Actor Naresh: పెళ్లి ఒక ఫెయిల్యూర్, నాలుగో పెళ్లి గురించి మాట్లాడుతూ నరేష్ వివాదాస్పద వ్యాఖ్యలు

నటుడు నరేష్ నాలుగో పెళ్లిపై జోరుగా వార్తలు వస్తున్నాయి. ఈ సందర్భంగా ఆయన చేసిన కొన్ని వివాదాస్పద వ్యాఖ్యలు చేశారు.

(Image credit: Youtube)

సీనియర్ నటుడు నరేష్ ఇప్పటికే మూడు పెళ్ళిళ్లు చేసుకున్నారు. ఆ మూడు పెళ్ళిళ్లు ఎంతో కాలం నిలబడలేదు. కాగా ఇప్పుడు నాలుగో పెళ్లికి సిద్ధమవుతున్నట్టు వార్తలు వస్తున్నాయి. అందులోనూ ఆమె ఎవరో కాదు తెలుగు వారికి బాగా పరిచయం ఉన్న నటి పవిత్రా లోకేష్. వీరిద్దరూ ఇప్పటికే సహజీవనం చేస్తున్నట్టు టాక్. తమ బంధాన్ని అధికారికంగా పెళ్లిగా మార్చుకోవాలని చూస్తున్నట్టు కూడా టాలీవుడ్లో గుసగుసలు వినిపిస్తున్నాయి. ఇలా తన పెళ్లి వార్తలు నెట్టింట్లో హల్ చల్ చేస్తున్న సమయంలో నటుడు నరేష్ ఆసక్తికర వ్యాఖ్యలు చేశారు.  తాను నాలుగో పెళ్లి చేసుకోవడం లేదని కాని, సహజీవనం చేయడం లేదు అని కానీ ఎక్కడా చెప్పలేదు. ఈయన మాట్లాడిన మాటలు చూస్తుంటే పవిత్ర లోకేష్ తో ఉన్న బంధం నిజమేనన్న అనుమానం రాకమానదు.వీరిద్దరూ ఇప్పటికే జంటగా గుళ్లూ గోపురాలకు తిరుగుతున్నారు.  చాలా సినిమాల్లో వీరిద్దరూ జంటగా నటించారు. 

అలా చేస్తే తప్పేంటి?
పెళ్లి గురించి మీడియా ప్రశ్నించగా... సినిమా సెలెబ్రిటీల గురించి వార్తలన్నీ బయటికి ఇట్టే తెలుస్తాయి, బయట వాళ్లవి కనిపించవు అంతే... అంటూ కామెంట్ చేశారు. కానీ ఆయన ఎక్కడా ఖండించక పోవడం గమనార్హం. ‘సినిమావాళ్లే ఎక్కువ పెళ్లిళ్లు చేసుకుంటున్నారా? మిగిలిన వాళ్లు చేసుకోవడం లేదా?’ అని ప్రశ్నించారు. సెలెబ్రిటీల విషయాలే బయటికి వస్తాయన్నారు. పెళ్లి అనేది ఆట కాదని, అది జీవితమని, అందులో ఎంతో మానసిక క్షోభ అనుభవిస్తే తప్ప, వేరే పెళ్ళి చేసుకోవాలన్న నిర్ణయానికి రారని అన్నారు. నటుడికి స్థిరత్వం ఉండదని, టైమ్ కు ఇంటికి రారని అన్నారు. తాను నెలలో 28 రోజులు షూటింగ్లలోనే ఉంటానని, తన వృత్తిజీవితాన్ని అర్థం చేసుకునే వారే తనతో కలిసి జీవించగలరని వివరించారు. 

వివాహ వ్యవస్థే తప్పు
ఈ ఆధునికకాలంలో వివాహ వ్యవస్థే తప్పు అంటూ ఆయన వివాదాస్పద వ్యాఖ్యలు చేశారు. కొంతమంది భార్యాభర్తలు పెళ్లయిన నెలరోజులకే విడిపోతున్నారని అన్నారు. కోట్లు ఖర్చు పెళ్లి పెళ్లిళ్లు చేసుకుని, వెంటనే విడాకులు తీసుకుంటున్నారని, భవిష్యత్తులో వివాహ వ్యవస్థే ఉండదని, పెళ్లి అనేది ఒక ఫెయిల్యూర్ అని అభిప్రాయపడ్డారు.  ‘ఒకప్పుడు ఒక ఫ్యామిలీ కోర్టే ఉండేది, ఇప్పుడు ఎనిమిది ఉన్నాయి’ అని న్నారు. 

అందుకే ఆ మూడు విడాకులు
తన జీవితం చాలా బిజీగా ఉంటుందని, ఇప్పటికీ తన మొదటి భార్యే సినిమానేనని చెప్పారు. తన సినిమా జీవితాన్ని, షూటింగ్ సమయాన్ని అర్థం చేసుకున్న వారే నాతో పాటూ ఉంటారు. మిగతా వాళ్లు విడిపోతారు. అందుకే నాకు మూడు విడాకులు అయ్యాయి. వ్యక్తిగత జీవితానికి తాను అధిక సమయం కేటాయించలేక పోవడం వల్లే తన లైఫ్ లో విడాకులు అయ్యాయని వివరించారు. కానీ ఎక్కడా ఆయన నాలుగో పెళ్లి చేసుకోవడం లేదని కాని, పవిత్రా లోకేష్ పేరు కానీ ఎత్తలేదు.