Moto G84 5G: మోటో జీ84 5జీ సేల్ ప్రారంభం - రూ.20 వేలలోపే సూపర్ ఫీచర్లు!

మోటొరోలా కొత్త స్మార్ట్ ఫోన్ సేల్ మనదేశంలో ప్రారంభం అయింది. అదే మోటో జీ84 5జీ స్మార్ట్ ఫోన్.

మోటో జీ84 5జీ సేల్ ప్రారంభం అయింది

Source : Motorola India

మోటో జీ84 5జీ స్మార్ట్ ఫోన్ సేల్ మనదేశంలో స్టార్ట్ అయింది. ఈ మొబైల్‌లో కేవలం ఒక్క స్టోరేజ్ వేరియంట్ మాత్రమే లాంచ్ అయింది. కలర్ వేరియంట్లు మాత్రం మూడు అందుబాటులో ఉన్నాయి. క్వాల్‌కాం స్నాప్‌డ్రాగన్ 695 5జీ ప్రాసెసర్‌పై మోటో జీ84 5జీ పని చేయనుంది. ఇందులో 5000 ఎంఏహెచ్ బ్యాటరీ, 33W వైర్డ్ ఫాస్ట్ ఛార్జింగ్ సపోర్ట్ కూడా అందించారు. 2022లో లాంచ్ అయిన మోటో జీ82 5జీకి తర్వాతి వెర్షన్‌గా ఈ ఫోన్ మార్కెట్లోకి వచ్చింది.

మోటో జీ84 5జీ ధర, సేల్ వివరాలు
ఇందులో కేవలం ఒక్క వేరియంట్ మాత్రమే లాంచ్ అయింది. 12 జీబీ ర్యామ్ + 256 జీబీ స్టోరేజ్‌తో వచ్చిన ఈ మోడల్ ధరను రూ.19,999గా నిర్ణయించారు. ఐసీఐసీఐ బ్యాంకు క్రెడిట్ కార్డుల ద్వారా కొనుగోలు చేస్తే రూ.1,000 డిస్కౌంట్ కూడా లభించనుంది. వివా మాగెంటా, మార్ష్‌మాల్లో బ్లూ కలర్ ఆప్షన్లలో మోటో జీ84 5జీ కొనుగోలు చేయవచ్చు. దీంతో పాటు మిడ్‌నైట్ బ్లూ 3డీ అక్రిలిక్ గ్లాస్ ఫినిష్ మోడల్ కూడా మార్కెట్లోకి వచ్చింది.

మోటో జీ84 5జీ స్పెసిఫికేషన్లు, ఫీచర్లు
ఇందులో 6.55 అంగుళాల ఫుల్ హెచ్‌డీ+ పీఓఎల్ఈడీ డిస్‌ప్లేను అందించారు. డిస్‌ప్లే స్క్రీన్ రిఫ్రెష్ రేట్ 120 హెర్ట్జ్‌ కాగా, పీక్ బ్రైట్‌నెస్ 1300 నిట్స్‌గా ఉంది. ఆక్టాకోర్ క్వాల్‌కాం స్నాప్‌డ్రాగన్ 695 ప్రాసెసర్‌పై మోటో జీ84 5జీ పని చేయనుంది. 12 జీబీ ర్యామ్, 256 జీబీ స్టోరేజ్ ఉన్నాయి. స్టోరేజ్‌ను మైక్రో ఎస్‌డీ కార్డు ద్వారా మరింత పెంచుకునే అవకాశం ఉంది.

ఆండ్రాయిడ్ 13 ఆపరేటింగ్ సిస్టంపై మోటో జీ84 5జీ రన్ కానుంది. ఒక సంవత్సరం పాటు ఆండ్రాయిడ్ అప్‌డేట్స్, మూడు సంవత్సరాల పాటు సెక్యూరిటీ ప్యాచెస్‌ను ఈ స్మార్ట్ ఫోన్‌కు అందిస్తామని కంపెనీ తెలిపింది. ఇక కెమెరాల విషయానికి వస్తే... ఫోన్ వెనకవైపు రెండు కెమెరాలు అందుబాటులో ఉన్నాయి. వీటిలో ప్రధాన కెమెరా సామర్థ్యం 50 మెగాపిక్సెల్ కాగా, దీంతోపాటు 8 మెగాపిక్సెల్ అల్ట్రా వైడ్ యాంగిల్ సెన్సార్‌ కూడా అందించారు. సెల్ఫీలు, వీడియో కాల్స్ కోసం ముందువైపు 16 మెగాపిక్సెల్ కెమెరాను కంపెనీ అందించింది.

మోటో జీ84 5జీ బ్యాటరీ సామర్థ్యం 5000 ఎంఏహెచ్ కాగా, 33W వైర్డ్ ఫాస్ట్ ఛార్జింగ్‌ను ఈ ఫోన్ సపోర్ట్ చేయనుంది. ఐపీ54 డస్ట్, స్ప్లాష్ రెసిస్టెంట్ ఫీచర్ కూడా ఈ స్మార్ట్ ఫోన్‌లో అందించారు. సెక్యూరిటీ కోసం ఇన్ డిస్‌ప్లే ఫింగర్ ప్రింట్ సెన్సార్ కూడా ఇందులో అందుబాటులో ఉంది. 5జీ, జీపీఎస్, బ్లూటూత్, యూఎస్‌బీ టైప్-సీ కనెక్టివిటీ ఫీచర్లు కూడా మోటో జీ84లో ఉన్నాయి.

ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial