Mangalavaaram OTT Release: ఆ ఓటీటీలోకి ‘మంగళవారం’ - ఇంట్రెస్టింగ్ ట్రైలర్ రిలీజ్, మరి స్ట్రీమింగ్ డేట్?
Mangalavaaram OTT: హాట్ బ్యూటీ పాయల్ రాజ్ పుత్ తాజా చిత్రం ‘మంగళవారం’ ఓటీటీ స్ట్రీమింగ్ కు రెడీ అయ్యింది. హాట్ స్టార్ వేదికగా అందుబాటులోకి రాబోతోంది.
Mangalavaaram Movie OTT Release: పాయల్ రాజ్ పుత్ ప్రధాన పాత్రలో దర్శకుడు అజయ్ భూపతి తెరకెక్కించిన రీసెంట్ మూవీ ‘మంగళవారం’. నవంబర్ 17న థియేటర్లలో పాన్ ఇండియా రేంజిలో విడుదలైన ఈ సినిమా హిట్ టాక్ సంపాదించుకుంది. క్రైమ్ థ్రిల్లర్ గా రూపొందిన ఈ చిత్రం ప్రేక్షకులను బాగా అలరించింది. త్వరలో ఈ మూవీ ఓటీటీలో స్ట్రీమింగ్ కు రానుంది. తాజాగా ప్రముఖ ఓటీటీ సంస్థ డిస్నీ ప్లస్ హాట్ స్టార్ ఈ మూవీ ట్రైలర్ ను రిలీజ్ చేసింది.
అప్పుడు ‘RX100’ ఇప్పుడు ‘మంగళవారం’
‘RX100’ లాంటి బ్లాక్ బస్టర్ హిట్ మూవీతో తెలుగు సినీ పరిశ్రమకు దర్శకుడిగా పరిచయం అయ్యాడు అజయ్ భూపతి. కార్తికేయ, పాయల్ రాజ్ పుత్ జంటగా నటించిన ఈ రొమాంటిక్ క్రైమ్ థ్రిల్లర్ యూత్ ను ఓ రేంజిలో ఆకట్టుకుంది. పాయల్ అందాలకు కుర్రాకురు ఫిదా అయ్యారు. అప్పట్లో ఈ మూవీ సెన్సేషనల్ హిట్ అయ్యింది. ఆ తర్వాత అజయ్ ‘మహాసముద్రం’ అనే సినిమా తీశారు. రెండో మూవీ బాక్సాఫీస్ దగ్గర డిజాస్టర్ గా మిగిలింది. తాజాగా పాయర్ రాజ్ పుత్ ప్రధాన పాత్రలో ‘మంగళవారం’ మూవీని తెరకెక్కించాడు. థ్రిల్లర్, హారర్ లాంటి ఎలిమేంట్స్ తో ఈ మూవీని అద్భుతంగా తీర్చిదిద్దాడు. ఈ మూవీని ప్రేక్షకులను బాగా ఆకట్టుకుంది. థియేటర్లలో సూపర్ డూపర్ హిట్ అందుకుంది.
డిస్నీ ప్లస్ హాట్స్టార్ లో ‘మంగళవారం’ స్ట్రీమింగ్
ఇప్పటికే ‘మంగళవారం’ మూవీ ఓటీటీ రైట్స్ ను డిస్నీ ప్లస్ హాట్స్టార్ దక్కించుకుంది. అన్ని భాషల్లో డిస్నీ ప్లస్ హాట్స్టార్ ‘మంగళవారం’ మూవీని స్ట్రీమింగ్కు చేయనుంది. తాజాగా ఈ సినిమాకు సంబంధించిన ట్రైలర్ ను హాట్ స్టార్ వేదికగా షేర్ చేసింది. త్వరలో ఈ సినిమా స్ట్రీమింగ్ కు రాబోతున్నట్లు వెల్లడించింది. అయితే, ఎప్పుడు అనే విషయాన్ని కన్ఫార్మ్ చేయలేదు. డిసెంబర్ 26 నుంచి ఈ మూవీ స్ట్రీమింగ్ కానుంది.
అజయ్ భూపతి దర్శకత్వం వహించిన ‘మంగళవారం’ మూవీలో పాయల్ రాజ్ పుత్ తో పాటు అజ్మల్ అమీర్, నందితా శ్వేతా, చైతన్య కృష్ణ, అజయ్ ఘోష్, దివ్య పిల్లై, రవీంద్ర విజయ్ కీలక పాత్రల్లో కనిపించారు. ఈ సినిమాలో ప్రియదర్శి క్యారెక్టర్ పెద్ద సర్ప్రైజ్గా నిలిచింది. ఎప్పుడూ కామెడీ పాత్రలు చేస్తూ ప్రేక్షకులను నవ్వించే ప్రియదర్శి.. మొదటిసారి ‘మంగళవారం’తో భయపెట్టాడు. ముద్ర మీడియా వర్క్స్, ఏ క్రియేటివ్ వర్క్స్ బ్యానర్స్పై స్వాతి రెడ్డి గుణపాటి, సురేష్ వర్మ, అజయ్ భూపతి ఈ సినిమాను సంయుక్తంగా నిర్మించారు. అజ్నీష్ లోక్నాథ్ సంగీతం అందించారు. ఈ చిత్రాన్ని అజ్నీష్ సంగీతం మరో లెవల్ కు తీసుకెళ్లిందని చెప్పుకొవచ్చు.
View this post on Instagram
Read Also: ‘సలార్’ మూవీలో దుమ్మురేపిన విశాల్ వదిన, శ్రియా నటనకు ప్రేక్షకులు ఫిదా అంతే!
టాప్ హెడ్ లైన్స్
ట్రెండింగ్ వార్తలు
