రాష్ట్ర ఎన్నికల సంఘం (ఎస్ఈసీ) విడుదల చేసిన ఈ నోటిఫికేషన్ ప్రకారం, ఎంపీపీ, జడ్పీ ఛైర్మన్, వైస్ ఛైర్మన్ల పరోక్ష ఎన్నికలు జరగనున్నాయి. ఇది స్థానిక సంస్థల ఎన్నికల ప్రక్రియలో అంతిమ ఘట్టం.
MPP ZP Schedule: ఏపీలో ఎంపీపీ, జడ్పీ ఛైర్మన్ల ఎన్నికలకు నోటిఫికేషన్ విడుదల
MPP ZP Schedule: ఎంపీపీ, జడ్పీ ఛైర్మన్, వైస్ ఛైర్మన్ల పరోక్ష ఎన్నికలకు ఎస్ఈసీ నోటిఫికేషన్ విడుదల చేసింది. ఈ నెల 19న ఎంపీపీ, 20న జిల్లా పరిషత్ ఛైర్మన్, వైస్ ఛైర్మన్ల ఎన్నికలు జరగనున్నాయి.

- ఏపీలో ఎంపీపీ, జడ్పీ చైర్మన్ ఎన్నికల షెడ్యూల్ విడుదల.
- జూన్ 19, 20న పరోక్ష ఎన్నికలు, చేతులు ఎత్తే పద్ధతి.
- ఇటీవల జరిగిన స్థానిక ఎన్నికల్లో కూటమి ప్రభంజనం సృష్టించింది.
- కూటమికి స్పష్టమైన మెజారిటీ, అధిక స్థానాలు గెలుచుకుంది.
MPP ZP Schedule: ఏపీలో స్థానిక సంస్థల ఎన్నికల ప్రక్రియ అంతిమ ఘట్టానికి చేరుకుంది. మండల ప్రజా పరిషత్ (ఎంపీపీ), జిల్లా పరిషత్ (జడ్పీ) ఛైర్మన్, వైస్ ఛైర్మన్ల పరోక్ష ఎన్నికలకు రాష్ట్ర ఎన్నికల సంఘం (ఎస్ఈసీ) మంగళవారం నోటిఫికేషన్ విడుదల చేసింది.
ఎస్ఈసీ ప్రకటించిన షెడ్యూల్ ప్రకారం.. ఈనెల 19న ఎంపీపీల ఎన్నిక, 20న జిల్లా పరిషత్ ఛైర్మన్, వైస్ ఛైర్మన్ల ఎన్నికలు జరగనున్నాయి. ఇందుకోసం ప్రత్యేక సమావేశాలు నిర్వహించాలని ఎన్నికల సంఘం అధికారులను ఆదేశించింది. మొత్తం 659 మండల ప్రజాపరిషత్లు, 28 జిల్లా పరిషత్లలో ఛైర్మన్, వైస్ ఛైర్మన్ స్థానాలకు ఎన్నిక నిర్వహించనున్నారు. ఈ పరోక్ష ఎన్నికల ప్రక్రియను ‘చేతులు ఎత్తే పద్ధతి’ ద్వారా చేపడతారు.
ఎంపీటీసీ, జడ్పీటీసీ స్థానాల్లో
ఈనెల 7న వెలువడిన ఎంపీటీసీ, జడ్పీటీసీ ఎన్నికల ఫలితాల్లో అధికార కూటమి ప్రభంజనం సృష్టించిన సంగతి తెలిసిందే. రాష్ట్రవ్యాప్తంగా ఎన్నికలు జరిగిన 582 జడ్పీటీసీ స్థానాల్లో కూటమి 499 స్థానాలను (85.73%) కైవసం చేసుకుంది. ఇందులో టీడీపీ 407, జనసేన 72, బీజేపీ 20 స్థానాల్లో విజయం సాధించగా, ఏడు జిల్లాల్లో కూటమి క్లీన్స్వీప్ చేసింది. ప్రతిపక్ష వైసీపీ 76 స్థానాలకే (13.05%) పరిమితమవ్వగా, ఇతరులు 7 చోట్ల గెలుపొందారు.
Also Read: 2024 ఎన్నికల కంటే అత్యుత్తమ ఫలితాలు, మెరుగైన స్ట్రైక్ రైట్.. కూటమి విజయంపై సీఎం చంద్రబాబు
అత్యధిక స్థానాల్లో కూటమి
అలాగే, ఎంపీటీసీ స్థానాల్లోనూ ఏకగ్రీవాలతో కలిపి కూటమి 7,799 స్థానాలను సొంతం చేసుకుంది. ఇందులో టీడీపీ 6,585, జనసేన 1,044, బీజేపీ 170 ఉన్నాయి. వైసీపీ 1,801 స్థానాలు గెలుచుకోగా, ఇతరులు, స్వతంత్రులు 195 స్థానాల్లో విజయం సాధించారు. జడ్పీటీసీ, ఎంపీటీసీల్లో సాధించిన స్పష్టమైన మెజారిటీతో రాష్ట్రంలోని దాదాపు అన్ని జడ్పీలు, మెజారిటీ ఎంపీపీలను కూటమి సునాయాసంగా కైవసం చేసుకోనుంది.
Also Read: పవన్ కళ్యాణ్ను వ్యక్తిగతంగా టార్గెట్ చేయవద్దు: క్యాడర్కు వైసీపీ అధినేత ఆదేశాలు
Frequently Asked Questions
స్థానిక సంస్థల ఎన్నికల ప్రక్రియలో తాజా నోటిఫికేషన్ దేని గురించి?
ఎంపీపీ, జడ్పీ ఛైర్మన్ ఎన్నికల షెడ్యూల్ ఏమిటి?
ఎస్ఈసీ ప్రకటించిన షెడ్యూల్ ప్రకారం, ఈనెల 19న ఎంపీపీల ఎన్నికలు, 20న జిల్లా పరిషత్ ఛైర్మన్, వైస్ ఛైర్మన్ల ఎన్నికలు జరుగుతాయి.
ఈ పరోక్ష ఎన్నికల ప్రక్రియను ఎలా నిర్వహిస్తారు?
ఎంపీపీ, జడ్పీ ఛైర్మన్, వైస్ ఛైర్మన్ల పరోక్ష ఎన్నికల ప్రక్రియను 'చేతులు ఎత్తే పద్ధతి' ద్వారా చేపడతారు. దీనికోసం ప్రత్యేక సమావేశాలు జరుగుతాయి.
ఎన్ని మండల, జిల్లా పరిషత్లకు ఈ ఎన్నికలు నిర్వహించనున్నారు?
మొత్తం 659 మండల ప్రజాపరిషత్లు, 28 జిల్లా పరిషత్లలో ఛైర్మన్, వైస్ ఛైర్మన్ స్థానాలకు ఈ పరోక్ష ఎన్నికలు నిర్వహించనున్నారు.
టాప్ హెడ్ లైన్స్
ట్రెండింగ్ వార్తలు





















