Ustaad Bhagath Singh: ‘ఉస్తాద్ భగత్ సింగ్’ షూటింగ్‌కు పవన్ కళ్యాణ్ గ్రీన్ సిగ్నల్ - కానీ ఒక షరతు, అదేంటంటే?

పవన్ కళ్యాణ్ అభిమానులు ఎప్పుడెప్పుడా అని ఎదరు చూస్తోన్న సినిమాల్లో ‘ఉస్తాద్ భగత్ సింగ్’ ఒకటి. అయితే ఈ మూవీ షూటింగ్ నిలిచిపోయిందనే వార్త ప్రచారంలో ఉంది. కానీ తాజాగా..

Image credit: Harish Shankar/Instagram

Ustaad Bhagath Singh: టాలీవుడ్ లో పవర్ స్టార్ పవన్ కళ్యాణ్ ఫుల్ జోష్ లో ఉన్నారు. ఇటీవలే ఆయన నటించిన ‘బ్రో’ సినిమా సూపర్ హిట్ అయింది. మూవీ మంచి పాజిటివ్ టాక్ తో సక్సెఫుల్ గా రన్ అవుతోంది. అయితే పవన్ కళ్యాణ్ నటిస్తోన్న సినిమాల్లో ఇంకా రెండు సినిమాలు పెండింగ్ లో ఉన్నాయి. అందులో క్రిష్ జాగర్లమూడితో చేస్తున్న ‘హరిహర వీరమల్లు’ ఒకటి కాగా రెండోది హరీష్ శంకర్ దర్శకత్వంలో వస్తోన్న ‘ఉస్తాద్ భగత్ సింగ్’. ఇప్పటికే ఈ రెండు సినిమాలకు సంబంధించిన టీజర్ లు  ఆకట్టుకున్నాయి. అయితే పవన్ కళ్యాణ్ పొలిటికల్ షెడ్యూల్ కారణంగా ఈ మూవీస్ షూటింగ్ లకు బ్రేక్ పడింది. ఈ మధ్య ‘ఉస్తాద్ భగత్ సింగ్’ సినిమా షూటింగ్ నిలిచిపోయిందనే టాక్ వచ్చింది. అయితే ఎన్నికలకు ముందే ఈ సినిమాను పవన్ కంప్లీట్ చేస్తానని హరీష్ కు మాటిచ్చారనే వార్త ఇప్పుడు పవన్ అభిమానుల్లో కొత్త జోష్ నింపుతోంది. 

ఎన్నికలకు ముందే ‘ఉస్తాద్ భగత్ సింగ్’..

పవన్ కళ్యాణ్ ఎన్నికల తర్వాతే హరీష్ శంకర్ సినిమా చేస్తారనే వార్తలు మొన్నటి వరకూ వచ్చాయి. అయితే ఇప్పుడు టాక్ మారుతోంది. హరీష్ శంకర్ లాంటి మాస్ దర్శకులతో పవన్ కళ్యాణ్ ఎన్నికలకు ముందే సినిమా చేయాలనేది పీకే ఫ్యాన్స్ కోరిక. ప్రస్తుతం పవన్ కళ్యాణ్ పార్టీని బలోపేతం చేసే దిశగా అడుగులు వేస్తున్నారు. ఎన్నికలకు ఇంకా సరిగ్గా ఏడాది కూడా సమయం లేకపోవడంతో ఓ వైపు వారాహి యాత్ర మరోవైపు పార్టీలో చేరికలతో బిజీ అయిపోయారు. ఈసారి ఎన్నికల్లో జనసేన ముద్ర గట్టిగా ఉంటుందని చెప్పిన పవన్ ఆ దిశగా కార్యచరణ రూపొందిస్తున్నారు. అందుకే సినిమా షూటింగ్ లకు దూరంగా ఉంటున్నారు. అయితే హరీష్ శంకర్ సినిమాను మాత్రం వీలైతే ఎన్నికలకు ముందే పూర్తి చేయాలని అనుకుంటున్నారట. అలాగే ‘హరిహర వీరమల్లు’ ప్రాజెక్ట్ ను కూడా పూర్తి చేసే యోచనలో ఉన్నారట పవన్. 

30 రోజుల్లో షూటింగ్ ఫినిష్ చేస్తానంటేనే డేట్స్..

దర్శకుడు హరీష్ శంకర్ కూడా ఎన్నికలకు ముందే ఈ సినిమాను ఎలాగైనా కంప్లీట్ చేయాలనే ఆలోచనలో ఉన్నారట. అందుకే హరీష్ శంకర్ ఇటీవలే పవన్ ను కలవడానికి మంగళగిరి వెళ్లారట. అయితే అన్నీ ముందుగానే ప్లాన్ చేసుకొని 30 రోజుల్లో తన పార్ట్ ను కంప్లీట్ చేయగలిగితేనే డేట్స్ ఇస్తానని క్లారిటీ ఇచ్చారట పవన్ కళ్యాణ్. దీంతో త్వరలోనే పక్కా ప్రణాళికతో స్క్రిప్ట్ రెడీ చేసి తీసుకొస్తానని అన్నారట హరీష్. పవన్ పూర్తిగా ఎన్నికల ప్రచారానికి వెళ్లకమునుపే ఈ సినిమాను కంప్లీట్ చేద్దామని హరీష్ కు హామీ ఇచ్చినట్టు వార్తలు వస్తున్నాయి. ఈ ఏడాది షూటింగ్ ఫినిష్ చేసి వచ్చే ఏడాది మూవీ రిలీజ్ చేయాలనే ఆలోచనలో ఉందట టీమ్. దీంతో పవన్ కళ్యాణ్ ఫ్యాన్స్  ఫుల్ ఖుషీ అవుతున్నారట. ఎందుకంటే పవన్, హరీష్ కాంబోలో మూవీ అంటే పుల్ మాస్ యాక్షన్ ఎంటర్టైనర్ గా ఉంటుంది. ఆ విషయం ‘గబ్బర్ సింగ్’ సినిమా చూస్తే తెలుస్తోంది. అందుకే అలాంటి ఓ సాలిడ్ సినిమా ఎన్నికల ముందే పడాలని కోరుతున్నారట పవన్ ఫ్యాన్స్. మరి అభిమానుల కోరిక మేరకు ‘ఉస్తాద్ భగత్ సింగ్’ మూవీ ఎన్నికలకు ముందు రిలీజ్ అవుతుందో లేదో చూడాలి. 

Join Us on Telegram: https://t.me/abpdesamofficial