Malvin Arrested: డ్రగ్స్‌ అమ్ముతూ పట్టుబడిన సూర్య 'సింగం' నటుడు

డ్రగ్స్ అమ్ముతూ పట్టుబడ్డాడు సూర్య 'సింగం' సినిమాలో నటించి మాల్విన్. ఇంట్రెస్టింగ్ ఏంటంటే సినిమాలోనూ మల్విన్ డ్రగ్స్ సప్లయర్ గా నటించాడు.

Nigerian Arrested

'సింగం' సినిమాలో విలన్ గా నటించిన నైజీరియన్ నటుడు చాక్ విమ్ మాల్విన్ పోలీసులు అరెస్ట్ చేశారు. సెప్టెంబర్ 29 బుధవారం బెంగళూరులో హెచ్బిఆర్ లేఅవుట్లో ఉన్న ఒక భవనంలో డ్రగ్స్ విక్రయిస్తుండగా రెడ్ హ్యాండెడ్ గా పట్టుకున్నారు. డ్రగ్స్ కొనుగోలు చేస్తున్న వారిలో కాలేజ్ స్టూడెంట్స్ మరియు వ్యాపారవేత్తలు ఉన్నారని తెలుస్తోంది.  చాక్ విమ్ మాల్విన్ నుంచి 15 గ్రాముల ఎండీఎంఓ - రూ.8 లక్షలు విలువ చేసే మత్తు పదార్థాలు, రూ .7 లక్షల విలువైన 250 ఎంఎల్ హ్యాష్ ఆయిల్ సహా కొన్ని మొబైల్ ఫోన్లు స్వాధీనం చేసుకున్నారు. ఈ  నైజీరియన్ నటుడిపై నార్కోటిక్ డ్రగ్స్ అండ్ సైకోట్రోపిక్ సబ్స్టాన్స్ యాక్ట్ 1985 లోని పలు సెక్షన్ల కింద కేసు బుక్ చేశామని బెంగుళూరు పోలీసులు తెలిపారు. 

'సింగం' సినిమాలో చాక్ విమ్ మాల్విన్ డ్రగ్ స్మగ్లర్ పాత్రలో కనిపించాడు. మెయిన్ విలన్ డ్యానీ ముఠాలో మాల్విన్ కూడా ఉంటాడు. సినిమాలో డ్రగ్స్ సరఫరా చేస్తూ అరెస్టయ్యే క్యారెక్టర్లో నటించిన మాల్విన్ రియల్ లైఫ్ లోనూ అదే కారణంతో అరెస్టయ్యాడు. తెరపైనే కాదు తెరవెనుకా అంతే అంటూ నెటిజన్లు ట్రోల్ చేస్తున్నారు. కరోనా లాక్ డౌన్ సమయంలో సినిమా అవకాశాలు లేకపోవడంతో చాక్ విమ్ మాల్విన్ డ్రగ్స్ విక్రయిస్తున్నట్లు పోలీసులు తెలిపారు. చాక్విమ్ నైజీరియన్ సినిమాలతో పాటు పలు తమిళ హిందీ మరియు కన్నడ సినిమాలలో నటించాడు. 'సింగం' 'విశ్వరూపం' 'అన్నా బంద్' 'దిల్ వాలే' 'జంబూ సవారీ' 'పరమాత్మ'  అతని చిన్న పాత్రలలో నటించారు. చాక్ విమ్ మాల్విన్ మెడికల్ వీసాతో భారతదేశంలో ఉన్నాడని..ముంబైలోని న్యూయార్క్ ఫిల్మ్ అకాడమీలో 2 నెలల శిక్షణ తీసుకున్నాడని చెప్పారు.  మాల్విన్ ను అదుపులోకి తీసుకున్న పోలీసులు కేసు నమోదు చేశారు. మరి కెల్విన్ లా మాల్విన్ వెనుకున్నదెవరు...తననుంచి కొనుక్కున్నది ఎవరనేది ఇప్పుడు హాట్ టాపిక్. 

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి