుంది. అంజిబాబు శరీరం నుంచి ఆ ఆత్మను పరమేశ్వర్ అండ్ గ్యాంగ్ ఎలా బయటకు పంపించారు? అసలు బక్క సూరి ఆత్మగా ఎందుకు మారాడు? సొంతంగా రెస్టారెంట్ పెట్టుకోవాలనుకున్న పరమేశ్వర్ కల నెరవేరిందా? అనే విషయాలు తెలియాలంటే మూవీ చూడాల్సిందే.

మరిన్ని చదవండి

మల్లెపూలతో ప్లేన్ ఎక్కిన హీరోయిన్ - బిగ్ షాక్ ఇచ్చిన ఎయిర్ పోర్ట్ అధికారులు