Jhanvi Kapoor Tattoo: అమ్మకు ప్రేమతో.. జాన్వీ చేతిపై ఈ టాటూ ప్రత్యేకత తెలుసా?

శ్రీదేవి కుమార్తె జాన్వీ చేతి మీద ‘ఐ లవ్ యూ మై లబ్బూ’ అని టాటూ వేయించుకుంది. ఇంతకీ ఆ లబ్బూ ఎవరో తెలుసా? ఆ టాటూ ప్రత్యేకత ఏమిటీ తెలిస్తే తప్పకుండా మురిసిపోతారు.

Image Credit: Jhanvi Kapoor/Instagram

అతిలోక సుందరి శ్రీదేవికి ఉన్న క్రేజ్ గురించి ప్రత్యేకంగా చెప్పక్కర్లేదు. తన కూతురిని వెండి తెరపై చూసే భాగ్యం లేకుండానే ఆమె దివికేగడం బాధాకరం. శ్రీదేవి మరణం తర్వాత ఆమె కుమార్తె జాన్వీ కపూర్.. రంగుల ప్రపంచంలో తన లక్‌ను పరీక్షించుకోడానికి విశ్వ ప్రయత్నం చేస్తోంది. అవకాశాలు కూడా ఆమె కోసం క్యూ కడుతున్నాయి. ఇప్పుడు ఆమె చేసినా ఇప్పుడు మీడియాలో హైలెట్ అవుతోంది. జిమ్ నుంచి స్విమ్ సూట్ వరకు ప్రతీది వైరలే. తాజాగా ఆమె తన పచ్చ బొట్టు ఫొటోను సోషల్ మీడియాలో పోస్ట్ చేసి.. సర్‌ప్రైజ్ చేసింది. ఆ టాటూ ప్రత్యేకత తెలుసుకుని శ్రీదేవి అభిమానులు తెగ మురిసిపోతున్నారు. 

ఆమె చేతి మీద ‘ఐ లవ్ యూ మై లబ్బూ’ అని రాసి ఉంది. ఇంతకీ ఆ లబ్బు ఎవరనేగా మీ సందేహం? అభిమానులకు కూడా ఇదే సందేహం వచ్చింది. లబ్బూ ఎవరబ్బా అని.. ఆమె బాయ్ ఫ్రెండ్ పేరా? అంటూ తెగ ఆలోచించేశారు. ఈ సస్పెన్స్‌కు తెర దించుతూ జాన్వీ అసలు విషయం చెప్పింది. ఆ టాటూలో ఉన్న వ్యాఖ్యలు.. దివంగత శ్రీదేవి రాసిన గోల్డెన్ వర్డ్స్. జాన్వీని ఉద్దేశిస్తూ శ్రీదేవి ఓ పేపరు మీ అలా రాశారట. జాన్వీని ఆమె లబ్బూ అని ముద్దుగా పిలిచేవారట. ‘‘నువ్వు ఈ ప్రపంచంలోనే బెస్ట్ బేబీవి. ఐ లవ్ యూ మై లబ్బూ’’ అని శ్రీదేవి రాసిన ఆ పదాలు చెక్కు చెదరకుండా ఉండేందుకు ఆ పదాలను తన చేతి మీద టాటూలా వేయించుకుంది. శ్రీదేవి పేపరు మీద రాసిన హ్యాండ్ రైటింగ్‌నే యథావిధిగా టాటూ పొడిపించుకుంది. ఆ నొప్పిని భరించలేక ఆమె.. ‘‘గోవింద.. గోవింద’’ అంటూ దేవుడిని తలచుకుంది. ఏది ఏమైనా జాన్వీకి భలే ఐడియా వచ్చింది కదూ. ఎంతకైనా.. మన అతిలోక సుందరి బిడ్డ కదా.. ఆ మాత్రం ఉంటుందని అభిమానులు తెగ మురిసిపోతున్నారు.   

 

 

 

 

 

View this post on Instagram

 

 

 

 

 

 

 

 

 

 

 

A post shared by Janhvi Kapoor (@janhvikapoor)

 ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channelసబ్‌స్క్రైబ్‌ చేయండి