Mr Bachchan Movie: వైబ్రెంట్ బీట్స్, ఎనర్జిటిక్ డ్యాన్స్- ‘మిస్టర్ బచ్చన్‘ నుంచి మరో సింగిల్, రిలీజ్ ఎప్పుడో తెలుసా?

Telugu Cinema News | రవితేజ హీరో తెరకెక్కుతున్న మూవీ ‘మిస్టర్ బచ్చన్‘. హరీష్ శంకర్ తెరకెక్కించిన ఈ సినిమా ఆగష్టు 15న ప్రేక్షకుల ముందుకురానుంది. ఈ నేపథ్యంలో మేకర్స్ మరో అదిరిపోయే అప్ డేట్ ఇచ్చారు.

‘మిస్టర్ బచ్చన్‘ నుంచి మరో సింగిల్

Source : People Media Factory/X

Mr Bachchan Fourth Single Nallanchu Thellacheera Song: టాలీవుడ్ మాస్ మహారాజా రవితేజ హీరోగా హరీష్ శంకర్ దర్శకత్వంలో తెరకెక్కుతున్న లేటెస్ట్ మూవీ ‘మిస్టర్‌‌‌‌‌‌‌‌ బచ్చన్‌‌‌‌’. గ్లామర్ బ్యూటీ భాగ్యశ్రీ బోర్సే హీరోయిన్‌‌‌ గా నటిస్తోంది. పీపుల్ మీడియా ఫ్యాక్టరీ బ్యానర్ లో టీజీ విశ్వప్రసాద్ నిర్మాతగా ఈ సినిమా తెరకెక్కింది. భారీ అంచనాల నడుమ ఈ సినిమా ఆగష్టు 15న విడుదలకానుంది. మూవీ రిలీజ్ దగ్గర పడుతున్న నేపథ్యంలో చిత్రబృందం ప్రమోషన్ కార్యక్రమాలను ముమ్మరం చేసింది. ఇప్పటి విడుదలైన పాటలు, టీజర్, ట్రైలర్ ప్రేక్షకులను బాగా ఆకట్టుకున్నాయి. తాజాగా రిలీజ్ చేసిన ట్రైలర్ మాసీ యాక్షన్ తో పాటు అదిరిపోయే డైలాగ్స్ తో అదుర్స్ అనిపించింది. ఈ నేపథ్యంలో మేకర్స్ మరో క్రేజీ అప్ డేట్ ఇచ్చారు.

ఆగష్టు 12న ఊరమాస్ సింగిల్ విడుదల

‘మిస్టర్ బచ్చన్’ నుంచి మరో ఊరమాస్ సాంగ్ విడుదల చేయనున్నట్లు చిత్రబృందం ప్రకటించింది. వైబ్రెంట్ బీట్స్, మాసీ లిరిక్స్, ఎనర్జిటిక్ డ్యాన్స్ తో కూడిని ఫోర్త్ సింగిల్ ను రిలీజ్ చేయనున్నట్లు తెలిపింది. ‘తెల్లంచు నల్లచీర’ అంటూ సాగే ఈ పాటను ఆగష్టు 12న ప్రేక్షకుల ముందుకు తీసుకురానున్నట్లు చెప్పింది.  ఈ మేరకు సోషల్ మీడియా వేదిగా ఓ పోస్టర్ షేర్ చేశారు మేకర్స్. ఇందులో రవితేజ, భాగ్యశ్రీ మాసీ స్టెప్పులతో దుమ్మురేపుతున్నట్లు అర్థం అవుతోంది. ఇప్పటికే వచ్చిన పాటలు ప్రేక్షకులను ఓ రేంజిలో ఆకట్టుకోవడంతో ఈ పాట కూడా మాంచి ఊపు ఇవ్వనుందని భావిస్తున్నారు.

The song you have been waiting for 🤩

Vibrant beats, Massy lyrics and energetic dance 💥💥#MrBachchan fourth single #NallanchuThellacheera out on August 12th ❤‍🔥

GRAND RELEASE WORLDWIDE ON AUGUST 15th. Premieres on August 14th.#MassReunion
Mass Maharaaj @RaviTeja_offl… pic.twitter.com/vIAFm41Bh8

— People Media Factory (@peoplemediafcy) August 10, 2024

యు/ఎ సర్టిఫికేట్ జారీ చేసిన సెన్సార్ బోర్డు

అటు ‘మిస్టర్ బచ్చన్’ సినిమాకు సంబంధించి సెన్సార్ పనులు కూడా కంప్లీట్ అయ్యాయి. ఈ చిత్రానికి సెన్సార్ బోర్డు యు/ఎ సర్టిఫికేట్ ను జారీ చేశారు. ఈ సినిమా రన్ టైమ్ 2 గంటల 38 నిమిషాలుగా ఫిక్స్ చేశారు. కామెడీ, రొమాన్స్, యాక్షన్ తో ‘మిస్టర్ బచ్చన్’ ఎంటర్ టైన్ చేయనుంది. ఈ సినిమాలో రవితేజ ఇన్ కమ్ టాక్స్ అధికారిగా కనిపించనున్నారు. సీనియర్ నటుడు జగపతి బాబు నెగెటివ్ రోల్ పోషిస్తున్నారు. ముఖ్యంగా రవితేజ, జగపతి బాబు మధ్య సన్నివేశాలు ప్రేక్షకులను అలరించనున్నట్లు తెలుస్తోంది.  

మూడో సినిమా హిట్ కొట్టేనా?

ఇప్పటికే రవితేజ, హరీష్ శంకర్ కాంబోలో ‘షాక్’, ‘మిరపకాయ్’ సినిమాలు వచ్చాయి. ‘షాక్’ అనుకున్న స్థాయిలో సక్సెస్ కాకపోయినా, ‘మిరపకాయ్’ బ్లాక్ బస్టర్ హిట్ అందుకుంది. ఇప్పుడు వీరిద్దరి కాంబోలో వస్తున్న ‘మిస్టర్ బచ్చన్’ సినిమా కూడా సూపర్ డూపర్ హిట్ కావడం ఖాయం అని అభిమానులు భావిస్తున్నారు. వరుస హిట్లతో మంచి జోష్ లో ఉన్న రవితేజ ఖాతాలో మరో హిట్ పడుతుందని  దీమా వ్యక్తం చేస్తున్నారు. ఈ చిత్రానికి మిక్కీ జే మేయర్ సింగీతం అందిస్తుండగా, అయనంకా బోస్ సినిమాటోగ్రాఫర్ గా వ్యవహరిస్తున్నారు.