29 Movie OTT : ఓటీటీలోకి రీసెంట్ తమిళ రొమాంటిక్ డ్రామా - ఐఎండీబీలో 9.1 రేటింగ్... ఎప్పుడు, ఎందులో చూడొచ్చంటే?

29 OTT Platform : రీసెంట్ తమిళ రొమాంటిక్ డ్రామా 29 ఓటీటీలోకి వచ్చేస్తోంది. ఐఎండీబీలో 9.1 రేటింగ్ ఉన్న ఈ సినిమా తమిళంతో పాటు తెలుగు భాషలోనూ స్ట్రీమింగ్ కానుంది.

29 ఓటీటీ రిలీజ్ డేట్

Source : https://x.com/SmartBarani/status/2060926002034020766/photo/1

Vidhu's 29 Movie OTT Release Date Locked : తమిళ మూవీస్ అయినా కంటెంట్ ఉండే డబ్బింగ్ మూవీస్‌ కూడా తెలుగులో సూపర్ రెస్పాన్స్ అందుకుంటాయి. ఓటీటీలు వచ్చాక టాలీవుడ్ ఆడియన్స్ తమిళం, మలయాళం, కన్నడ అనే తేడా లేకుండా కంటెంట్ ఉన్న ప్రతీ మూవీపైనా ఇంట్రెస్ట్ చూపిస్తున్నారు. అలాంటి మరో తమిళ రొమాంటిక్ మూవీ ఇప్పుడు ఓటీటీలోకి వచ్చేస్తోంది.

29 ఎప్పుడు స్ట్రీమింగ్ అంటే?

29... ఇది నెంబర్ మాత్రమే కాదు మూవీ టైటిల్ కూడా. రీసెంట్‌గా తమిళంలో రిలీజైన ఈ రొమాంటిక్ డ్రామా జూన్ 5 నుంచి ఇంటర్నేషనల్ ఓటీటీ 'నెట్ ఫ్లిక్స్'లో స్ట్రీమింగ్ కానుంది. కేవలం తమిళంలో మాత్రమే కాకుండా తెలుగుతో పాటు మలయాళం, కన్నడ, హిందీ భాషల్లోనూ అందుబాటులోకి రానుంది. దీనిపై అఫీషియల్ అనౌన్స్‌మెంట్ వచ్చేసింది.

తమిళ హీరో విధు, ప్రీతి అసాని లీడ్ రోల్స్ ప్లే చేయగా... లియోనా లిషోయ్, అధీర పాండిలక్ష్మీ, మహేంద్రన్, అముదన్, షెనాజ్ ఫాతిమా, ప్రేమ్ కుమార్ తదితరులు కీలకపాత్రలు పోషించారు. రత్న కుమార్ దర్శకత్వం వహించగా... వైట్ కార్పెట్ ఫిల్మ్స్ బ్యానర్‌పై కార్తిక్ సుబ్బరాజు, కార్తికేయన్ సంతానం, లోకేశ్ కనగరాజ్ నిర్మించారు. ఐఎండీబీలో ఈ మూవీకి 9.1 రేటింగ్ ఉంది.

స్టోరీ ఏంటంటే?

29 ఏళ్ల ఏజ్‌లో ఓ యువకుడి జీవితం ఎలాంటి ఘటనలు జరిగాయి? అనేదే ప్రధానాంశంగా 29 స్టోరీని రూపొందించారు మేకర్స్. స్టోరీ విషయానికొస్తే... సత్య (విధు) అనే 29 ఏళ్ల యువకుడు అందరిలానే గుర్తింపు కోసం ఆరాటపడుతుంటాడు. అగ్రికల్చర్ డిగ్రీ చేసి చెన్నైలో జాబ్ చేస్తుంటాడు. అతనికి, తల్లికి మధ్య డిఫరెన్సెస్ ఉండడంతో ఫ్రెండ్స్‌తో కలిసి రూములో ఉంటాడు. ఎప్పుడూ నేను ఎవరు? అనే మైండ్ వాయిస్ అతన్ని వెంటాడుతుంది.

ఇదే టైంలో సత్యకు విజయలక్ష్మి అనే అమ్మాయి పరిచయం అవుతుంది. ఆ తర్వాత సత్య జీవితంలో ఊహించని ఘటనలు ఎదురవుతాయి. ఈ క్రమంలో అతని మైండ్ వాయిస్ ఓ క్యారెక్టర్‌గా మారి ఆ అమ్మాయి గురించి పూర్తిగా తెలుసుకునేందుకు ప్రయత్నిస్తుంది. అసలు విజయలక్ష్మి ఎవరు? ఆమె వచ్చిన తర్వాత సత్య జీవితంలో ఎలాంటి ఘటనలు జరిగాయి? చివరకు ఇద్దరూ కలిశారా? అనేది తెలియాలంటే మూవీ చూడాల్సిందే.

మరిన్ని చదవండి

మంచుకొండల్లో శ్రీలీల... ఇప్పుడు కాదు, ఎప్పుడో వెళ్ళిందట