Mathu Vadalara 2 Trailer: అదిరిపోయే పంచులు, ఆకట్టుకునే కామెడీ - ‘మత్తు వదలరా 2’ ట్రైలర్ చూస్తే పడీ పడీ నవ్వాల్సిందే

Mathu Vadalara 2 Review: శ్రీ సింహా హీరోగా రితేష్ రానా తెరకెక్కిస్తున్న సినిమా ‘మత్తు వదలరా 2’. సెప్టెంబర్ 13న విడుదల కానుంది. ఈ నేపథ్యంలో విడుదల చేసిన మూవీ ట్రైలర్ ఫుల్ ఫన్నీగా అలరిస్తోంది.

‘మత్తువదలరా 2‘ ట్రైలర్ విడుదల

Source : Mythri Movie Makers/Youtube

Mathu Vadalara 2 Trailer Launched: తెలుగులో తెరకెక్కిన లేటెస్ట్ సీక్వెల్ ‘మత్తు వదలరా 2’. ఇప్పటికే ఈ మూవీ ప్రేక్షకులలో మంచి బజ్ క్రియేట్ చేసింది. రితేష్ రానా దర్శకత్వం వహిస్తున్న ఈ సినిమాలో యంగ్ హీరో శ్రీ సింహా, సత్య, ఫరియా అబ్దుల్లా ప్రధాన పాత్రలు పోషిస్తున్నారు. సెప్టెంబర్ 13న ఈ చిత్రం ప్రేక్షకుల ముందుకురానుంది. ఇప్పటికే ఈ మూవీకి సంబంధించి విడుదలైన పోస్టర్లు, టీజర్ ప్రేక్షకులను ఓ రేంజిలో అలరించగా, తాజాగా ట్రైలర్ విడుదలైంది.

ఫుల్ ఫన్నీగా ‘మత్తు వదలరా 2’ ట్రైలర్  

‘మత్తు వదలరా 2’ మూవీ విడుదల దగ్గర పడుతున్న నేపథ్యంలో చిత్రబృందం ట్రైలర్ ను లాంచ్ చేసింది. పాన్ ఇండియన్ స్టార్ ప్రభాస్ ఈ మూవీ థియేట్రికల్ ట్రైలర్ ను విడుదల చేశారు. ఈ ట్రైలర్ ఆద్యంతం ఫన్నీగా అలరిస్తోంది. ‘హి’ టీమ్ ఏజెంట్లుగా ఉన్న శ్రీ సింహ, సత్య అనుకోని ఇన్సిడెంట్లలో ఎలా చిక్కుకుపోయారు? అనేది ఈ ట్రైలర్ ఆసక్తికరంగా చూపించారు. పోలీస్ ఆఫీసర్ సునీల్... శ్రీ సింహ, సత్యను దొంగలుగా, హంతకులుగా ఎందుకు భావిస్తారు? వారికి మరో ఏజెంట్ అయిన ఫరియా ఎలా సాయం చేస్తుందనేది ఫన్నీగా ప్రెజెంట్ చేశారు. ట్రైలర్ అంతా ఫన్, యాక్షన్ తో ప్రేక్షకులను ఆకట్టుకుంటున్నది. సినిమాపై భారీగా అంచనాలు పెంచుతోంది.

ఆకట్టుకున్న టీజర్..

రీసెంట్ గా విడుదలైన ఈ మూవీ టీజర్ ప్రేక్షకులను అద్భుతంగా ఆకట్టుకుంది. హీరో శ్రీసింహా, కమెడియన్ సత్య ఫన్, డైలాగులు అందరినీ కడుపుబ్బా నవ్వించాయి. వెల్‌కమ్‌ టు హీ  టీమ్‌ అంటూ సాగే ఈ టీజర్‌ నవ్వుల పువ్వులు పూయించింది. హి..హి..హి.. టీమా అంటూ పోలీస్ ఆఫీసర్ కామెడీ చేయడగా, అన్నీ హిలు లేవు.. ఒకటే హి అంటూ నవ్వించారు. దొంగతనాలు చేయడానికి సిగ్గు లేదా అంటే.. దొంగతనం కాదు.. తస్కరించుట అని సత్య చెప్పడం అలరిస్తుంది. ఈ సినిమాలో సత్య, శ్రీ సింహా చేసే కామెడీ మూవీకే హైలెట్ గా ఉండబోతోంది. ఫుల్ లెన్త్ కామెడీతో ఆకట్టుకుంది. 

‘మత్తు వదలారా’ చిత్రానికి పూర్తి భిన్నంగా..  

‘మత్తు వదలారా’ సినిమాతో పోల్చితే ఈ మూవీ పూర్తి డిఫరెంట్ గా ఉండబోతున్నట్లు అర్థం అవుతోంది. ఈ సినిమాలో హీరోయిన్ ఫరియా స్పెషల్ ఏజెంట్ గా కనిపించనుంది. పూర్తి స్థాయి యాక్షన్ తో ఆకట్టుకోనుంది. కచ్చితంగా ఈ సినిమా అందరికి నచ్చుతుందని మేకర్స్ వెల్లడించారు. సునీల్, వెన్నెల కిషోర్, అజయ్, రోహిణి, ఝాన్సీ, శ్రీనివాస్ రెడ్డి, గుండు సుదర్శన్ సహా పలువురు ఇతర పాత్రల్లో కనిపించనున్నారు. ఈ సినిమాకు కాల భైరవ సంగీతం అందిస్తున్నారు. క్లాప్ ఎంటర్‌టైన్‌మెంట్, మైత్రీ మూవీ మేకర్స్ సంయుక్తంగా ఈ సినిమాను ప్రొడ్యూస్ చేస్తున్నాయి. చిరంజీవి (చెర్రీ), హేమలత పెదమల్లు నిర్మాతలుగా వ్యవహరిస్తున్నారు. ఈ చిత్రాన్ని సెప్టెంబర్ 13న ప్రేక్షకుల ముందుకు తీసుకొచ్చేందుకు మేకర్స్ రెడీ అవుతున్నారు.