Kangana on farmlaws repeal: చట్టాలు రోడ్లపైకొచ్చిన జనం రూపొందిస్తుంటే.. మనది కూడా జిహాదీ దేశమే, కంగనా వివాదాస్పద వ్యాఖ్యలు

కేంద్రప్రభుత్వం వ్యవసాయ చట్టాలు ఉపసంహరించుకోవడంపై నటి కంగనా చాలా వివాదాస్పద వ్యాఖ్యలు చేసింది.

(Image credit: Instagram)

వివాదాస్పద వ్యాఖ్యలు చేయడంలో కంగనాను మించిన నటి లేరు. తాజాగా కేంద్రప్రభుత్వం మూడు వ్యవసాయ చట్టాలను ఉపసంహరించుకోవడంపై కంగనా స్పందించింది.  చట్టాలు ఉపసంహరించడంపై చాలా తీవ్ర వ్యాఖ్యలు చేసింది.  ఇన్ స్టాగ్రామ్ స్టోరీలో శుక్రవారం తన అభిప్రాయాలను రాసుకొచ్చింది. ‘బాధాకరం, సిగ్గుచేటు, పూర్తిగా అన్యాయం... చట్టాలు పార్లమెంటులో కాకుండా, రోడ్లపైకొచ్చిన జనం చేస్తుంటే మనదేశాన్ని కూడా జిహాదీ దేశమే అని పిలవాలి. ఇలా జరగాలని కోరుకున్న అందరకీ కంగ్రాట్యులేషన్స్’అని వివాదాస్పద వ్యాఖ్యలు చేసింది.  దివంగత ప్రధానమంత్రి ఇందిరా గాంధీ ఫోటోను షేర్ చేస్తూ మరో  పోస్టు పెట్టింది. ‘దేశం యొక్క విచక్షణ (కాన్ సైన్స్) గాఢనిద్రలో ఉన్నప్పుడు, నియంతృత్వమే ఏకైక తీర్మానం... జన్మదిన శుభాకాంక్షలు మేడమ్ ప్రధానమంత్రి’ అని రాసుకొచ్చింది. నవంబర్ 19 ఇందిరా గాంధీ 104వ జయంతి. 

కొన్ని రోజుల క్రితం కూడా 1947లో వచ్చింది స్వతంత్రం కాదని, 2014లో మోడీ ప్రభుత్వం అధికారంలోకి వచ్చాకే నిజమైన స్వతంత్రం వచ్చిందని వ్యాఖ్యలు చేసింది. దీనిపై పెద్ద దుమారమే రేగింది. అయినా కంగనా వెనక్కి తగ్గలేదు. మరుసటిరోజే నేరుగా మహాత్మ గాంధీపైనే వ్యాఖ్యలు చేసింది. ‘రెండో చెంప చూపించి తెచ్చుకున్నదాన్ని భిక్షే అంటారని, స్వాతంత్ర్యం అనరు’ అంటూ గాంధీపై విరుచుకుపడింది. సుభాష్ చంద్రబోస్, భగత్ సింగ్... వీరిద్దరికీ గాంధీ మద్దతు ఇవ్వలేదని, వారిని శత్రువులకు అప్పజెప్పేందుకు ఒప్పందం కుదుర్చకున్నారని కంగనా అంది. దీనిపై చాలా విమర్శలు వచ్చాయి. 

అసలేమైంది?
శుక్రవారం ఉదయం జాతినుద్దేశించి ప్రసంగించిన నరేంద్రమోడీ మూడు వ్యవసాయ చట్టాలను ఉపసంహరించుకుంటున్నట్టు ప్రకటించారు. 2020 సెప్టెంబర్ లో చేసిన వ్యవసాయ చట్టాలను ఉపసంహరించుకోవాలని రైతులు అప్పట్నించి పోరాటం చేస్తూనే ఉన్నారు. ముఖ్యంగా ఉత్తరాది రైతులు ఢిల్లీలోనే చాలా రోజులు ధర్నా చేశారు. తాజాగా మిగతా రాష్ట్రాల రైతులు కూడా ఉపసంహరించుకోవాలని డిమాండ్ చేశారు. రైతుల డిమాండ్ కు కేంద్ర ప్రభుత్వం తలొంచక తప్పలేదు. ఇలా మోడీ ప్రకటించారో లేదో, అలా కంగనా వివాదాస్పద వ్యాఖ్యలు చేసింది. 

Also Read: రెండు రాష్ట్ర ప్రభుత్వాలు ఆ విషయం మర్చిపోయాయ్.. చిరు వ్యాఖ్యలు
Also Read: మోహన్ బాబు ఇంట్లో విషాదం.. పునీత్ భార్య ఎమోషనల్ పోస్ట్..
Also Read: ‘స్పైడర్ మ్యాన్ - నో వే హోమ్’ తెలుగు ట్రైలర్ వచ్చేసింది.. అన్ని విశ్వాల విలన్లతో భారీ పోరు!

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి