SSMB28: మహేష్ బాబు - త్రివిక్రమ్ సినిమా టైటిల్ ఇదేనా?
మే31న సూపర్ స్టార్ కృష్ణ పుట్టినరోజు కానుకగా మహేష్ సినిమాకి సంబంధించిన అప్డేట్ ఇవ్వాలని ప్లాన్ చేస్తున్నారు త్రివిక్రమ్ అండ్ టీమ్.
సూపర్ స్టార్ మహేష్ బాబు ఇటీవల 'సర్కారు వారి పాట' సినిమాతో ప్రేక్షకుల ముందుకు వచ్చారు. పరశురామ్ డైరెక్ట్ చేసిన ఈ సినిమా బాక్సాఫీస్ వద్ద భారీ వసూళ్లను సాధించింది. ఓవర్సీస్ లో కూడా ఈ సినిమా సత్తా చాటింది. ఈ సినిమా సక్సెస్ ను ఎంజాయ్ చేస్తోన్న మహేష్ బాబు.. త్వరలోనే త్రివిక్రమ్ సినిమాను మొదలుపెట్టబోతున్నారు. ప్రస్తుతం మహేష్ బాబు తన ఫ్యామిలీతో కలిసి యూరప్ ట్రిప్ కి వెళ్లారు. అక్కడ నుంచి రాగానే త్రివిక్రమ్ సినిమా సెట్స్ లోకి ఎంట్రీ ఇస్తారు.
మరోపక్క మే31న సూపర్ స్టార్ కృష్ణ పుట్టినరోజు కానుకగా మహేష్ సినిమాకి సంబంధించిన అప్డేట్ ఇవ్వాలని ప్లాన్ చేస్తున్నారు త్రివిక్రమ్ అండ్ టీమ్. దానికి తగ్గట్లే మొదలుపెట్టారు. ఈ సినిమాకి సంబంధించిన ఫస్ట్ లుక్ మోషన్ పోస్టర్ ను రిలీజ్ చేస్తారట. అందుతున్న సమాచారం ప్రకారం.. ఈ సినిమాకి 'అర్జునుడు' అనే టైటిల్ ను పరిశీలిస్తున్నారట. త్రివిక్రమ్ కి 'A' అనే అక్షరం చాలా సెంటిమెంట్. అందుకే ఇప్పుడు మహేష్ బాబుకి కూడా అదే లెటర్ తో మొదలయ్యే టైటిల్ పెట్టాలనుకుంటున్నట్లు సమాచారం.
కథకు కూడా 'అర్జునుడు' అనే టైటిల్ యాప్ట్ అవుతుందని భావిస్తున్నారు. మరి ఇందులో ఎంతవరకు నిజముందో కొన్ని రోజుల్లో క్లారిటీ రానుంది. ఈ సినిమాలో మహేష్ బాబు సరసన పూజాహెగ్డే హీరోయిన్ గా కనిపించనుంది. తమన్ సంగీత దర్శకుడిగా పని చేయనున్నారు. ఈ సినిమా తరువాత మహేష్ బాబు.. రాజమౌళి దర్శకత్వంలో సినిమా చేయనున్నారు.
Also Read: ఎన్టీఆర్ బర్త్ డే వేడుకల్లో వంశీ పైడిపల్లి - క్రేజీ రూమర్స్ షురూ
Also Read: మహేష్ బాబుతో 'విక్రమ్' డైరెక్టర్ మీటింగ్ - విషయమేంటో?
View this post on Instagram
టాప్ హెడ్ లైన్స్
ట్రెండింగ్ వార్తలు
