Jabardasth: ఇంద్రజాతో ఓ ఆట ఆడుకున్న యాంకర్ సౌమ్య - అచ్చం ఆమెలాగే...

తెలుగు రాష్ట్రాల్లో ఎంతో పాపులర్ అయిన కామెడీ షో 'జబర్దస్త్' లేటెస్ట్ ప్రోమో ఆడియెన్స్ ను అలరిస్తోంది. ఈ ప్రోమోలో యాంకర్ సౌమ్య.. గెస్ట్ గా వచ్చిన హీరోయిన్ ఇంద్రజను ఇమిటేట్ చేయడం అత్యంత ఫన్నీగా ఉండనుంది

జబర్దస్త్ (Image Credits: Jabardasth/Youtube)

Jabardasth : ప్రతీ గురువారం ప్రేక్షకులను అలరిస్తోన్న పాపులర్ కామెడీ షో 'జబర్దస్త్' ఈ వారానికి సంబంధించిన ప్రోమో రిలీజైంది. ఎప్పట్లాగే కంటెస్టెంట్ల ఫన్నీ స్కిట్స్ తో అక్కడి వాతావరణమంతా నవ్వులతో నిండిపోయింది. కానీ ఈ సారి ఓ ఇంట్రస్టింగ్ స్కిట్ అందర్నీ ఆకట్టుకోనున్నట్టు తెలుస్తోంది. ఈ స్కిట్ లో భాగంగా యాంకర్ సౌమ్య.. ‘జబర్దస్త్’ జడ్జ్ ఇంద్రజాను ఇమిటేట్ చేస్తూ నవ్వులు పూయించింది.

ప్రోమోలో ముందు రాకెట్ రాఘవ స్కిట్ చూపించారు.  నా పదేళ్ల జబర్దస్త్ ప్రయాణం గురించి ప్రజలు ఏం కోరుకుంటున్నారు అని రాఘవ అడగగా.. జడ్జ్ కృష్ణ భగవాన్ వెంటనే.. కొంచెం కామెడీ ఉంటే బాగుంటుందని కోరుకుంటున్నానంటూ అదిరే పంచ్ వేసి అందర్నీ నవ్వించారు. ఆ తర్వాత రాగం గొంతులోంచి కాదు.. ఎక్కడో గుహల్లోంచి రావాలని పక్కనున్న టీమ్ మేట్ తో చెప్పిన రాకెట్ రాఘవ డైలాగ్ కు కూడా అందరూ పగలబడి నవ్వారు. దాన్ని మళ్లీ మార్చి రాగం ఎక్కడో గుహల్లోంచి కాదయ్యా.. గొంతులోకి రావాలని చెప్పడంతో అంతా మరోసారి నవ్వుకున్నారు. ఇక ఆ తర్వాత సద్దాం అడిగిన ప్రశ్నలు కూడా బాగా పేలాయి. కింద కూర్చున్న ముగ్గురిని మీ పేర్లేంటీ అని అడగగా.. వారు రాము, వస్తం, పోతం అంటూ చెప్పడం భలే కామెడీని తెప్పిస్తోంది.  

 

ఈ సారి యాంకర్ సౌమ్య కూడా ఓ స్కిట్ చేసింది. "ఇంద్రజ గారు చెప్పే ప్రతీ ఒక్క మాటకీ ఆవిడ అభిమాని ఒకరు ఇన్స్పైర్ అయిపోయి, సేమ్ ఆమె లాగే మారిపోయింది. ఆమె పేరు ఒకప్పుడు సౌమ్య.. ఇప్పుడు సౌమ్యజ అని పెట్టుకుంది తెలుసా" అని టీం లీడర్ నూకరాజు చెప్తున్నపుడు ఇంద్రజ ఆశ్చర్యం వ్యక్తం చేసింది. వచ్చేది ఎవరా అని చూడగానే.. "ఆకాశం అమ్మాయైతే" అనే సాంగ్‌తో సౌమ్య, ఇంద్రజ లాగే నడుచుకుంటూ ఎంట్రీ ఇచ్చింది. "మేడమ్ డ్యాన్స్ వేయొచ్చుగా" అని నూకరాజు అడగగా.. "వద్దురా నూకు.. ఎందుకురా.. అని సౌమ్య చాలా సౌమ్యంగా చెబుతుంది. ఆ తర్వాత వారి కోరిక మేరకు.. ఓకే మ్యూజిక్ పెట్టండి అని అంటుంది. 'వర్షం' సినిమాలోని "నువ్వొస్తానంటే.. నేనొద్దంటానా" అనే సాంగ్ ను వేయడంతో.. కొంచెం బ్యాక్ చేయండంటూ సౌమ్య చెప్పడం కూడా కామెడీగా అనిపిస్తుంది. డైరెక్టర్ గారూ.. ఈ సాంగ్ లో కొంచెం తేడా వస్తోంది. మిడిల్ లో మాట్లాడొద్దు ప్లీజ్" అంటూ అందరికీ చెప్పడం, ఇంద్రజను ఇమిటేట్ చేసేలా మాట్లాడడం.. ఇంద్రజ కూడా దాన్ని ఎంజాయ్ చేస్తూ.. పగలబడి నవ్వడాన్ని ఈ ప్రమోలో చూడవచ్చు. ‘జబర్దస్త్’ తాజా ప్రోమోను ఇక్కడ చూడండి.

మొత్తానికి ప్రోమోను బట్టి చూస్తే ప్రతీవారం లాగే ఈ వారం కూడా చాలా సరదాగా సాగనున్నట్టు తెలుస్తోంది. ఇక ఈ ఎపిసోడ్ జూన్ 22న టెలివిజన్ లో ప్రసారం కానుంది.