NTR: ఎన్టీఆర్ కొత్త లుక్ - మరో ఐదు కేజీలు తగ్గుతారట!

'ఆర్ఆర్ఆర్'కి కాస్త బాడీ పెంచినప్పటికీ.. మంచి ఫిజిక్ మెయింటైన్ చేశారు ఎన్టీఆర్. ఇప్పుడు కొరటాల శివ సినిమా కోసం తన లుక్ ని పూర్తిగా మార్చుకోబోతున్నాడు.

ఎన్టీఆర్ కొత్త లుక్ - మరో ఐదు కేజీలు తగ్గుతారట

యంగ్ టైగర్ ఎన్టీఆర్(NTR) 'ఆర్ఆర్ఆర్'(RRR) తరువాత ఇప్పటివరకు మరో సినిమాను మొదలుపెట్టలేదు. కొరటాల శివ(Koratala Siva), ప్రశాంత్ నీల్(Prashanth neel) దర్శకత్వంలో ఆయన సినిమాలు చేయనున్నారు. ముందుగా కొరటాల శివ సినిమాను మొదలుపెట్టాల్సివుంది. కానీ ఇప్పటివరకు సినిమా సెట్స్ పైకి వెళ్లలేదు. అక్టోబర్ నుంచి సినిమా రెగ్యులర్ షూటింగ్ జరగనుంది. ఈ సినిమా కోసం తన లుక్ ని మార్చుకోబోతున్నారు ఎన్టీఆర్. 'అరవింద సమేత' సినిమాలో సిక్స్ ప్యాక్ బాడీతో కనిపించారు. 

NTR to lose another 5 Kgs: 'ఆర్ఆర్ఆర్'కి కాస్త బాడీ పెంచినప్పటికీ.. మంచి ఫిజిక్ మెయింటైన్ చేశారు ఎన్టీఆర్. ఇప్పుడు కొరటాల శివ సినిమా కోసం తన లుక్ ని పూర్తిగా మార్చుకోబోతున్నాడు. అసలు ఫ్యాట్ అనేది కనిపించకుండా ఉండేలా చూసుకుంటున్నారు ఎన్టీఆర్. ఇప్పటికే చాలా బరువు తగ్గారు. ఇప్పుడు మరో ఐదు కేజీలు తగ్గబోతున్నట్లు తెలుస్తోంది. అంటే ఎన్టీఆర్ మరింత బక్కగా కనిపిస్తారన్నమాట. 

ఇక ఈ సినిమాలో హీరోయిన్ గా ముందు అలియాభట్(Alia Bhatt)ను అనుకున్నారు కానీ ఆమె కొన్ని కారణాల వలన నో చెప్పింది. అప్పటినుంచి హీరోయిన్స్ కోసం చాలా ఆప్షన్స్ చూస్తున్నారు కానీ ఏదీ వర్కవుట్ కావడం లేదు. ఎన్టీఆర్ తో కలిసి పని చేసిన హీరోయిన్స్ ను మళ్లీ రిపీట్ చేయడం కొరటాలకు ఇష్టం లేదు. టాప్ రేంజ్ లో ఉన్న హీరోయిన్ ను రంగంలోకి దింపాలనుకుంటున్నారు. బాలీవుడ్ అమ్మాయిని తీసుకుంటే పాన్ ఇండియా లెవెల్ లో ప్రమోషన్ కి పనికొస్తుందని ఆలోచిస్తున్నారు. స్టార్ హీరోయిన్లతో పాటు మృణాల్ ఠాకూర్ లాంటి వాళ్లను కూడా పరిశీలిస్తున్నారు. మరి ఈ క్రేజీ ప్రాజెక్ట్ లో హీరోయిన్ ఛాన్స్ ఎవరికీ దక్కుతుందో చూడాలి..!

విజయశాంతి ఓకే చెబుతుందా..?

ఈ సినిమాలో పవర్ ఫుల్ మహిళ క్యారెక్టర్ ఒకటి ఉందట. దానికోసం ఒకప్పటి హీరోయిన్, టాలీవుడ్ తొలి లేడీ సూపర్ స్టార్ విజయశాంతి(Vijayashanthi)ని సంప్రదించినట్లు సమాచారం. ఆమెని కలిసి కొరటాల కథ వినిపించారట. అయితే దీనికి ఆమె ఒప్పుకుందా..? లేదా..? అనే విషయంలో క్లారిటీ రాలేదు.

చాలా ఏళ్లుగా విజయశాంతి ఇండస్ట్రీకి దూరంగా ఉంటున్నారు. 'సరిలేరు నీకెవ్వరు' సినిమాతో రీఎంట్రీ ఇచ్చి భారీ హిట్ అందుకున్నారు. ఈ సినిమా ప్రమోషన్స్ సమయంలో తన పాత్ర నచ్చడం వలనే సినిమా చేశానని.. ఇకపై అలాంటి రోల్ వస్తుందనే నమ్మకం లేదని చెప్పారు. మరి ఆ రేంజ్ లో కొరటాల శివ.. విజయశాంతి కోసం క్యారెక్టర్ రాస్తే మాత్రం ఆమె నటించే అవకాశాలు ఉన్నాయి. మరేం జరుగుతుందో చూడాలి.

మరోపక్క 'ఉప్పెన' దర్శకుడు బుచ్చిబాబు సానాను కూడా ఫైనల్ స్క్రిప్ట్ రెడీ చేయమని చెప్పారట ఎన్టీఆర్. రెండు నెలల్లో స్క్రిప్ట్ పూర్తయితే.. కొరటాల శివ, బుచ్చిబాబు సినిమాలను ఒకేసారి సెట్స్ పైకి తీసుకెళ్లాలనుకుంటున్నారు ఎన్టీఆర్. ముందుగా కొరటాల శివ సినిమాను అక్టోబర్ నెలలో మొదలుపెట్టనున్నారు. అక్టోబర్ నుంచి మూడు నెలల తరువాత అంటే 2023 ఆరంభంలో బుచ్చిబాబు సినిమా కూడా మొదలైపోతుంది.