Karthika Deepam December 2nd Update: హమ్మయ్య దీప-కార్తీక్ కలసిపోయారు, సౌందర్య ఇంట్లో కోడలిగా మోనిత బిల్డప్

Karthika Deepam  December 2nd  Episode 1525 (కార్తీకదీపం డిసెంబరు 2ఎపిసోడ్)

దీప పడిపోతూ ఉండగా కార్తీక్ వచ్చి పట్టుకుంటాడు. ఏంటి దీప బయటికి రావద్దని చెప్పాను ఎందుకు వచ్చావు అనడంతో బయటికి ఎలాగా వెళ్ళకూడదు కనీసం ఇక్కడ కూడా రాకూడదా డాక్టర్ బాబు అని అనగా అసలు గదిలో నుంచే బయటికి రావద్దు ఆపరేషన్ అయ్యేంత వరకు చాలా జాగ్రత్తగా ఉండు అని అంటాడు కార్తీక్. అప్పుడు దీప ఏమో ఎవరో ఒకరు నా బిడ్డను చూసి ఉండొచ్చు కదా డాక్టర్ బాబు అన్న ఆశతో వెతుకుతున్నాను అని ఏడుస్తూ మాట్లాడడంతో కార్తీక్ బాధపడుతూ ఉంటాడు. అప్పుడు దీప లోపలికి వెళ్దాం పద...నేను శౌర్యని వెతకడానికి వెళ్తాను అంటాడు. ఇంతలో అక్కడకు డాక్టర్ వస్తుంది.నేను అలా బయటకు వెళ్లేసరికి బయటకి వచ్చింది మీరైనా ఉండాలి కదా డాక్టర్  అని కార్తీక్ అంటే.. ఏదో ఎమర్జెన్సీ అని పక్కకు వెళ్ళిందని డాక్టర్ చెబుతుంది. 

మోనిత: ఆ దీప సంగతి చెబుదాము అనుకుంటే ఈ ఆంటీ నన్ను పిలుచుకొని వచ్చింది. అసలు దీప ఎక్కడ ఉంది కార్తీక్ ఎక్కడ ఉన్నాడు అంటూ టెన్షన్ పడుతూ ఉంటుంది. అసలు వీరిద్దరు ఎక్కడ ఉన్నారు? ఏమయింది అనుకుంటూ ఉండగా ఇంతలోనే అక్కడికి సౌందర్య వస్తుంది. 
సౌందర్య: ఏంటి కాలు కాలిన పిల్లిలా తిరుగుతున్నావు 
మోనిత: నన్ను ఖైదీలా ఈ నాలుగు గోడల మధ్యలో వేశారు.పిచ్చి పట్టినట్టు ఉంది ఏం పని చేయాలో అర్థం కావడం లేదు
సౌందర్య: అంట్లు కడుగు,వంట చేయి, ఇల్లు తుడువు ఒళ్ళు ఉంచి చేయడానికి ఉన్నాయి పనులు
మోనిత: అవన్నీ నా వల్ల కాదు
సౌందర్య: చెప్పింది చేయకపోతే ఎలా ఉంటుందో తెలుసు కదా 
మోనిత: నన్ను వదిలేయండి నేను వెళ్లి నా బట్టలు వ్యాపారం చేసుకుంటాను
సౌందర్య: ఆ బట్టల వ్యాపారం వెనుక అసలు ఏముందో తెలుసుకోకుండా నిన్ను ఎలా వదిలేస్తాను అనుకున్నావే
మోనిత: ఏ గుట్టు లేదు ఆంటీ
ఇంతలోనే ఒకామె అక్కడికి రావడంతో ఎవరూ సౌందర్య ఈమె అని అడుగుతారు... ఈ ఇంటి కోడల్ని అని అంటుంది మోనిత. నిజమా సౌందర్య అని ఆమె అంటే..కొడుకు పోయాడు కదా ఒంటరిగా ఉన్న నన్ను నా కొడుకుని తెచ్చుకున్నారు అని అంటుంది మోనిత. మోనిత మాటలు నిజమని నమ్మిన ఆమె నీ కోడలు చాలా మంచిది అని పొగుడుతూ ఉంటుంది. అప్పుడు మీరు కూర్చోండి ఆంటీ వంట చేసుకుని వస్తాను అని వంట చేయడానికి లోపలికి వెళ్తుంది మోనిత.

Also Read: తండ్రి రాకతో రిషిలో ఉత్సాహం, అర్థరాత్రి వసుతో షికార్లు

దీప-కార్తీక్: మరొకవైపు దీపకి ఆపరేషన్ చేయడానికి అన్ని సిద్ధం చేస్తూ ఉంటారు. అప్పుడు డాక్టర్ బాబు ఆపరేషన్ జరుగుతున్నప్పుడు మీరు ఎక్కడికి వెళ్లొద్దంటే..ఎక్కడికి వెళ్లరు ఇక్కడే ఉంటారు అని అంటుంది డాక్టర్. అప్పుడు మళ్లీ దీప శౌర్య గురించి బాధపడకు నువ్వు ఏం ఆలోచించొద్దు అని అంటాడు కార్తీక్. అప్పుడు దీప నాకు ఏదైనా జరిగితే కన్నీటి బొట్టు రాల్చి సరిపోయిందిలే అనుకోవద్దు. ఎలా అయినా శౌర్య వెతికి పట్టుకోండి అని బాధగా మాట్లాడుతుంది దీప. అప్పుడు కార్తీక్ డాక్టర్స్ అందరినీ బయటికి వెళ్ళమని చెబుతాడు. అప్పుడు దీప నీకు ఒక నిజం చెప్పాలి నువ్వు నిజం చెబితే అయినా కానీ ఆపరేషన్ చేయించుకునేలా లేవు నాకు గతం గుర్తుకు వచ్చింది అని కార్తీక్ జరిగింది మొత్తం వివరించగా అప్పటికే దీప నిద్రపోయి ఉంటుంది. తర్వాత డాక్టర్స్ అక్కడికి రావడంతో ఆపరేషన్ స్టార్ట్ చేస్తారు. 

Also Read: కార్తీక్ గురించి దీపకి నిజం చెప్పేసిన డాక్టర్, మోనితను బంధించిన సౌందర్య

మరోవైపు ఇంద్రుడు.. కార్తీక్ దీపల కోసం వెతుకుతూ ఉంటాడు. ఎలా అయినా శౌర్యమ్మను వాళ్ళకి అప్పగించాలి అంటూ బాధపడుతూ ఉంటాడు ఇంద్రుడు. మరొకవైపు దీపకి ఆపరేషన్ సక్సెస్ అవడంతో డాక్టర్స్ మాట్లాడుకుంటూ ఉండగా అప్పుడు దీపకి మెలకువ వస్తుంది. అప్పుడు దీప డాక్టర్ బాబు శౌర్య ఎక్కడ ఉంది డాక్టర్ బాబు అని అని అడిగితే కార్తిక్ ఏం మాట్లాడకుండా మౌనంగా ఉండడంతో మాట్లాడండి డాక్టర్ బాబు శౌర్య కనిపించిందా అని అడుగుతుంది. 
కార్తీక్:రెండు రోజులు ఆగు మనం వెళ్లి వెతుకుదాం
దీప: అయినా మిమ్మల్ని నమ్ముకుని తప్పు చేసాను డాక్టర్ బాబు నేనే వెళ్లి శౌర్యని వెతుకుతాను అని ప్రయత్నిస్తుంది
కార్తీక్ ఆ డాక్టర్ ఇద్దరూ ఆపుతారు..వాళ్లు ఎంత చెప్పినా వినకపోవడంతో ఆ డాక్టర్ దీప షట్ అప్ అని అరుస్తుంది. ఆయన ఇక్కడి నుంచి ఎందుకు వెళ్ళలేదు ఎందుకు ఇక్కడే ఉన్నారు తెలుసా అంటే...నాకు ఏమైనా ఆపరేషన్ చేశారా అని దీప అనడంతో ఆపు అని అంటుంది డాక్టర్.

రేపటి (శనివారం) ఎపిసోడ్ లో
డాక్టర్ బాబు అని పిలుస్తూనే ఉంటుంది... మీకు ఎప్పుడు గతం గుర్తొచ్చింది..గుర్తొచ్చాక ముందు మోనిత చెంప పగలగొట్టాలి కదా ఎందుకు ఆపని చేయలేదు..కనీసం నాతోఅయినా చెప్పాలి కదా ఎందుకు చెప్పలేదు...ఏ కారణం మిమ్మల్ని ఆపింది.. అని దీప అడిగితే కార్తీక్ సైలెంటైపోతాడు..