Kanguva Trailer: రెండు నెలల ముందే వచ్చేస్తోన్న 'కంగువ' ట్రైలర్ - రిలీజ్ ఎప్పుడంటే...
Kanguva Trailer: మూవీ రిలీజ్‌కు రెండు నెలల ముందే సూర్య 'కంగువ' ట్రైలర్ రిలీజ్ చేయబోతోంది మూవీ టీం. తాజాగా దీనిపై మూవీ నిర్మాణ సంస్థ స్టూడియో గ్రీన్‌ అధికారిక ప్రకటన ఇచ్చింది.
Suriya Kanguva Trailer Release తమిళ స్టార్‌ హీరో సూర్య ప్రధాన పాత్రలో నటిస్తున్న ప్రతిష్టాత్మక చిత్రం 'కంగువ' (Kanguva Movie). పీరియాడికల్‌ యాక్షన్ ఫిలింగా దర్శకుడు శివ రూపొందిస్తున్న ఈ సినిమాను దర్శకుడ శివ తెరకెక్కిస్తున్నాడు. బాలీవుడ్ బ్యూటీ దిశ పటాన్ని, బాలీవుడ్ స్టార్‌ నటుడు బాబీ డియోల్‌ కీలక పాత్రల్లో నటిస్తున్నారు. స్టూడియో గ్రీన్‌, యూవీ క్రియేషన్స్‌ బ్యానర్‌లో నిర్మాత జ్ఞానవేల్ రాజా, వంశీ, ప్రమోద్‌లు అత్యంత భారీ బడ్జెట్‌తో తెరకెక్కిస్తున్న ఈ సినిమా (Kanguva Trailer) దసరా కానుక అక్టోబర్‌ 10న ప్రపంచవ్యాప్తంగా గ్రాండ్‌గా రిలీజ్ కాబోతోంది.
Kanguva Trailer Update: ఈ నేపథ్యంలో మూవీ ప్రమోషన్స్‌లో భాగంగా మూవీ ట్రైలర్ రిలీజ్ అప్‌డేట్‌ ఇచ్చింది కంగువ టీం. ఈ మేరకు గ్రీన్‌ స్టూడియోస్‌ సంస్థ ట్వీట్‌ చేస్తూ ట్రైలర్ రిలీజ్ డేట్‌ను ప్రకటించింది. ఆగస్టు 12న కంగవ ట్రైలర్ రిలీజ్ చేయబోతున్నట్టు మేకర్స్ వెల్లడించారు. కాగా ఇప్పటి వరకు ఈ సినిమా నుంచి విడుదలైన ప్రచారం పోస్టర్స్‌, టీజర్‌, ఫైర్‌ సాంగ్‌ మూవీపై అంచనాలు పెంచాయి. దీంతో ట్రైలర్‌పై భారీ అంచనాలు నెలకొన్నాయి. ఎప్పుడూ వైవిధ్యమైన పాత్రలు, కథలతో ప్రేక్షకులను అలరించే సూర్య ఈ సినిమాతో ఓ కొత్త జానర్‌ని టచ్‌ చేశాడు.
పీరియాడిక్ యాక్షన్ జానర్‌లో రాబోతున్న ఈ సినిమా ఇప్పటి వరకు తెరపైకి రాని సరికొత్త కాన్సెప్ట్‌తో ప్రేక్షకుల్ని ఆకట్టుకోబోతోంది. దాదాపు ఈ సినిమా ప్రపంచ వ్యాప్తంగా పది భాషల్లో తెరకెక్కుతోంది. త్రీడీలోనూ కంగువను ప్రేక్షకులకు అందుకుబాటులోకి తీసుకువస్తుంది మూవీ టీం. ఇక తమిళ్‌తో పాటు, తెలుగు, హిందీ, మలయాళం,కన్నడ భాషలతో పాటు పలు అంతర్జాతీయ భాషల్లోనూ ఈ సినిమాను రిలీజ్ చేసేందుకు మేకర్స్ సన్నాహాలు చేస్తున్నారు. 'కంగువ' మూవీ నైజాం ఏరియాలో ప్రముఖ డిస్ట్రిబ్యూషన్ కంపెనీ మైత్రీ మూవీ డిస్ట్రిబ్యూటర్స్ రిలీజ్ చేయబోతున్నారు.
Also Read: ఒక్క యాడ్‌కి మహేష్‌ ఎంత తీసుకుంటాడో తెలుసా? - ఈ ప్రిన్స్‌ తర్వాతే అల్లు అర్జున్‌, రామ్ చరణ్‌..!
View this post on Instagram
రెండు భాగాలుగా కంగువ
కాగా అత్యంత ప్రతిష్టాత్మకంగా భారీ బడ్జెట్‌తో తెరకెక్కిస్తున్న ఈ సినిమాను రెండు భాగాలుగా ప్రేక్షకులు ముందకు తీసుకువస్తున్నట్టు సమాచారం. ఇప్పటికే ఈ విషయాన్ని నిర్మాత జ్ఞానవేల్ రాజా వెల్లడించారు. గతంలో ఆయన ఓ కార్యక్రమంలో మాట్లాడుతూ.. కంగువాను రెండు భాగాలుగా నిర్మిస్తున్నామని, మొదట్లోనే 'కంగువ' సినిమాకు సంబంధించి రెండు భాగాలుగా కథ రాసుకున్నామన్నారు. సెకండ్‌ పార్ట్‌కి సంబంధించిన స్క్రిప్ట్‌ వర్క్‌ కూడా పూర్తయ్యిందన్నారు. పార్ట్‌ 1 రీలీజ్‌ కాగానే వీలైనంత త్వరగా సీక్వెల్‌ నిర్మాణ పనులు చేపట్టి 2025 చివరిలో లేదా 2026 ప్రారంభంలో సినిమాను ప్రేక్షకుల ముందుకు తీసుకువస్తామని చెప్పారు.
Also Read: ఓటీటీకి వచ్చేసిన 'ఇండియన్‌ 2' - ఆ సీన్లపై దారుణమైన ట్రోల్స్‌, మీమ్స్‌తో ఆటాడేసుకుంటున్న నెటిజన్లు
టాప్ హెడ్ లైన్స్
ట్రెండింగ్ వార్తలు
